從來無fill up 過， 你形容得好好， 就係咁。
因為婚後先發現， 老爺奶奶又一把年紀（70+）， 佢哋又不嬲覺得自己個仔係筍盤， 唔知應唔應該講， 唔知點開口， 老公又仲未接受有問題。 唔講， 我就好似而家咁， 一個人面對。 講咗， 又可能產生更多問題。
呢個病係遺傳，即係6299是但一個都有，同佢講都嘥gas…
1個讚
我上星期帶小朋友做評估 都係話有自閉症普系傾向，我聽完都鬆一口氣，起碼自己嚟緊要幫佢個方向，希望而家做多啲訓練，大個好過佢爸爸
1個讚
Exactly the same 。我6299成日覺佢全家好優越(包括我個港女姑仔)，唔知以為佢全家係有錢人。其實我6299，我老公加埋我老公既叔叔應我都係自閉/亞氏保家。
我老爺所有衫係黃色，奶奶生活軌跡唔可以被打亂，我老公所有野係藍色，生活自我，返工同事關係好一般。
佢其中一個叔叔咁多年都會用啲令人unpleasant 既眼神望我。
搵到呢個post, 因為對住亞保老公, 實在好攰, 好失望…
結婚十幾年, 一直都只有自己經營婚姻, 家庭
因為阿仔係亞氏, 所以才早兩年先發現老公都係亞保
之前多年對佢奇怪性格的疑團終於可以解開…
同大家既疑慮一樣, 唔知點行落去…
佢不單唔關心我, 結婚多年, 都無mud 掂過我…
有生仔,但過程似動物交配咁…
真係好苦
1個讚
我喺亞氏媽媽，大家罵老公嘅嘢，我老公都罵咗我好多次
我都曾經想去治療，但機構話我生活到，唔需要治療。
我老公雖然唔喺亞氏，但喺一個理性嘅人，可以和我溝通，佢會代入我嘅處境嚟說服我。當佢想我陪佢，佢會直接講「我需要你陪我，我會開心啲」，咁樣我先至會陪佢。佢要說服我去街，全部用道理和計數遊說我，我就會聽。所有訴諸情感嘅嘢我都會罵佢。
有小朋友後問題多咗，老公頂我唔順，找咗輔導。我因為好理性，所以好認同輔導嘅功效，就算唔覺自己有無事都會睇輔導，對溝通都有幫助。
3個讚
我有朋友話講俾我知佢老公係亞氏
但兩公婆都唔肯見社工，接受輔導
我已經有一段時間冇再聯絡呢位朋友
主要係因為我覺得幫唔到佢啲乜，聽佢呻得多，無力感更重
想問下如果見輔導員
係要男女雙方都一齊見？
輔導員多數會點介入？
謝謝
請問可否俾 contact? Thx
You are not alone 
我諗有好多唔同嘅做法，我講我見過嘅情況。
一般一開始，只係其中一個人去見輔導員。
輔導員俾意見你，幫你換位思考，又會提議你點樣改變相處方法。
去到某個位，輔導員就會希望見埋另一位。可能是單獨分開見，輔導員會「見人講人話，見鬼講鬼話」，唔會得失任何一面，做個中間人。例如老公覺得我唔關心佢，我覺得自己好關心老公，輔導員聽曬兩面，就會提議我，點樣將關心表達出嚟，等老公感受到。
亦有啲嘢，可能需要兩人同時見輔導員。試過我和老公內心有條刺，但又唔知點開口。有一位輔導員理解後，叫曬我哋兩個，一五一十講出嚟，然後教我哋原諒。
輔導對我倆有效，建基於我哋同時信任個輔導員。我試過找女輔導員，老公好唔相信佢，就無用。
6個讚
同我老公一樣
婚姻掙扎中, 同亞氏老公真係無法相處和溝道…好辛苦: ( 同路人, 你們還好嗎?
1個讚
原來係咁
怪唔之得你之前咁樣講野
點呀，有必要嗎？
3個讚
知道左背景資料咪明白多d 囉
我真心覺得自己講既野無錯喎
同埋我真係無accuse佢 - SEN真係有遺傳
阿士保加，據我所知，都係屬於自閉症族譜，不過算係high function。而佢地最大問題都係缺乏同理心，因為佢地理解唔到其他人既感受
我只係想強調
每個人都值得有快樂既權利
你留係度唔開心可以走
但唔好話留係度既人唔deserve happiness
提升自己EQ先係上策
其實人地都係講下自己睇法姐，何必咬住人。個個post 既討論點解要帶黎呢個post?
好心你反省下自己喇
雖然我都唔認同佢上個post既睇法
但我更加睇唔起你呢種死咬唔放既做法
做到你咁鬼小家
同隔離bk班藍大媽有乜分別
我寧願你地覺得我小氣
都要守護依條底線
希望你地可以體諒
其實係咩事？