Day 7
童書谷谷友介紹，講媽媽（同埋其他伴讀嘅大人）鍾意bb 嘅所有——裡裡外外，手仔腳仔，乖乖定係曳都會錫晒bb 
認識下top bottom, inside outside, happy sad, fingers toes 都幾好嘅
適合幼稚園小朋友
1個讚
我地都有睇呢本，好簡單小朋友都鍾意睇
1個讚
Day 8
本書嘅設計係類似點讀咁，撳個制會出聲
奈何啲制好難撳，所以最後都係我撳或者佢點我讀 
1個讚
我覺得呢本最sweet嘅地方係話俾小朋友知無論佢係點
爸爸媽媽都會好愛好愛佢 
1個讚
有一次我同小朋友睇類似內容，但同你掉返轉，講小動物長大咗要離開屋企，佢靜靜地掉眼淚 
之後諗返起，大部分小朋友嚟講，屋企同爸爸媽媽就係全世界… 冇咗屋企慘過世界末日…
跟住到而家都唔夠膽講本書 
自己都要進修下點樣同小朋友get through 佢唔鍾意嘅情節
Day ?
刺激嬰幼兒手部觸覺嘅touchy feely 書，每頁都有唔同質地嘅嘢摸下咁
同一系列出咗好多唔同動物（人，公仔，車車都有），係選擇困難症患者嘅地獄（喂）
2個讚
尋日skip 咗一日，今日早早出門口前make up 返
本雜誌今期主題係運動，近期奧運咁熱鬧，玩具贈品有個金牌仔比小朋友過癮下
有兩篇故事，比想像少。其餘係貼紙同畫畫活動，英文同數學練習
target 係幼稚園小朋友
推返個post上黎
for我3同5歲既小朋友，佢地好喜歡elephant and piggie 系列，內容簡單有趣。
我通常會講一次本書比佢地聽，佢地都會哈哈大笑，5歲會記得搞笑情節要重讀重演，我地慢慢就用成本書做drama, 1人扮1個角色郁黎郁去，學下英文又模仿語氣，好岩一家人玩。
5歲係可以試下自己讀晒成本書；而3歲就聽同enjoy本書。
1個讚
細個睇過一個影片故事，講一隻兔仔話要永遠離開但唔肯講去邊，臨行前同好朋友道別，之後過河，條河越行越深，兔仔浸入河到，消失左。
個故事我睇極都唔明，但好傷感。依家諗返就知發生咩事。
可能畀小朋友睇多啲 Nat Geo 片，講小動物長大之後自己闖一片天下，或者睇啲貓狗出世然後被領養到新家開心展開生活嘅片，畀佢知道離開父母，只係為左見更多闖更多，有唔同嘅新旅程。細個睇寵物小精靈，主角小智 10 歲就離開屋企，未見過阿爸，屋企坐一兩日就又即刻出發，所以對呢啲離別劇情就冇咁大反應
欸，竟然畀我搵得返個故事：
1個讚
請問呢本係咩黎？可以邊度買？好吸引
呢套睇落好得意！
文字夠簡單，啱我英文較弱嘅女 
same, 小朋友好易pick up, 再扮埋佢地講野做drama, 好好玩。
Peppa pig 雜誌
喺ok 買，但我懷疑唔係間間有，可以去distributor facebook 睇下有冇詳細資料
$58 係小貴㗎，小朋友冇扭計買，反而係老母我成日心思思 
奧運期間終於有藉口可以買呢本運動主題
peppa 啲野$58 唔算貴呀，之前啲書仔$110先得二本
1個讚
見你咁講完我舒服咗好多
aeon 有開學展，有賣小朋友書簿，我見有舊期數賣，但冇平到
你有興趣可以睇下呀
好耐都無update 
有幾日係懶得post，但有幾日就真係冇心機伴讀 要搵方法堅持先
聽日目標：食完早餐就一齊睇一本先再做家務
今日的書：
睇返舊期數嘅小小青蘋果，呢本真係揭到爛咁滯，我小朋友唔知睇咩好就會自己攞呢本嚟睇，故事講老師喺午睡時間唔小心訓著咗，同學仔幫手照顧老師。個故事都幾搞笑幾warm，媽媽我都好鍾意。
之前講過唔知續唔續訂好，而家仲掙扎緊
呢本雜誌好嘅地方：
每月嘅主題故事有audio 版，小朋友自己聽，我欣賞嘅地方：佢係廣東話讀（頭盔：自己冇research 過廣東話嘅audio book，可能其他地方都有同好common 都未定）小朋友會坐定定聽，媽媽喉嚨可以休息下
有廣東話短詩，有部分有用廣東話口語字同結構（例如「派街坊」，「佳音報你聽」）有啲人係對呢種做法唔同意嘅，但我ok
令我遲疑嘅嘢：
收到十期，有兩三期係特別鍾意，但其餘就普通或者冇興趣… 所以覺得嘥咗唔抵囉。佢唔係固定插畫家或作者，所以故事風格期期唔同。
除咗主題故事，大部分其他欄目都興趣不大。所以又係覺得冇咁抵 
1個讚
好耐冇update
今日之選：
推拉轉系列，呢幅圖係上網搵ge，佢仲有超多其他主題。
屬於操作書，適合0-2歲幼兒～～
1個讚
本日推介：
Look inside 系列，半操作書，可以lift the flaps，又係有唔同主題available~~
內容我估係適合k2-初小
其實呢本書真係我同我小朋友嘅啟蒙共讀書
本書係用嚟搭單湊夠金額先買，唔係for bb，我臨收起嘅時候揭開嚟睇，點知bb 就爬過嚟睇埋一份，就算入面嘅內容睇唔明（大佬講古代生活喎），佢都覺得圖畫好多人人好有趣，同埋有得lift the flaps 好好玩
嗰刻我先發現同bb 共讀，最主要係大人本身都要覺得本書interesting, 小朋友就會跟住覺得有趣。咁當然有啲可愛圖畫會吸引啲。
自此以後就開始咗我唔理年齡建議咁揀自己鍾意嘅書（唔係bb 鍾意 ）
而家先見到你個post，乜隻大笨象咁搞笑可愛，同我一樣手腳協調零分 唔止可以角色扮演，仲可以改埋書名做mommy can’t dance 
無錯無錯，玩法有好多種，你睇埋佢其他書仲多inspiration. 你引到小朋友同你一齊做drama 就會不知不覺令佢地學識好多簡單英文，對認sight words好有幫助。
呢個系列成廿幾本書，去到最後佢地有本thank you book, 係多謝曾經出現過既動物，睇落好感動溫馨，可以教小朋友感恩又不失搞笑，而且再見返班小動物好似見返老朋友咁，感覺好圓滿。
1個讚