當然有，桃花年就有。
嗰啲外表似蝦頭，馬斯特博士，星戰冼樸嗰啲唔講啦，因為娛樂性低，我一嘢一盤冷水冷靜咗佢地，我仲要返工，唔好係公司攪咁多嘢。
有一單嘢我由 2009 拆到 2011 先可以令佢死心，仲要係靚女 （不過心地唔好) , 又唔影響舊同事 group 嘅關係。
你好狼死喎。
係學校條走廊到喎
等我又分享下。
大學時非常鐘意一個男仔，公認校草，10個女仔有9個見到佢會嗒糖個種。我一見佢個心就跳得好快，成日希望係campus 撞到佢，我大學時唔識打扮，佢對我係無乜興趣既，只係hi bye friend
但我同呢個男仔好有緣份，我地背景相近，大家屋企只係一街之隔，佢讀既男校係我讀既女校旁邊。大學畢業之後，每隔幾個月，我就會係街上偶然咁撞到佢，好似拍戲咁，風雨不改，畢業好多年後，我地終於做左好朋友…
由唔係好熟，都一班人出黎，再兩個人出黎食飯，校草終於get 到我既好，或者我出左黎做野後，變得成熟有女人味，我feel 到佢對我有野…可惜，我同佢實在識左太耐，我太清楚佢個性，有啲男人，只識合做男友，唔適合做老公。佢想追我時，我巳經過左搵靚仔做男友既年紀，而同一時間，我亦遇上一個適合做我老公既人…
下面呢首歌，係有一晚我同佢食完飯後，我地一齊行返屋企，佢當晚係ig post 出黎。我覺得真係好啱形容我倆關係，即使依家我結左婚，但聽到呢首歌，都會想喊出黎…
原來，呢啲就叫「緣份」
“還記得櫻花正開 還未懂跟你示愛
初春來時 彼此約定過繼續期待
人置身這大時代
投入幾番競技賽 曾分開曾相愛
等待花蕊又跌下來 才洞悉這是戀愛
未有過的愛情 但有種溫馨
歸家那單車小徑. 沿路細聽你的歌聲
沒法再三傾聽 你的感動暱稱
維繫錯的一番友情 無奈已經不可糾正
太過堅貞 “
6個讚
找埋女嘅故事，講最長最激嗰個。
第一集
呢單野發生係2008年，當年我公司有個女assistant, 25歲左右，高瘦長髮眼大大，幾靚女，收超多兵，當年我剛在一次辦公室政治生還，仔女仲細，佢靚唔靚我唔care, 最緊要做到嘢，唔可以俾人有痛腳郁我。 咁呢個女仔，我叫佢做D小姐啦，係做到野，不過我直覺覺得佢心地唔係咁好 (十幾年之後，我知佢係藍），加上我本身做嘢係快吞轟 style, 佢出面收兵，但呢度佢係我嘅兵，唔會錫住佢。
公司有一個單身男同事，同我都 friend 嘅，叫佢 T仔啦，佢都好 like D小姐，佢應該都做左兵，後生仔追女仔我只係食花生，有一日 team lunch, 落大雨，T仔見D小姐無傘自然想遮人，但D眼尾都無望，一嘢就去咗我度，我話俾佢知我把傘似我，一樣咁縮骨，遮兩個唔係好得，佢話唔緊要，繞住手臂行埋啲咪得囉，我唔通當住咁多人面前推開佢咩，之後就咁行返公司。
之後我單獨搵T仔出來飲嘢，佢話D小姐已經話同佢無可能，仲話D小姐講最鍾意嘅類型係我，講嘢好好笑但平時又好惡死，結咗婚佢都唔介意。頂! 之後單嘢通晒天，D小姐未做夠一年就轉工啦，但仲留喺公司同事 Skype group 度，因為我地 culture 係轉左工如果喜歡的話都可以來 join 工余活動。
本集完，未結局，下回再講。
4個讚
直覺D小姐係嗰啲好勝gigi嗰類，唔係話真係鍾意你所以纏繞你，只係一路唔甘心收唔到你做兵條氣唔順
等睇後續
第二集
人走咗一個月，佢突然搵我，我諗係要 reference letter，原來係叫我幫佢搵樓租，一個女仔搬出來住，仲要住我個屋企附近，佢話原因係近佢新公司，我就唔信囉! 我求其俾咗幾個地產經紀嘅電話號碼，叫佢自己contact, 佢話驚俾人呃，呢區我又係地膽，叫我陪佢一齊睇樓，我係呢區大，地產公司識我，仲識我呀媽，揚左會俾街坊知，一男一女去睇樓我水洗都唔清，我都係叫佢食自己，之後佢真係租左間屋，行去我屋企都唔使過馬路，返工時仲去 van 仔站等我一齊上車，一星期都俾佢撞正兩三次一齊返工，不過唔同地方落車。
