首先，你老公唔係一個好老公。
做人老公明知屋企細出過家居意外都唔理唔改善，知老婆唔開心都冷漠唔處理，呢d係好老公？咪講笑啦。街外人寒暄客氣說話咪當真，一家點知一家事wo。
講到尾，你老公就係孤寒。佢孤寒自己又孤寒你地，不論金錢上定情感上都係，有咩就要老婆頂，但又唔識梳理你既情緒，無膊頭好差勁。
sorry to say 覺得佢睇錢more than anything，even 高過大家既安全同健康。咁又係，佢工作忙好少係屋企唔suffer from the problem, 點會認真對待。
但我覺得佢好差
， 好無同理心。
有500呎， 開心死我啦， 200呎人舉手報到
我兩個BB，兩個一齊癲果時200呎同500呎無咩分別架咋。。。
你的case諗起我家兩老
專一顧家悶蛋的爸爸vs外向型追求生活情趣媽媽
在我成長路上兩老都無大爭執，但我心裡好清楚佢地生活上有幾唔夾
到中學時，我媽終於忍不住提出離婚
我爸……只能用「晴天霹靂」嚟形容
因為佢從來無諗過我媽會離開佢，無諗過生活上的不協調會令我媽決心離婚
但當時我媽去意已決，佢想挽回時已經太遲了
希望老公願意同你好好坐低傾下（最好趁小朋友不在家的時候），唔好去到你真係死心先嚟挽回
嘩起…我唔敢咁直接講佢， 但你直接得好可愛囉， 哈哈
佢比我感覺好有無力感， 又無能為力， 你忍下先。我體諒佢又工作又家務的確都幾勞累。
可能我長期比人話得多，我就係不知足的女人，
謝謝你單刀直入想法， 我會好好同佢溝通。
你令到我無咁自責了。 謝謝
太中了， 就係咁， 佢可以做錯一件小事， 我激心到流眼淚講唔到野
對你2老情感世界好有興趣， 後來各自生活如何？ 對你成長有無影響
我覺得成件事可以用錢靠決。。。9成問題
搬大d間屋，請多個工人幫你執野湊小朋友，等你可以再精緻d搵返自己，療癒自己既傷，咁已經好幫到手。
如果老公見到你有情緒病唔陪又唔用錢去靠決問題，咁呢個男人真係可以88得。如果做晒以上既野反而令你更睇得清對方or未來方向點行，更值得去做啦。
佢唔愛你唔緊要，你更加要愛自己，唔好再讓步比佢傷害你。你內心要堅強。
至於移民，廢話啦，香港都想離婚仲講移民。
感情只有你兩個最清楚，其他人冇資格話你唔知足
移民條路唔易行，就算兩公婆有共識初初都會有好多拗撬
除非你好獨立諗住去到外國可以自己工作而且搵過第二春
性格問題，理論上結婚之前都知架啦？
我覺得你最大問題係困住係咁細間屋，搞到抑鬱。
我都明白唔想晒錢係租屋度，但至少有合理既居住環境。
2百呎就算2公婆住都好勉強，更何況有小朋友。
我寧願住遠少少住大d。你老公剩係放工先留住屋企同你大部分時間對住屋企，感覺好唔同。
就算我間屋大你幾倍，我都唔想日日困住屋企，想間中出去透下氣。
既然肯移民，冇理由唔肯搬屋。
明明移民，麻煩過搬屋，洗錢多過搬屋n倍。
你老公做到經理級，應該新界4，5百呎，萬幾蚊租都負擔得起。
同佢好好商量下啦。
聽落去似根本性問題，性格不合。
如果仲有心維繫，不如試下搵婚姻輔導。而家明顯你地溝通唔到內心需要。
上面好多jm 幫你講左說話，等我嘗試代入你老公心態。以下純熟猜測：會唔會佢唔係純粹孤寒。佢細個窮開，可能佢覺得仔女都應該要窮養，先可以訓練到佢地捱得、等時先有好成就。
