係咪太短視。。。
其實係短視，感覺你哋無向上流嘅心，只想一世留喺comfort zone.
3個讚
其實我唔明呢種心態，我細個都住公屋，媽媽由細到大就同我哋講，大個咗要住私樓，結果我哋所有兄弟姊妹＋父母都成功搬離公屋。
話住公屋無影響係假的，小朋友報學校，學校一定會睇地址，如果係名校，見到係公屋地址已經輸咗9成；識新朋友，人哋會睇你住邊去評估你嘅level。
可能有人覺得呢種諗法膚淺、歧視，但現實社會就係咁，就算我身家去唔到上流社會，至少想向中產努力。
2個讚
係，當然供得太辛苦梗係唔好
間公屋有幾comfort…
人各有志，每人做既決定唔同，結果都唔一樣。呢D會係性格同成長環境影響我地。我信路係自己行出黎，上左車就會搵辦法搵多d錢，去供樓。
心態決定高度。
3個讚
我諗大部份人都想為左小朋友儲多d資產
等佢挨少d , 父母靠資產增值唔洗下一代養
由其係香港 有冇樓真係爭好遠
第日佢出到黎租屋/儲首期/慢慢供樓就折騰左大半生
好多年青人因為咁 黃金時期追唔到夢
生得小朋友就要為佢地諗遠d
父母明明有首期又供到唔供 為左一年去多次日本
個仔自求多福
（由其樓主老公講明唔移民）
1個讚
我老公都係因為comfort zone加埋兩老而唔想移民。到時要由零開始，又唔係專業人士。所以唔想走(同埋我地冇bno)
公屋環境、同老爺奶奶同住、一家三口迫一個房已經係大大大大大理由買樓，比我就算老人家唔比錢都一定自己儲錢搬出去
我中學時住舊樓，去人哋屋企見人哋自己一個房裝修到靚一靚已經羨慕死，我連床都要同人share，冇自卑就假嘅
一拍拖就想搬出去，結婚時講明冇可能同老爺奶奶住，買咗樓有自己地方，三百呎都已經好開心，養埋貓貓，幸福到痹
我要求唔高，細有細住大有大住，每個月淨咁多錢使又點？私人空間都冇。我而家自己有張書枱書櫃，組合櫃又擺公仔擺裝飾，傢俬電器啱就買全部係自己心水，先對得住自己多年努力讀書努力工作
3個讚
係，真係所有要買樓嘅原因都齊了
咁不如諗長遠啲
見你話都預左俾小朋友出國讀書，咁讀完會返香港？定係留係外國生活？
逐住小朋友成長，空間需要多左，小朋友有無自己房？出國讀完書返嚟，又有無自己空間？
佢返唔返嚟就佢自己決定，我地唔干涉。
至於話佢逐步成長就冇房了，可能使一筆錢大裝修，夾硬間三房。老公仲話想生多個，到時就唯有2個1間房，唔理同性定唔同性了。
但送出國嘅機會只有1個，仲要未必一定成功夠錢。所以未必生多個了。
以前鄰居賣樓，就係因為要供小朋友去外國讀書，兩公婆搬細單位。買左樓你地仲儲唔儲到錢比小朋友留學？
你老公無嘢呀？！
瞓都無位，仲話生多個？！
要生多個，就叫佢去買樓，唔買唔生。
1個讚
千其唔好，咁寧願生一個就夠，而且你而且公屋幾大呀？一間屋住3代，房又唔夠，咁會好多argue架
睇佢發Po 內容已知。用咗2次on 居來形容買樓
我同其他會員仲on_
同佢分析叫佢買樓
4個讚
會儲得少咗，同埋真係要慳啲使
可能最後同你鄰居一樣，大轉細單位供佢讀書。
洞房都咁多人圍住仲生
震驚十三億人
1個讚
應該3百幾，400呎內。暫時同99佢地又冇乜爭拗嘅