老公都未必行到老啦 
1個讚
仔女大左有自己既世界我預左,亦會祝福佢地,只要佢地過得好就得,唔駛話一齊住成日見果D
1個讚
我兩公婆協議鬧交永遠唔過夜，總之嗰晚瞓之前搞掂佢，唔會有機會比長輩知
生之前點解一定要聽過教小朋友有磨擦？
點解仲要生呢啲問題都多餘！
2個讚
呢邊叫小朋友執，轉頭又買，係唔可以俾佢哋單獨出街，一定有嘢帶返嚟，玩足一日，功課溫習全部無做！
唔敢自己出街，一返嚟會驚！
我都唔想咁，講叫自己放鬆都難！
全部功課未做、書未溫咪又係我跟
交俾補習班啦
一個四年級、一個一年級！
情況又唔係咁差！
只係有感而發，有小朋友後
兩個人之間就無咗愛情
為咗功課、學習而傷感情，
將來係點都無人知，只覺得感情傷左唔係咁易修補。
1個讚
其實你為乜野結婚?
1個讚
我諗你一定係以為呢個係晦氣說話，我係真係想樓主，或你，遇到困難嘅時候諗返起自己嘅初衷，諗吓點解當初自己會生BB，唔通係冇嘢搵嘢嚟搞？
你嘅人生就係希望結婚，生小朋友，然後離婚？
好簡單，大家都係父母，點解你老公冇小朋友煩惱，但你有？有冇諗過跟你老公嘅諗法去做大家都會好輕鬆，會發現原來唔做功課唔溫書都唔會死喎，出街後有嘢帶返屋企係好開心嘅事喎⋯⋯到頭來考試零分屋企好多雜物呢啲都係大家要一齊處理嘅問題，亦係一個人生嘅學習過程，係呀你就咁鬧佢，或者唔俾呢樣果樣，的確係呢一刻可以阻止到少少野，但小朋友都冇成長到，只係覺得點解阿媽咁煩㗎，因為佢冇睇到事情嘅壞處對佢有乜影響（你親手阻止左）⋯⋯然後因為唔成熟又會產生其他嘅問題，不停輪迴⋯⋯你就真係長憂99囉～
兩公婆有磨擦就傾，傾唔掂就你改變諗法，跟老公嘅諗法可能你呢刻覺得好瘋狂，你諗吓最壞嘅情況其實係點？睇清楚事實，比自己有個底，係咪值得犧牲晒你嘅家庭關係而去換來小朋友啲啲成績？咁唔係本末倒置咩？
你哋都要睇清楚自己嘅責任並唔係佢嘅人生管理員or人生計劃員，你只係佢嘅指導員同佢分享你嘅經驗only，小朋友係獨立嘅個體，你係要引導佢思考，唔係叫佢跟你做呢樣嗰樣
可能呢個就係我同你嘅分別，當我想去做一件事嘅時候，就算唔刻意去做資料蒐集，都會用眼耳留意相關資訊。例如結婚生仔，我會睇吓啲人去到呢個階段會產生乜嘢問題，自己個腦就好似溫習一次咁，就算冇諗完對策都預備好放開心扉去迎接問題
，就唔會有「____之後先發現會有咁多問題丫！」
然後直接好負面咁想退出（一段關係）。
剩係聽一兩個人嘅經歷當然好主觀，但當你睇到好多好多嘅故事，呢個就係一個database，人就係咁樣學習
當年梗係相愛先結婚,結左一排先有BB,大肚開始先發現個老公咁自私…我好朋友話以前覺得我地係佢見過最恩愛既情侶~
同意樓主可以試下用唔同角度去諗
但跟佢老公做法 想買就買 想玩就玩 唔做功課就唔做功課 咁既處理方法小朋友又點令小朋友成長？
生完小朋友後, 女人係真係會完全變晒,我自己都明顯感覺到變左好多。好多事情都好緊張, 睇唔過眼, 本能地做左又嬲點解老公唔察覺。(事實上我都聽唔少男性朋友/同事會講"老婆生完後唔同晒")
如果係因為呢種落差而令你成日好嬲你老公, 咁我會建議你負責分配老公既育兒工作。可以係帶小朋友出去玩你休息, 可以係睇住屋企日用品即時補級/處理工人姐姐/搵鐘點/做家務。重點係放手俾佢做左就唔好理/批評。
另外, 有人會覺得"咁佢係應該要自覺做架嘛?" 如果你有位自動補位既老公, 恭喜你。不過, 而家係要處理"老公唔識/唔知點做"既問題, 既然係咁, 就唔好太糾結。畢竟如果你只係將呢樣放喺重點, 你會永遠唔開心同嬲你老公。
最後, 教小朋友係"身教"。我每晚陪小朋友瞓前會進行"睡前三件事", 會叫小朋友分享有咩值得感謝既事。如果我一邊叫小朋友感謝, 但一邊(因為睇唔順眼)鬧老公, 言行不一致小朋友會感受到。
1個讚
我大肚+小朋友BB期,我老公已經令我地既感情重傷~ 我認同感情傷左就唔係話補就補
咁你老公邊好傳統wor
陪老公阿媽飲茶-----我係唔會的
但疫情前
我自己會找我屋企邊飲茶
當然我老公係唔會來
Fair fair
1個讚
互相溝通最重要吧,
其實家長關係唔好會keep住影響小朋友成長
1個讚
傷感情真係不值。
有時學業、成績、功課，你盡了力就算，不要因此令自己有壓力，傷關係，反正勉強小朋友做了也不一定讀進腦裏。這樣得不償失，做唔曬功課小朋友會留堂，但犧牲關係不值得，反正你盡了力，小朋友有自己的路要走，童年開心愉快更重要。
3個讚
莫講話生完小朋友，我冇生但老咗都唔同啦。其實係關心佢，唔想佢夜瞓，食垃圾食物，佢變得好似個細路咁，我就變阿媽咁哦，有時都諗返明明拍拖唔係咁
因為相處耐，年紀又愈大，唔會只係好似後生咁諗開唔開心，會緊張對方身體，想佢長命啲，一齊到老，點知佢唔領情仲覺得我哦佢好煩
要溝通囉，但大佬，為口奔馳，邊Q度咁多精力日日溝通？放工又要買菜煮飯洗碗
你話大唔大獲丫
1個讚
就咁睇小朋友一定好 enjoy 同爸爸一齊嘅時間
咁爸爸負責娛樂呢一部分，學習嘅嘢外判，樓主另外跟進一下得嗎？
感覺到樓主好大壓力，會唔會考慮吓移民，學業無咁大壓力，間屋大啲可以放多好多嘢
我老公唔想移民，我自己都唔捨得香港！
但有諗過為小朋友離開，不過老公唔想！
佢叫我自己一個帶佢哋過去！