而家佢似乎唔明你需要，你對打扮有一定要求、但佢角度覺會覺得老婆責任係相夫教子，唔應該咁多時間打扮。所以佢可能都某程度上覺得你唔夠好女人，所以不滿日增。
佢不擅溝通，可能無辦法組織到自己想講既野。佢覺得黑面，你應該會明白佢不滿，自己識檢討下。
真心我覺得好多野無對與錯，「好老公」、「好老婆」係好睇本身夾唔夾，plus 你地有幾願意配合/包容對方。
我兩個人住500尺都覺得迫講真
其實你嫁佢都知佢性格同草根啦
你仲全職湊仔
咁既結果自己都有份
一係捱多陣等移民
老公有無俾家用你？你有私己錢嗎？
首先好現實地諗下，如果真係離婚，
你老公會唔會掙撫養權？
佢會唔會俾贍養費？
離婚後，住邊？你打算做邊類工作？
返工邊個照顧小朋友？
唔離婚，
你有無自己嘅朋友？
你老公會唔會照顧小朋友？
一星期搵一日自己出去又好，同朋友行街又好，放低屋企一日自己放鬆下。
依家間屋仲有幾耐租約？搞移民又預計等幾耐？
有小朋友冇可能住二百呎，除非負擔唔到
你應該多啲溝通，比佢知你已經考慮緊離婚，唔係嚇佢，係你真心想離開佢
移民會否解決佢本身問題？我估唔會，移民有生計問題，佢一樣會大條道理話慳，屈就你哋
你同佢傾下啦，你情緒爆都唔係好事
我覺得成件事係因為住屋問題。不致於離婚
先解決住屋問題再行落去
樓主老公好唔好，人人睇法都唔一樣。
既然有能力移民即係有能力啦
只係大家對錢對生活諗法唔一樣。。
但都禁多年啦仔都生埋，嫁佢前無理由唔知。
樓主因住屋問題屈出情願病。只會將問題無限放大。
有時身邊人都未必理解情緒病人既諗法。。。其實老公都同樣承受呢d負面既壓力。
不如好好地坐低傾下，搵婚姻輔導也好兩個自己傾下都好。解決住屋問題再講啦。解決情緒問題。先唔好講離婚
人無完美，比你搵到個有錢既又點。爛滾既你又會開心咩。
當日執子之手。。唔好只會放大問題而唔去解決。不如諗下當日點解會嫁比佢，放大佢既好。
各位太太都講得幾好，本身你求既係有人照顧，當結左婚生左小朋友，期望有改變係無問題的，出面都有個post 話‘’老公好似唔係好需要我‘’果個case好類似，每個人都需要為自己內心需求負責。
自己係男人，番工、家務、陪小朋友、氹埋全職媽媽真係只能盡做。有咩野，空間唔夠，受傷真係最好心平氣和認真出聲，估估下或者爆發先講注定無好結果。尤其是爆發，一係就你嚇到佢，一係佢都爆埋一份，家庭慘劇就係咁黎。
佢性格一向無變， 草根令佢好踏實，
我清楚明白了解佢， 同欣賞佢。
慳都係大家性格，我又怕麻煩到佢，
所以今日結果我係有份。
我地今日會去下睇樓團
離開困局的安舒區
希望租到好單位一切順利。
大家都分析得極對， 令我見到香港人真好果斷明智同有愛
希望你搵到岩心水既地方
呢個係一個永恆問題：女人拍幾次拖就會搵個專一好男人嫁，但個好男人一定係穩定又悶，毫無情趣，女人又會嫌悶，唔甘心，然後懷疑嫁錯咗，覺得個老公唔值得擁有自己
我都差唔多，不過我將個要求講得好清楚，同埋我係一有不滿話爆就爆嘅人，唔會容忍唔會唔出聲，又冇小朋友，所以情況稍好
我認為女人唔好忍到自己頂唔到懷疑段婚姻或者有情緒病，爆一下，個男人都唔理，妖，留嚟都嘥氣
但comfort zone又會諗移民？