休息下再睇下點，我都試過體溫好奇怪，不過係冬天過低，得34-35度幾，驗過搵唔到原因，但幾年後又正常返 
咩年紀？
試吓煲 粉葛赤小豆扁豆鯪魚湯⋯⋯
過低溫度
不過我諗天氣有小許影響
樓主今朝情況點呀？
我都試過兩次，當時未有武漢疫情，無啦啦無任何病徵淨係發燒，食左成個星期私家既藥，有藥力時退，過左藥力又燒返，最高燒到39度。
自己執定d行裝去急症排隊諗住一定要訓醫院，結果check乜都無事，肺又清又無痰，開左一星期抗生素，食左兩日已經無燒。
醫生話可能係有地方發炎但又唔會令我痛，所以抗生素解決左。
樓主唔好太擔心，除發燒外無其他徵狀都未必係武肺既。
Haha 好 在家耍廢休息
今早人幾精神 口探溫度計跌左少少到37.0
暫時無食任何藥 因為急症室醫生話無37.5度就唔好食
諗住在家休息飲水 飲維他命C 等自己免疫力調節打敗啲細菌
/ 炎症 
我同你好似，但我是低燒。
我都搵唔到病因，反而唔太擔心係唔係肺炎，
因為而家香港確診又好似唔係好多，加上琴日都流左口水樽了。
琴日醫生有問我留唔留低入院癌症指數，嚇到我個心都離一離！不過自己覺得應該唔係，因為我除咗低燒個人都幾精神+胃口又幾好。
所以都決定留返屋企休息，而家最大機會都係估有啲不知名嘅細菌搞到身體某部份發炎，要等佢慢慢好 
如果隔幾日仲係咁我再搵其他私家醫生睇
謝謝你
咁可能真係要試下我個方法，等佢發曬出黎真係高燒先食。其餘時間保持清淡多休息。
樓主係咪啲唔係好出到汗既人？
一時時，前一牌天氣比較曬會出好多汗
呢幾日發燒都係留係屋企 所以就冇點出汗
係天氣影響，天氣熱我會熱到爆(無量體溫)，冬天好凍時係屋企開暖爐，我覺得個人好暖但後腦好凍，度下得34.5-35.5℃，後尾又自然無事。
呢幾日都keep住37.0 雖然稱唔上發燒，但真係比我以前溫度高左。
新冠肺炎嘅檢查出埋都係negative, 究竟咁樣係唔係仲燒緊
身體就冇咩特別，不過我覺得個人嘅體力好似差過以前dd…可能前幾日抽血比較虛。
其實持續37.0呢個溫度係唔係唔使理佢？？
樓主，唔係想嚇你，但會唔會真係入院詳細check 下？我有屋企人之前又係長期體溫偏高有少少咳，佢以為自己氣管敏感，check 左幾個醫生先知係cancer。好彩而家已經醫番好。
樓主現在OK嗎﹖
樓主有冇照過肺？我上年我發左低燒1個月，個人超精神，少少喉嚨痛，冇咩咳，睇左3 4 次私家普通科先聽到我肺有雜聲，之後一照就發現肺花（唔係covid)，訓左10日醫院。
出完院又燒過，除左低燒冇任何唔舒服，之後又入左廠，驗左一大堆之後發現係抗藥性病毒搞到尿道炎，醫生話可能肺炎抗生素太強，殺哂d益菌，搞到惡菌發出黎。好神奇地係個下腹完全唔痛，又訓左8日，之後就好返。
吓…不過我除咗微溫，又真係咩症狀都冇…
呢一兩日都keep as 37.0, 屋企人成日都話我貿貿然入院，惹到其他細菌仲衰
食得瞓得，只係溫度長期37.0
37度照道理就冇野，好多醫生都話耳探去到37.8 先叫有野。不過都有講，重點係你自己有冇覺得唔舒服，我果陣都係長期around 37.5。溫度上高少少，但個人覺得唔舒服，眼累/關節痛。
再係覺得唔對路，建議你去私家睇個感染傳染專科，佢地係不明發燒expert。
唔好意思，想問樓主係男定女？
如果係女性，其實身體係排卵後體溫係會比平時升高0.3-0.5度，14日之後會自然下降，之後就M到。
而且每個人體溫都唔同，加上天氣熱有時37-37.4都正常，冇其他病徵的話不用太擔心。