我同你一樣兩個年齡差3年，但我兩個已上小學，一個出年升小六，我一直都係自己湊，無人幫。諗返一個2歲，一個5歲嘅時候好似無幾耐之前嘅事，時間過得好快，辛苦總會捱過，等你細嗰個返幼稚園時，你會舒服啲，加油！！
但係我嘅EQ比做女時少
我覺得就算對小朋友eq高左都唔代表對其他野eq高。。。
大6歲細3歲，ftm冇工人，頭2年真係辛苦到想死。之後頂唔順叫奶奶一個月幫我睇1日比我出去搵吓朋友/拍吓拖！心理平衡返唔小。而家佢地慢慢長大開始獨立，輕鬆咗好多！嚟緊兩個都返哂學每日都有2-3個鐘 me time 就會好好㗎喇～加油
一出街就會煩啲大周圍走，細要抱住，買下餸或其他野都買唔到，一邊買一邊追住鬧。
大家一齊加油
1個讚
我教小朋友要問咗我先，我話唔可以都唔食得。
推bb 車加塊企板，一次過控制二個，雖然麻煩啲，但你無咁辛苦
一個兩歲，一個9個月。
而家每日都覺得自己好似一個痴線婆。
弱弱一講，我係一湊三冇工人，有時辛苦同刻板到想顛，有時又好平靜、風和日麗咁。老公好願意幫手同體諒所以好感恩。
我經驗係，2歲以後，過咗細路唔會發神經好硬頸唔妥協呢種trouble 2時期，又聽得明人話，情況會好好多。
及個人心得，多d外出，俾細路放電又好，搵自己嘅地方散步放鬆又好，心情會好好多！（雖然返到屋企消毒嗰下又會打仗咁）
2個讚
我2個小朋友都係5歲+2歲，無姐姐無長老，自己一手一腳湊大
每日過住猶如癲婆的生活，2個都勁痴身，最鍾意成塊膏藥咁撻住我。大的最鍾意搶細的玩具，郁啲就喊；細的簡直係人間極品，曳到不得了。日日周旋喺2個爭風吃醋，搶玩具爭圖書之間，再打埋家頭細務，真係頭都痛
每一晚臨瞓我都會安慰自己，「明天會更好」，第二朝起身啪杯咖啡又去同2隻小怪獸戰鬥啦
3個讚
笑左！
佢一定好得意
大家咁話，所以幼稚園一齊上學，希望可以好少少啦
好鐘意呢句，我嘅獨身中女朋友，唔明點解我衣著打扮都hea咗，成日話佢啲frd生兩個都打扮舉止優雅，靚靚咁同小朋友出街食飯打卡影相。
我一句KO佢：我肯定你啲優雅frd唔係自己親手照顧個小朋友，影完相就比返工人，然後自己去補妝。
佢：係呀，咁有咩問題，有人湊咪得。
帶小朋友出街食飯可以“優雅”，我聽完真係大笑三聲
3個讚
總有咁嘅人
有時候會覺得…咁同農場動物有咩分別
俾野佢食俾水佢飲，放佢出去行下，完了。
到小朋友長大後，問佢同父母有咩美好回憶…答唔到
1個讚
我都有領過野。我只係輕輕話我2隻野好嘈，令我少左me time, 佢地就話：咁你會唔會後悔生左佢地？你覺得自己適唔適合做媽媽？
下。。。？！當下真係唔識應佢地。呻2下就已經被問自己適唔適合做媽媽，有無誇張d
自此我唔再同佢地講自己仔女野，費時我嬲左。
我覺得真心有人認為being 優雅係重要過落手湊，image 好緊要。
又咁講，難怪佢地無人埋單既，咁諗野and 咁講野。
所以我會原諒佢地無知，因為人地真係無經歷過ma.
有生同冇生小朋友，有工人冇工人真係兩個世界，網上都好多文章話生完都要有me time、同老公有拍拖時間、做運動、出街Facial、整頭髮唔可以懶，我好想問邊到有時間？
1個讚
我冇工人，2個相差2歲，望番轉頭頭1,2年真係幾攞命。細既唔識會搶玩具又唔識就力，大既會吃醋又其實仲係細需要氹。就算老公係神隊友，但每日都依然係好似痴線婆冇生活質素可言。
但過左2歲後，突然所有嘢好好，佢2個年紀差唔多可以一齊玩唔洗我陪，相親相愛時間多過鬧交，見到佢地既互動都覺得開心。
1個讚
咁佢哋知道自己唔想過“顛婆”生活，選擇唔結婚唔生小朋友，其實ok嘅，但真係好難解釋“顛婆”生活嘅樂趣比佢哋聽
所以我盡量唔同獨身中女朋友講家庭和小朋友。
2個讚
除左獨身，就算結左婚但如果對方係決定唔生b的話，我都唔會同佢地傾bb 話題。通常佢地都會諗到件事好恐怖好慘，我又好難用言語解釋到個種有小朋友既開心俾佢地聽，就好似d 人問陣痛即係點，真係好難表達。
2個讚