一向都係咁…
其實真係好慘，明明家庭主婦都係工作崗位，但就係不受重視🥲
3個讚
如果佢態度咁差咁唔尊重，我諗我會忍唔住潤佢…
做得兩公婆大家level差唔多，你覺得我差係因為我只能配你呢種咁嘅質素嘅男人，即係又無料又廢又要蝦女人嘅男人呀，我都覺得好可悲。
我估果位會員都係打個比喻遮
我覺得要行大男人嘅、有齊大男人嘅優點同缺點條氣都順啲丫、而唔係大條道理「我係大男人性格係咁傢啦你做我老婆你就要受」
我今日仲肯受係因為我仲「愛」、但唔代表我會永無休止咁受落去。
3個讚
樓主，要反抗啊
用個軟性啲口氣老公講：「老婆娶返嚟係要嚟錫傢喎、你鬧我我會唔開心傢。」冧下佢得唔得。
有啲男人同佢講道理愈講愈衰、如果佢只係有呢個性格上嘅缺點、可唔可以用其他軟性方法tum下佢另佢慢慢改變。
你調返轉問佢，我吾會黑面，吾會嬲你，但係我會打巴你
到時你都唔可以還手！佢都short short地，當你係咩呀
其實我忍十次先會忍唔住發佢一次, 每次忍佢都會事後同佢講你嗰句, 每次都話知啦知啦, 但依然不斷repeat
樓住嫁左俾啲圍村男 定 潮洲怒漢？
1個讚
兩樣都唔係… 係一個EQ低嘅人…
今日佢已經喺條街同唔同嘅人嘈咗兩次… 遲早喺網上見到我哋個樣…
樓主，男人嘅脾氣唔縱得，長遠對你自己情緒及雙方關係都唔好
好好坐低傾下，否則比佢知你會離開(真假都好)
1個讚
我最心淡嘅係佢唔覺自己成日黑面/喝我, 我一因為咁唔開心, 佢唔會反醒係咪自己唔好, 而係覺得我"無端端"嬲佢, 嬲返我轉頭, 直至有野令佢感動(例如細心照顧佢老豆)佢先記得佢依個老婆"唔係咁差", 唔再嬲佢依個老婆。但唔代表佢知道自己當初有錯。
愛一個人, 唔係應該成日記住對方嘅好, 而唔係要"再次"親眼見到先會記得對方嘅好咩?
咁多年已經傾過無數咁多次, 因為佢幾乎每個月甚至每個星期都有一鑊。以前幾年都會真心認錯, 話以後都唔會咁, 但依一年佢每次都唔會道歉, 只係當無事發生不了了之。幾個月前有次吵到好大鑊(佢問我公事, 為佢著想講我意見, 佢見我反對佢諗法, 用粗口鬧我), 我忍無可忍搬返屋企, 佢先至"再次"真心道歉。但依次之後, 依然不斷重複…。
不如去婚姻輔導，睇下有咩幫到你
佢死要面, 唔肯去
嗰次搬返娘家佢都無氹我, 係我返去拎野時同佢講"你明知係自己錯, 但為咗面子, 寧願犧牲依段婚姻都唔氹我返嚟", 佢先肯氹返我。
1個讚
比我就唔會忍，咩愛情都被佢鬧走晒
你eq好高
我一次都未忍過
1個讚
你同佢講唔去婚姻輔導，就要去律師樓。
2個讚
我心聲