其實我一早已同老公講左，如要一齊住就佢自己去住，我會同bb兩個生活，呢啲已經好明確講左，所以老公先話唔會逼我，佢話佢係建議，但我唔想佢亦都一定係同我一齊。所以我先以為下次佢家人再提時，老公會出聲拒絕，但點知佢係冇。呢個亦係我覺得唔開心的主因，因為明明已經好清楚明確同佢講左，佢當時亦表左態，但最後佢家人提時佢竟然唔係直接拒絕。
1個讚
umm, 因為我上網見有啲人係真係放前1（唔係你講果種case), 我媽媽谷都有人上一胎放前1（係同老細傾好放，唔係放緊產假作動果種），可能有啲公司有啲走盞位掛我都唔知。我會問下HR, 我老細就問過佢話冇所謂
針唔吉到肉唔知痛，如果佢要設身處地去即刻諗搬去你阿媽度住，佢先會明
佢而家真係覺得搬去佢哥到係最好，就可以好似以前細個咁，又有老婆，梗係好啦，所以佢梗係想你改變主意啦
首先湊初生bb真係好辛苦，坐月安排係點？如果無人幫，真係要安排好D。
咁就聽你既方法你會很辛苦，你在家工作加湊BB加做家務，唔好諗住工人難請，本地姨姨一樣。
依家先用其他理由拒絕，例如大肚不宜搬動，初生半夜常哭很騷擾，生完情緒不穩，疫情期間不宜過多人一起住等等，表示坐月後聖誕節再討論。
因為坐月後，你先知你既B係好湊定難湊，再衡量一起住同自己住的利害。
坐月我就請左陪月，係囉生完睇下咩情況再算
係呀，一齊住就個心會屈住屈住，自己做哂就精神肉體疲勞，祝你個B好湊就無咁多煩惱
1個讚
你太淋喇，我覺得佢地想住豪宅，但又唔想自己出晒錢。
佢地就係貪你無乜大反應，講多幾次你無反應，就當你ok架喇，你唔好等佢地下次講先reject喇，陣間人地話已經諗好晒，你咁遲先講，就用群眾壓力大你架喇。
你要強硬啲，主動出擊話唔會一齊住，直接話覺得一家一主好啲，等佢地唔好打你主意。
講真你而家都唔鍾意佢，冇可能坐坐下月會培養到感情。心情唔好加埋荷爾蒙，關係只會惡化。
我自己都係奶奶坐月，老老實實我寧願自己辛苦啲都想自己湊返。我都好感激佢，但問題係我同樓主你一樣，都係唔識拒絕人，變左好多嘢都係奶奶主導，我嘅角色非常被動。加埋生活習慣唔同，日對夜對真係會爆炸。
你話你請咗陪月已經好好，之後嘅事之後由你自己視乎情況再決定。
冇錯照顧bb 係有好多未知，但如果你而家話因為worry 所以follow 佢哋一齊住嘅提議，我會覺得你只係因為懶唔想拒絕而take the easy but not the correct way.
1個讚
成個過程究竟個老公去咗邊？
我唔會同佢地一齊住，呢個從來都唔係我嘅選擇之一。最差情況就係我做ftm, 其他ftm都做到，點解我做唔到。當然呢個亦係我非常唔想的option, 因為我份工其實ok，老細又重視我，人工唔差，我亦有滿足感。但如果係冇其他選擇下，咁我寧願ftm都唔會一齊住。
1個讚
其實老公都有叫我唔好諗咁多，佢話我放完產假+AL後其實bb都4個幾月，咁佢放工後都會接力幫手。同埋佢份工都flexible的，佢而家都係半home office。
我第二胎政府同私家產檢俾預產期係差一星期，我最後係拎最遲個個預產期去拎假，搏前一後13
Btw，其實我起初都似樓主係，對奶奶一家都客客氣氣，但我後來發覺，佢哋都係搵我笨，同我醒覺自己唔強硬，係無人保護我同小朋友，所以我而家係絕對唔同佢哋客氣。
1個讚
下次聽到你大嫂再講嘅時候誇張少少咁講，嘩，阿嫂第時你娘家咪又要搬埋近啲一齊住？人多好照應啊？搬搬下我娘家又搬埋近啲一齊住，一棟村屋都唔夠住囉
講下笑就得，我都係鍾意有返啲距離。
如果你阿嫂真係如你所講係一個醒嘅人，我諗佢成日提冇非都係想試探你地口風，同埋實係有啲想搵你地笨
我第一胎是前0(預產期是星期六，我做到前一日星期五）不過可能因為第一胎，我小朋友都遲咗一個星期出世
其實我當時是做家族式的細公司，同上司傾掂數，又無人無聊舉報，其實唔會有人查或理會
我估如果做政府工，或老師等職業，就可能要跟規矩
媽媽加油
樓主，勸你：
大聲同男家say no，唔好再等
唔好旨意你老公會幫你湊B
無論part time同ftm都好辛苦，初生反而易湊，最多你訓少d，但大過出牙、加固、周圍爬，到要教佢嘢，你體力同精神上都會更辛苦
一定要搵人幫手，我身邊個個新手媽咪都話返工反而輕鬆，可以考慮育嬰園或者請定工人，宜家請得工人黎都差唔多
加油！
咁你咪直接講 eee 我地一早講好吾一齊住喎，吾好意思我吾鍾意同人住，吾好預我地一家了。微笑微笑微笑死吾再答咀。
其實快狠準講，你地無打算亦唔會搬，更加唔會一齊住，連考慮都唔會，一野ko佢咪得囉