我都多,可能因為村校,細個無咩家長會谷,好多男仔都係升上中學先爆上去,好多以前考得差都入左HKU,仲要有律師之類
不過我認同一個講法,每個人持續性都有時限,我有個朋友由細叻到大,公開試摘星嗰堆,入左HkU 神科,第二年開始無晒心機讀,話好厭倦,最後低grade 畢業。
亦有朋友細個父母無特別谷,之後開竅,讀得好好,做野好成功。
所以我好想睇下,呢代由幼稚園開始谷,有幾多最後仲有心力讀上去。
我自己小朋友讀津校 而家成日聽直資果啲朋友都多數英文又勁好多。數又好似早好多學咁(我指家長自己再外補或教)有時都有啲疑惑係咪要咁做先可以叻啲。
DSE 放榜就會突然發現好多村校/地區校考得好過傳統名校,例如荃官、曾肇添考得好過聖若瑟、九華,銘賢考得好過英皇。
而家早佐好多谷。我細果個幼稚園已經見啲媽媽早佐識外補train佢地。
真係唔知啊。不過真係見人早學。都好似會影響到自己。
係呀,我仔有啲同學都好谷,所以我就想知,係咪真係有人可以由幼稚園一路堅持到大學畢業
都有心理壓力嫁,人地咁早識咁多,唯有同自己講返,其實咁細未需要識咁多
係架?我呢啲真係冇研究。不過今早先同老公傾完。他講起話其實啲人想入外面啲學校。因為啲眼界會闊啲。識人廣啲。
係啦。我只係隔佐幾年。今一代又好似唔同佐。
睇下啲乜。不過語文。我有啲野俾細果個早啲接觸。又好似效果(即佢冇咁抗拒)好過遲起步咁。不過我有啲野又覺得急不來。佢抗拒讀書就麻煩。
但語文都有分俾佢接觸定谷,好似英文,明明trinity 個考試都要4歲先考得grade 1, 但見啲人二歲就開始上,Cambridge 又係好早要串好多字
反而如果係同外籍老師玩下遊戲,聽下故仔嗰類我覺得二歲上,叫接觸下都ok
直資的確係英文會叻好多班,呢個無可否認,如果直資都英文差就死得冇人會讀。但部份津校英文都唔失禮。
不過英文之外,仲有好多其他科。拼埋一齊睇,除左英文,津校又唔係差咁遠,甚至做得更好。以下係 St Jo 同 荃官嘅 5**-4 嘅表現,一啲英文就知係
想見識就要去傳統名校,真係唔同啲。但入唔到都唔緊要,最緊要 DSE 考得好,考得差大學都入唔到就咩都冇。
所以我覺得正正常常讀就OK,唔駛好似我朋友個女咁,幼稚園補習班+興趣班成11樣
身同感受,讀一間有讀書風氣嘅學校好重要
hellobaby2020:呢代由幼稚園開始谷,有幾多最後仲有心力讀上去。
所以我覺得正正常常讀就OK,唔駛好似我朋友個女咁,幼稚園補習班+興趣班成11樣
或者佢小朋友十分活躍,需要多啲嘢打發佢時間
佢小朋友係活躍既,但睇得出個呀媽拎小朋友黎曬命,又入家教會又話要投訴老師
我都好同意 最重要都係考大學前啦 如果家長要谷都係最後谷好d 細個陣應該係培養學習興趣同埋自學方法為主 如果淨係細個谷得緊 但係搞到無曬自學既動力 咁升大學都唔會考得特別好
原來有分架?我都唔知。。我大果個都冇考。。長知識