我覺得個準則係睇你有冇錢係咪住私樓，我2次QE都係交左份個人資料form之後問我係咪返緊工返咩工，之後乜都未睇就叫我自己出去book私家照結構，公立冇位你照，根本就係要woking mum硬食
利申返，我係6週已經排定期，唔存在太遲去冇位呢個問題
再利申，第二胎我係高齡+出過血入院，第一胎出世後仲要長期覆診血科，都冇得照結構
其實住公屋做ftm先有錢
公院唔會理架，你有返工就一定有錢出去睇私家，盡量唔俾用公共資源
其實應該都係資源問題，應該唔係特登唔俾某類人用。
見大家討論，似係有d醫院個個都有得照，有d就點都無，有d就睇情況但唔知個準則係咩。
我當時照左公立都覺得好滿意好細心，之後就無去私家照
我都覺係資源問題，東區婦產科口碑一直都唔錯，所以我諗係因為資源充足d,可以提供俾孕婦嘅服務都好d
又或者東區出生率低，資源冇咁緊拙
qe生的媽媽都可以係贊育照結構的
完全無，講到明無得照
睇醫院
有冇疫情都好本身有得照嘅醫院都會繼續有
我第一胎佢叫我喺QM照
第二胎喺贊育入面照
兩次都好細心㗎
睇情況，咁啱我qe姑娘好人一登記就幫我排結構，無高齡無高危無問職業都有得照，睇個別姑娘安排
真係睇彩數~ QE一開始都講明唔會有結構, 最後無啦啦又比期我照~
我2胎qe 都有得照, 上胎懷疑唐氏1:9 機會, 一路照到生都冇出去私家照, 剛剛2 胎俾左期我…
有無人會政府同私家兩邊都照？
我係
可以講吓政府同私家有咩分別嗎？謝謝
其實冇咩分別，我純粹係一路都有喺私家做產檢就keep住做埋。但有d孕婦會揀有3D相嘅私家診所照
我覺得係有分別既
政府照其實姑娘都仔細，又有耐性，bb隻手遮住左某個位置，佢都等左個幾鐘，俾我落床走動下等到bb隻手郁開。
私家照一樣細心，不過我覺得細唔細心好睇你遇到邊個姑娘/醫生。私家照既你可以上網參考其他媽媽意見自己揀，但政府姑娘就無得你揀。
除左話私家有相、usb、報告拎返之外，我既情況最大分別係我嗰時胎盤有d前置，私家照結構有提醒我依點，但政府照就無提過。
不過依個問題其實平時喺私家做產檢個醫生都有同我講，所以就算我當時淨係喺政府照結構都ok。