Mechanical, Civil, 總之工程系都得。
睇吓 OK 姐，佢之前做地盤，咁嘅樣都有男朋友。
當年讀女校有幾個tb
一升咗上大學就即刻變返女仔仲識埋男朋友
而家結埋婚
1個讚
我都有呀, 男女校, 中一至中五keep住都係狂燥型tb, 出咗嚟社會就直咗…
加上女校出身，從未掂過陽氣
係吃豬時機
我覺得都有關係，身邊有2個未嫁既都係咁啱讀女校。認同樓上有會員講因為中學少接觸男仔，到大學除非個人好outgoing,如果唔係其實冇想像中識到咁多男仔。
1個讚
仲有Math, Engin, Computer science 呢d 剛陽味重既科，真係係女都叫女神。商科就相反，勁多靚女，有d 明明係幾靚都俾人覺得麻麻地姐普通姐。
1個讚
其實女校好好玩
會見慣TB，TBG
學校無男仔，搬搬托托都係女仔搞掂，借M巾大聲問就得，大大方方擰入廁所，唔使用袋裝住
漏M都無咁尷尬
3個讚
我讀嗰間係超保守修女學校，如果放學有男仔企係學校門口修女會趕佢地走。中學生不得談戀愛由中一開始洗腦，男女授授不親。甚少聯校活動，所以跟本無乜可能接觸外面既男仔。學校極少男老師，修女校長係有得揀一定請女老師。
我覺得我好多同學畢業後唔識同男仔相處，或者會覺得男女之間唔可以做friend，好多時會錯過機會。
1個讚
女校多數都名校, 好多人都眼高於頂 (呢樣個人選擇, 我唔係批判緊),
呢個先係結唔倒婚既主因
2個讚
仲有鑽野，換燈膽，爬高爬低，D電器野，電腦野乜都自己做，以前我老公好唔慣
呢個真呀，我都覺得女校嘅同學都比較不拘小節 
我都會自己做維修
上回我講例子就是，從未接觸陽性，保證係豬（個男人睇中佢其中之一）當然讀土木工程收入OK（女仔唔使家用零用）
同人相處可能會有少少唔同
不過都睇人嘅
我中1-6 都係讀女校架
我已經嫁左
讀大學同返工期間都識到好多男士
都有人approach
所以讀女校係唔會識唔到男朋友都係遲少少者
但學業為重
學歷係女仔最好既嫁妝
1個讚
我個人覺得係男仔頭
當自己係男仔
不過我有呀哥又有細佬
可能同其他case又唔同
你咁講又好似係
我有幾個朋友係名女校出身，有樣有事業有家底
但30中都未拍過拖
憧憬着有高富帥白馬王子出現
2個讚
我個間同你有d似，讀到畢業都冇見過有同d男女校、男校搞聯校活動
我好多朋友都仲係單身，有d即使出嚟做嘢好多年 仲喺A0
女校嘅女仔其實有兩個極端，一係好怕羞見到男仔唔知點算，一係同d男仔好似兄弟咁
所以我覺得讀女校都有d影響點同男仔相處，繼而都影響咗搵另一半
呢樣真，我讀女校，大學讀"男科", 好多時粗重野自己攪掂，試過去地盤實習有男同學出手扶我，我望一望佢仲瘦過我，我以前玩sport 全身muscle, 轉頭巳經爬左上去，仲幫返佢上。好多年後佢有同我講話我太強勢，想揾位獻恩勤都無，唔敢追我，大家做左兄弟。
嗰時其他女仔真係會等男仔幫，行兩步要人扶，好坦白我好睇唔起，可能呢啲就係女校思維。
不過我嫁得出，只係揾左個比我再強勢既老公 
而家諗返轉頭真係蠢，個人嬌嗲啲應該做少啲。
2個讚
所以有d女子會扮乜都唔識收兵
我讀男女校但又唔算多人追，遇到d男人又麻麻地。我覺得個人性格同緣份啦。我27歲驚無拖拍，都成日出去識多d人同學下野，唔一定為搵另一半，出去見下人同其他人傾下計都好。