點樣爆法??
其實我諗左好多方法
既然唔想成日見住, 咁不如帶小朋友去街, 自己一家四口去, 唔同四大長老
咁咪全程都係我地兩公婆自己教
但佢又諸多藉口, 話疫情, 話天氣熱
咁好丫, 唔好去街, 去FD屋企啦, 又嫌人地屋細, 怕小朋友跑跑跳跳撞親
我真係好無言, 超想反眼
我唔知仲可以點做, 佢講下佢想點, 我去配合都好丫><
叫佢安排囉，問佢係咪想喺屋企？
係咪你自己有小朋友出去。
咁睇嚟先生有情緒問題,但自己唔願意同人傾嘅狀態
可能要先由關心佢著手,而唔好著眼太多problem solving先
因為佢情緒唔好,就算你諗好多方法佢都唔會配合
1個讚
其實我都覺得佢有, 所以我己經盡量就哂佢
我有提出過話不如去見下醫生, 佢話佢自己知自己咩事
我唔迫佢要日日去婆婆度食飯
我仲成日都叫佢約下朋友見下面鬆下
只係佢唔會自己約, 佢D FD 又個個都有家室, 所以可能幾個月先見一次
就算佢去得夜, 我都唔會哦佢, 我成日叫佢做D令自己開心既事
間唔中又會安排D節目同佢兩個出去拍下拖
只係每次出去玩完, 問佢今日開唔開心, 佢唔會答我"開心"
做老婆做到我咁, 係咪好失敗 ><
成個家庭好似有d奇怪⋯我唔係好明個場景。
1.同仔女留響娘家過夜而老公一個返屋企?一家四口個bonding唔夠，有d疏離。結左婚唔會分開瞓。
2.公司太忙放得夜，老公+仔女+姐姐食先，個場景應該係一直響屋企?點解會有婆婆加埋一齊?
定係又係嗰d要老人家幫手而搞到兩邊都唔討好嘅case?
情況同你講差唔多, 我地上婆婆度食飯
基本上小朋友日日都係婆婆屋企照顧, 姐姐, 其實都係婆婆既姐姐來 (我老公唔鍾意有外人係屋企, 我話請鐘點佢都唔肯)
WEEKEND 或者好早食完飯, 我地就帶哂小朋友一齊返去, 第二朝我一個湊住2個返婆婆度
如果唔係, 就係老公一個返去
疫情後就一直維持呢個模式
我知道真係好唔健康, 我有同佢傾過, 話不如每晚都帶, 佢唔肯
佢話第二朝 TUN 來 TUN 去好辛苦 (但我想講其實佢最多都係 TUN 過一次, 之前差唔多次次都係我帶, 可能佢唔想我辛苦先咁講)
然後我話咁不如叫姐姐過來湊, 佢就話唔鍾意有其他人係屋企
或者真係要辭左份工佢先改變到, 但佢一份糧又好難 SUPPORT 成個屋企
佢又想移民, 又要儲定多個錢
我知道自己比好多人幸福, 屋企人好幫我
我應該要體諒下個老公
只係我唔知可以再點做先令成件事再好D
呢個好可能就係問題所在
你老公唔同意兩老教小朋友嘅方法，你哋離開左、你老公可能覺得老人家就會縱佢，或者係「如果係我教就唔會變成咁」
同埋當刻，你都知道你老公係嬲同唔開心
咁得返佢一個走、返屋企
老婆仔女都係哂外家，可能會有難受嘅感覺
睇情況，我估你老公發緊自己脾氣。
慢慢嚟，兩公婆係凑仔方面真係會好多分歧，尤其返學後，大家對學業，課外活動都會有不同意見，大家慢慢磨合，達成共識，需要時間。
至於婆婆幫手湊仔，我就會好女兩頭瞞/ 氹。平時多啲話俾老公知：有老人家湊仔好幸運；同婆婆講：老公返工都辛苦，又肯幫手教仔，OK啦。潛移默化雙方
2個讚
睇到你都覺得慘，夾係中間最辛苦，男人有時真係好麻煩，唔知做乜嬲，又唔出聲又黑面好討厭。有冇等老公冷靜下之後問佢咩事嬲，如果肯講就好，唔講就算。如果主要原因係因為佢覺得婆婆湊孫嘅方法有問題，咁不如唔好俾佢上婆婆屋企，見唔到就冇咁易發脾氣。
呢d 嘢無十全十美㗎喎，點可以因為爸爸想點就點，而要小朋友留低俾婆婆同婆婆個工人㗎！
我覺得你要同老公好好傾下，咁樣對小朋友好唔公平，屋企如果容納唔到小朋友仲要生2個，好不負責任。
1個讚
係，姊妹講得啱，好似個新家庭根本容納唔到對仔女。
感覺成頭家冇凝聚力，東一忽西一忽。小朋友堅慘，即係一般都冇親子時間。咁夫妻二人世界嘅親蜜時間呢?係咪因為要二人世界而要仔女、工人都唔可以留響屋企?
唔洗移民，請工人已經可以解決問題，所以我先會諗係因為要二人世界先咁抗拒「外人」。
我既睇法係教仔唔可以有咁多人話事…
一個兩歲小朋友，要父母、工人姐姐再加婆婆湊，個小朋友都唔知聽邊個講好
而且我覺得你既小朋友太皇帝仔，我唔知依個年代係唔係個個小朋友都係咁，但有飯唔食，仲要人哄？我接受唔到！
呢個我都明
所以今日都有再同佢傾
或者當刻佢要時間冷靜
唔再拒絕溝通已經好感恩
我諗佢到咁嘅情形都係被逼一齊住
唔係容納唔到，亦都唔係放低比哂婆婆既
我晚晚都同小朋友一齊
如果留係婆婆度個日，係我老公自己返屋企
其實我明唔係一個健康既做法
有各種原因令到我地原本 plan 好既野變完又變
可能就係咁樣變來變去，導致佢好似咩都控制唔到咁
所以先會成日咁樣發脾氣
究竟你老公想點㗎？都冇十全十美嘅辦法
又要儲錢所以你唔可以全職湊仔
又唔想屋企有外人喺度所以唔可以請幫手
又同你爸爸媽媽喺湊仔方面唔夾
我認同樓上有位所講，佢應該係發緊自己脾氣，唯有等佢冷靜之後先再溝通
睇文字都感受到你嘅無奈
好似將所有脾氣都淨係發晒你一個人身上咁？
親子時間雖然唔算多，但亦唔係無
我地都會同小朋友畫畫睇書
Weekend 會行下，雖然真心係唔多
但你講得啱，而家個模式係好唔健康
移民呢樣野就其實小朋友出世個陣已經安排緊
所以撇除我老公唔鍾意有外人係屋企之外，都唔想係唔知幾時會走既情況下去請新姐姐啫