咁你都未答樓主問題
問心,鐘意仔定女？
我覺得多數冇嗰樣，就恨有嗰樣 
有仔就恨女，有女就恨仔囉！
我自己中意仔多D 但生女都冇所謂 當然最好係一仔一女
M 巾同廁紙用量好高。之前見到一個家庭三個女，仲有個工人，我就諗起一屋 5 個女人，廁紙一定用得好快…
最好緊係一仔一女
我本意一直係女，老公都係
但後尾老公又話想要仔先，可以一齊玩
俾佢講講下都有啲想係仔（但又想女）
結果生咗女，唔會想再生仔
因為個女尚算聽話（爸爸又勁錫佢）
好怕仔仔會精力旺盛
我同你相反,我原本好想生仔,點知生左個好嗲既寶貝女 
仔同媽咪有種 special bonding，就好似女同爹哋咁。
1個讚
生之前想要女，結果生咗個仔，但發現仔係超痴媽媽，日日夜夜嗲到我暈，冧哂
而家覺得 真心 仔定女都一樣咁鍾意
如果生仔將來又要面對個仔嘅女朋友，又可能覺得佢搶咗我個仔，又妒忌又唔抵得，我見到我奶奶而家咁，我都怕怕。。。btw,我同我老公都鍾意女多啲，而家有一個女仲想生多一個女㖭。。。
1個讚
我淨係鍾意女，好彩真係生咗一個女
1個讚
做新一代家長，先唔好將小朋友以性別分類
男孩都可以貪靚、玩公仔，女孩都可以活潑好動，愛打機
不過general speaking，女仔會肯靜落嚟，多d聽話，男仔就先天問題，比較無耐性坐定定，集中力差d
我自己當初好想生女，想買靚衫扮靚靚，但我又好驚公主嘅，到我生咗兩隻仔，又覺得無乜所謂，但都係堅信女仔會坐得定d，無咁沖動
2個讚
真，就算女女同仔仔都有 ADHD，女嘅情況都會輕微啲。而且 10 個仔仔，8 個寫字打風，反而女仔非常少會打風。齋打風呢樣都煩死唔少父母，小學啲字要捉得好緊，咁多打風同長短錯，改正都有排改，唔想改正又重改，唯有擦左再寫，但啲仔邊肯坐咁耐。
一直都鐘意女，由細到大兩姊妹，驚自己唔識同仔相處，加上女大左同媽媽個bonding會好啲
但未有之前風水師傅話我同老公得一個仔，有左後對清宮圖又係仔，已經做好晒心理準備係仔，兼且怕小器唔敢再諗生女，點知T21報告話係女
開心到不得了，宜家差不多七個月，愈來愈sweet
兩仔一女，真係生女好啲。
大仔呢，讀書最吾叻，band2尾中學入面嘅頭十名，由細到大都惹是生非，學校訓導組幾乎每年都有打電話俾我，拍拖，染頭，打交…唉乜都有
二仔呢，讀書唔錯，band1尾英中考中游，就成日都係學校欺凌同學，都已經叫咗佢唔好，不過就好過大嗰個。但都係令人頭痛。
細女，小學都未畢業，鋼琴已經五級，而且鍾意畫畫，亦都好文靜，唔多嘢講。一線小學上游成績，好彩有呢個女先令我欣慰啲咋！
1個讚
我鐘意女，生女多半邊仔，生仔第時有老婆無老母，雖然我老公都孝順，我同奶奶無婆媳問題，但問心自己都親自己阿媽多啲，啲孫都帶返自己屋企多啲
仔女我都想要
一定係女