愛定責任，邊有得咁樣分
我諗起一樣野，可能係我同佢價值觀的分別
第二隻貓係佢執返黎救的，初頭佢話呢隻係佢的貓，要教到佢好親自己 (因為第一隻貓親我唔理佢)，結果第二隻貓都係一樣親我多，而佢成日講笑話要掉左佢，養過隻新的再黎過
我係覺得，佢唔好就教到佢好，係修正返好
佢係唔啱心水就直接想換
5個讚
男人都係好理性，但女人係感性動物。
愛同責任完全2回事
有愛已經滿足左所以野，唔會擔心個男仔唔負責任架
女人係難明嘅
舊既唔去，新既唔黎。
無小朋友還好，越早離開，等待更好的來臨。
呢句只係安慰人嘅啫，雖然正向思想好重要
由一開始一齊，佢已經知我為左佢留係香港，放棄左好多野
佢唔理解呢啲叫付出
直到而家都仲有人會invite我出國發展
而家我等疫情完結，安心準備移民去歐洲
7個讚
付出嘅嘢永遠唔對等㗎啦，不過你有能力移民就好，香港始終唔係適宜逗留嘅地方（至少未來三五七年都唔會係），離開傷心地去開展新生活係好事嚟，加油呀兄弟！
變心邊有分男女架
但可能你一直太照顧佢
令個關係變得唔相向
過分寵愛一樣會有反效果
你會遇到更好，不要難過
1個讚
你值得擁有更好！向前看，活得比佢好！加油
其實，我同原生家庭關係好疏離
所以一個人冇顧慮要走好易，錢又易搵
就算我係香港都係開公司，要諗的走果時賣左佢定執左佢
求指教
多D上來
我地陪你…
有自信自己明天會更好
佢依D玩玩下一定無好結果
到時佢一定後悔
佢自己都講過，將來佢一定後悔，不過唔關我事啦
我而家生活寫意，係屋企食住零食，仲未決定今日返唔返公司
3個讚
其實可以好多年都未釋懷。
可能只看到自己的好，但沒有了解過對方真正需要。
一個人女人咁選擇得，真係要雙方都反省下。
好彩無仔女，當情侶分手咁過。。。
聽樓主你講你向呢段關係付出咗好多但最後得唔到應有既結果，唔甘心係好正常，樓主ex 同你講分開個時喊到仆街唔係因為佢對你仲有感覺，只係同你一齊咁耐好似親人咁要走所以先喊啫，on the other hand 你都要轉移視線搵第二樣野分散注意力， the best is yet to come.俾d時間自己，加油！
利申： 我既ex 都係同我由中學一齊好多年最後都係佢識咗第二個就分手，而家我已經有自己既Mr. Right 
其實都唔需要轉移視線，本身我工作已經有好多野做
原定為左技術移民台灣，報左個專業牌考試，溫書又要時間
其實男好女好, 單方面付出好難維持得耐
當然我唔係話樓主唔啱, 而係對方好易會變得理所當然
同埋溝通真係好重要, 有時自以為係對對方好
但站喺佢角度可能佢唔係想要呢啲
釋懷唔到係好正常, 唔需要強迫自己
俾多啲時間去習慣, 慢慢件事喺你內心就會變淡
嘩…你唔好掛住食零食肥曬
到時出唔到去溝女WOR
如果冇小朋友嘅情況之下離婚其實問題不大，就算你付出幾多俾咗幾多愛佢都好對方係唔愛就唔愛，又或者佢想要嘅其實唔係你所俾佢嘅嘢，愛情呢啲冇得咁計。不過我覺得如果決定要結婚就唔應該淨係諗愛情而係有一份責任，如果佢冇呢份責任心都冇辦法。
就算親人，無人會陪你行一輩子
所以當下有家人朋友關心你的話，好好珍惜
加油，單身都可以好快樂，想做乜做乜，無顧累