我都吸到wing wing哋，仲有一刻吸到瞓著咗 ，成層產房好忙，又未開夠度數得我自己一個係產房，痛醒咗後唔夠膽再吸，唔係bb跌咗落哋冇人知就大鑊
我係催生，個時揀無痛，又真係唔痛…不過生之前我郁一郁隻腳成隻跌咗落床，姑娘即刻問我做乜，我驚佢收走我d無痛即刻用返力話無事
其實8，9度佢哋都開始停藥等你用到力。個d波呀貼個d，按摩for好前期係有用，但係開始大痛我就唔係好得。
我係私家催生，係開咗3/4度個陣打無痛，之後好爽，但個藥力有時會降低左姑娘可以隨時幫我跟麻醉師指引加dose .
Push個陣左大概15分鐘, 醫生話我好有力所以無問題，完全唔痛。
情況許可一定打無痛，我同其他人講生仔唔係好痛
都係因為無痛。
P.s. 有用過笑氣覺得無用
1個讚
我2胎都用笑氣。堅痛。笑氣已有用。不過順產堅痛但係好美好的回憶。
生左2個已經覺得生仔其實唔可怕，尤其第二胎，雖然痛過第一胎十倍但生得勁快，不過唔想再經歷
我上年QE生，中午穿水入院一直好地地到凌晨先嚟料，呢個鐘數真係叫天不應叫地不聞，終於就俾咗個電流貼咁嘅東西我止痛
初時嘅陣痛係有效嘅，但到後面已經頂唔順，每分鐘輪迴住又眼訓又痛醒咁超級勁辛苦，居然junior仲話我未生得，之後senior出現一睇就話佢聽我生得㗎喇喎
最慘地方淺窄入唔到床，痛到見上帝都仲要爬落床行幾步再爬上去另一張床，最陰影真係呢一段，我喺度計咗幾個cycles我有幾多秒時間係可以勉強去做呢件事先垂死行動
跟住推到入產房又要極其冇力地換多一次床，然後已經即刻生咗，我係生完先有笑氣聞，你話搞笑唔搞笑？
呀，其實除咗痛痛痛之外，如果選擇順產嘅媽媽，一律建議真係趁未陣痛到發癲入產房時，有得食要食飽啲，生仔真係好用力，如果拖得長，仲耗力。
第一胎時唔識，lunch 冇乜點食，之後突然穿水入產房，差啲生到冇力推BB出黎。到第二胎，到lunch time幾大都食多兩啖飯。
3個讚
哈哈，係呀，同意食多啲飯。
我第一胎，入院催生，勁緊張，早餐只係食幾啖。但朝早入院，去到夜晚9點幾先出力push。但問題係我十幾個鐘無食飯我根本無力，最後BB焗咗入面太耐，個細粒過我個女醫生幫我用力推個肚先生到出嚟。
其實諗番真係好驚險，好彩及時生得出，否則焗太耐真係不堪設想。早知道真係夾硬食都食多幾啖。
我就係上個月係QE順產，吸笑氣其實減到5%痛。痛咗7個鐘真係無辦法要求打無痛，無痛分娩真係幫咗我70%， 真如話齋我真係去到開十指無力生，結果分娩輔助用產鉗，我b頭部被產鉗夾傷，母子平安最重要。
有好有唔好，如果重新選擇我一定打無痛分娩：(