我以前就係咁
小學用小聰明讀書、一上中學就痴咗線咁大倒退、中一中二追得好辛苦
agree 。
阿女小學p1~p6都係全級頭3名。中學讀B1直資女校，S1~S3成績都係中下游，自信心都冇晒。去到S4分左科，成績先好番d，可以考到全級頭50名。
紫微都睇得出，唔識睇x2
1個讚
嗰時幫小朋友出去開命盤師傅有提，因為我大嗰個睇落蠢蠢地，但師傅話唔駛擔心，佢讀得書，佢話命盤睇到
我朋友，小學讀書年年都頭五名內，份份卷唔係 9X 就 100，而且係讀大熱傳統學校。中學之後唔再係頭五名，只係頭一半。比自行收生嗰啲學生同以前未開竅嘅同學爬頭。
識另一個 （A），佢係一間傳統學校讀書，都係份份卷 9 字，插班去左神校小學，冇再份份 9 字，唔係佢懶左或者唔適應，而係叻嘅人太多，以前學校冇教深又考得淺，啲人好讀得書。佢都繼續考頭 20% 嘅，但唔再有「頭幾名」，頭幾名嗰啲佢形容係「痴線」，份卷出到半班唔合格嗰幾個都仲可以科科繼續 9 字。
B 讀地區大熱，好叻女自律勤力讀書，又係考頭 10% 嗰啲，升中入 Band 1 直資女校，分科組只係入普通組，考試中上游但考唔返以前啲名次。佢都係話頭幾名嗰啲係「痴線」，又係大半級做唔曬份卷嘅時候，佢哋居然做曬然後攞 A。
C 仲搞笑，仔仔黎嘅，讀傳統學校，一二年級係考下游幾乎唔合格，英文更加係連幼稚園都不如。突然三四年級彈起上，上返頭 20%。個媽媽一早放棄谷佢，覺得谷唔起，冇諗到突然開竅跑出。
所以名次真係冇固定，一來好睇你讀邊間有冇中途插班，二來大家開竅時間唔一樣，有啲一直都讀書叻，有啲呈分知死就開竅，有啲中學都仲沈睡等到最後兩年突然爆發。算係可以安慰自己，如果呢一刻仔女未發力唔代表佢冇力，谷盡嘅就畀佢抖足先開工，未發力嘅就等下先。
4個讚
off topic 一下，想補充一樣野，想小朋友學業好，唔止睇書緣，長輩緣都好重要。容易合老師眼緣既就多機會發揮，甚至interview 成功入心儀學校，有一個比較好既學習環境。
另外就係同輩緣，容易make friends 唔比人排。
唔知大家有無留意，總會識到d人係唔使做好多野都有人主動幫佢，有同伴，比人好感。呢d都係人緣。所以話識人好過識字，有d野都係天生。
3個讚
中學真係另一個玩法。完全會估唔到自己跌得咁低。
真羡慕果啲好有人緣既人。
我自己識既教育界人又相關小朋友既都係細時相識。不過果時就冇諗啲乜。但我後來識不止1個老師朋友話。其實佢地都幫唔到。校長才是最後揀人果個。所以識人要識校長級。
呢個講法我成日都好懷疑，難度老師唔使make recommendations 比校長咩？一定係校長make final decision, 但之前真係唔需要考慮老師建議？
當然我講既呢d唔係指interview 只見校長個類啦，係要睇埋平時表現個種。
我覺得有時老師咁講係唔想比家長煩，所以拋個波比校長。
除左校長仲有校董校監。
識人今年見工去大熱女校校監，校監話唔請，但校監係另一間學校嘅校長，都賞識佢所以請佢去嗰間教書。
年年都聽有人係識校監校董而入學/入去教書
其實係啲高。中。低既level既朋友都不約而同咁同我講。不過我冇識到校長果個level.
呢個我信。朋友就係話校監果啲都已經攞佐啲位。