耐唔耐又話自己一個人係間屋悶，晚餐又唔知食咩好，話附近餐廳都食到厭，仲想搵日一齊收工買餸上佢屋企煮飯，我串左佢一句，你時時叫男仔上屋企煮飯㗎，佢面都黑晒，話佢唔係咁隨便嘅人，唔係咁易俾男人去佢屋企，之後無見到佢…一段時間。
食完飯，寫第三集
3個讚
Wa… 咁猖狂，知你有老婆仔女都咁唔要面，點解唔直接狠狠地拒絕佢
好絕情啊
進擊的巨人咩咁唔要面
1個讚
因為當年我在公司有更大敵人要對付，要 keep 住好好嘅人緣 ，個故事我 post 左十幾分鐘 delete 左，因為有人提我會俾人起底。
第三集
Van 仔站等我係無用，因為當年我都算出 trip 出得密，都唔係咁易俾佢撞到。 佢都知我時時飛，Skype 問我依家係邊度，我話俾佢聽我呢排要時時去星馬，佢話都想「自己」去旅行，問我下次幾時飛，佢會買同一班機同我一齊去，最 CLS 係佢問我可唔可以 share 一張床俾佢，佢話share room 但唔同床可以接受，佢信得我過，又可以慳返啲酒店錢，我一嘢推咗佢，我去到 schedule 好密好多嘢做，晚上都唔會有時間陪佢食飯，因為我晚晚有客請食飯，人俾錢，我要俾面去。
之後我真係出 trip 出得好密, 80% travel, 差唔多一年之後佢話業主加租，我呢區又貴，問我有無計，我話搬去平啲地區咪得囉，之後佢竟然問我呀媽屋企可唔可以租間房俾佢，佢都short上腦，奶奶政策都出埋。我一野推咗佢，之後佢竟然去九龍區買咗樓，有錢到呢…
諗住都應該完，有一日我晚上去呀媽屋企食飯，之前去行附近書店，書店入面見到佢，佢身邊…唔係，嚴格來說係後面有條仔，高大又幾好樣不過似兵多啲，成個書僮咁幫娘娘拿書，D 小姐都係無咩表情，但佢一見到我，即刻笑哂，咁都俾你撞到就吹下水，後面個兵怒睥我，我回一個無恥嘅笑容，無視佢嘅眼神，娘娘要同我講嘢，關我咩事? 之後我話趕住返屋企食飯，唔阻你拍拖啦，佢話朋友來㗎唔好誤會，條仔塊面黑到呢…
過多大半年，佢又搵我，佢話佢又轉左工，想搵我幫手，又簽 reference letter??? 原來去做保險，搵我sell investment plan, 之後佢叫我買個平平地十萬元嘅plan，我話呢啲野我俾老婆做，佢開始現形，證明一個保險，一個傳銷，真係可以改變一個人，任何關係都可以破壞，佢話唔係十萬都要問過老婆，我話係，投資 term and condition 多對眼望下好啲，不如我叫埋老婆出來聽，佢話唔使啦，之後就無再見過佢。
多謝佢幫我過咗嗰三年桃花年。
故事完畢，多謝收看
8個讚
D小姐離開左公司都仲要keep住佢既人緣？
其實我覺得你一開始就講老婆已經可以ko佢，唔洗拖3年
1個讚
我又分享下，小學時間唔時都有d話邊個鍾意邊個既緋聞，但小六時有一次令我較深刻既係一個外表唔討好既微胖男同學，叫佢做B，以前係公開話B鍾意隔離班某女同學。
有一段時間B坐我後面，以前返學會將d功課文件，前傳向後咁樣，所以我會傳野比B，傳野既時候我feel到B掂到我隻手，但都無咩在意，但之後d男同學就話B鍾意我，又話B話掂到我隻手好開心果d，我就覺得成件事好核突，後來B有寫情信比我，仲叫d同學幫手傳比我攪到好多人都知 ，果陣係覺得好驚，到畢業後就byebye了
分享一個阿哥既經驗，佢話中學時寫紙仔寫i love u俾個女同學，個女仔回信，用7隻色既筆回左7隻字俾我阿哥…
F U C K Y O U
5個讚
個女同學就算拒絕你阿哥都好花心思喎… 
1個讚
該主題在最後一個回覆創建後30天后自動關閉。不再允許新的回覆。