我都狂食薯條
我又係狂喊
諗住bb,同佢傾下計，就唔會再覺得孤單
我個陣坐巴士返工，已經唔敢食嘢，水都照嘔。但覺得bb係肚入面同自己一齊經歷，會同佢吹下水
有咩上黎講呀，我地都係同路人
1個讚
瞓覺，不停瞓。
我第一胎不停嘔，一個月內輕咗15磅，靠不停瞓覺捱過咗。
第二胎冇咁好彩，又係不停嘔，因為仲有個大仔要我照顧，呢次冇得全日瞓，兩星期已經輕咗15磅，最後嘔得太犀利，每半個鐘嘔一次呀 
，驗血指數亂七八糟，身心都崩潰頂唔順，最後個胎保唔著…
依家陀緊第三胎，頭3個月將大仔交比阿媽照顧，自己就不停瞓，終於捱到依家4個半月，雖然仲嘔緊，但比起上胎舒服好多
我第三果個係嘔到生
，不過都會慢慢習慣，與嘔共存，我一趁食得落野就食多啲，因為怕下一餐又食唔落， so far ok, 重得都算正常
瞓到就瞓，唔瞓就會去嘔
嘔到就嘔，想嘔又嘔唔出仲辛苦
日子過了，到左唔嘔就真係會唔嘔
有啲會繼續嘔不過會減少、無咁密，無計，繼續嘔
想喊唔緊要，喊完再氹下自己
盡量食自己想食嘅野，起碼自己開心啲先，氹左自己先
1個讚
返工 呢兩個月 前前後請咗6日病假
好唔好意思， 但真係好辛苦
我果時第一胎都係嘔到5個月先停… 諗住過左12WK會好D… 點知醫生同我講. 本身個人有偏頭痛… 會比正常仲要嘔多段時間… 果時我幾晴天霹靂… 成日喊…
事隔年幾… 而家陀緊第2個, 諗住會好D啦… 點知又係咁 
真係好辛苦… 好想呢D日子快D過… 諗返起以前都唔知點捱… 捱下捱下就過… 唯有不斷搵D野食試下邊D會令自己舒服D… 暫時好似梳打餅係OK… 真係要小食多餐… 唔好食到咁飽…
共勉之 
我個陣係明肚餓，但只要諗起或有人提起某d食物名就會好反胃
我個陣一個早餐通粉由朝食到晚，分幾次食，每次食幾啖，有少少想嘔就即停唔食，抖下先
因為我作小產放咗一個月假冇得返工，所以盡量瞓到就瞓，等時間過得快d，同埋盡量向左側瞓，會冇咁易反胃
個陣好想食薯片、麥記，就算係藍店，只要想食都都唯有幫襯
我媽話忍到就盡量唔好嘔，因為嘔開就成日會嘔
所以個陣我次次湧到上喉嚨都盡量忍住，吞番（確實係幾核突）
但有次忍唔住嘔咗，跟住就連嘔幾次，所以之後我都會盡量忍住
結果我由第5週一直忍到第11週，就好d喇
同埋我含吓d九製陳皮都會舒服d
你都可以試吓
希望你孕吐可以快d過，You are not alone（抱抱）
1個讚
我果陣初時都係忍住唔嘔，後來試過忍唔住嘔左，就發覺嘔出黎仲舒服啲…
忍住唔嘔但又keep住想嘔勁辛苦，反而真係嘔出黎會有一種舒服晒嘅感覺。
不過都一樣，捱過了終於…
1個讚
謝謝你地
死頂。。。每日坐長途車番工，反n次胃，番到公司即入廁所嘔左先。放工頂唔順，就早一個店落車。。。過左13，14周會好好多。
我當時只係食到半碗飯同菜（仲要係菜芯）食到差唔多生，可能冇乜亂食嘢，小朋友皮膚算係咁！
1個讚
我第二胎作嘔同暈都持續左4個月，真係好辛苦，同埋好怕凍，最後我食左豬腳薑、老麥、滴雞精和supplement 捱過左，中期會好好多，媽媽加油
我完全明你有幾辛苦，因為唔舒服係每一日都發生
1個讚
抱抱
嘔咗大半年
嘔到入醫院吊鹽水 
完全冇胃口 最愛食嘅米線見到都想嘔
亦因為咁 老公見咁辛苦
叫我唔好再特別戒口 難得有嘢想食就照食
(但當然心裡有數邊d完全唔食得）
例如雪糕薯條珍珠奶茶魚生麻辣火鍋我全部都食過
大肚婆保持心情愉快都好重要呢
我個醫生千叮萬囑叫我唔好食大肚婆坐月嘅豬腳薑
你食完有冇唔舒服？
無呀，食完個人暖左好多，不過我食斷斷續續食左一個月就無食了，個時我幾辛苦都好，都好堅持食supplement 同滴雞精吊命，怕自己無營養🥲
最後bb每次產檢都好叻，比正常大一週，出世7.4磅
呀b好叻叻
你都好叻叻