正是正是! 而家男家比十萬廿萬你做家用？你唔使做做少奶奶？咩新抱責任？佢養大你呀？
我就好均真，奶奶養大我老公，我會孝順，但我係當一個長輩咁孝順，咪打算用道德親情要脅我。
我媽養大我都唔易，老公唔孝順我阿媽，咪使旨意我孝順佢老母
1個讚
乜年代關孝順乜事，不過下次見到奶奶少出聲笑笑口最多寒喧兩句，就無人入到你。
係呀，我宜家對住奶奶咪當佢係一個普通嘅長輩咁客客氣氣講野囉。但我同我老公好似有條刺咁，只要有咩係觸及到”奶奶”呢個人，就好易會爆
你可以答返佢，佢無盡做女婿責任，偏袒自己老母.
呢種男人正一豬隊友
呢啲奶奶抵比人憎，無事生非，搞到個仔家庭唔和睦，做得出唔敢認，小人所為
3個讚
可以試下係老公面前讚奶奶d好野，等好聽說話傳返去奶奶到就容易改善關係
好好提議，求其做啲嘢
但都要佢喺你阿媽面前做得好
1個讚
呢個都係唔錯嘅建議，我盡量啦，因為真係好難讚出口
每個人總有佢優點既 
其實各自孝順返自己父母咪得囉，何必對人地仔女有要求呢
4個讚
我老公阿媽，下稱佢老母，因為叫佢做99我真係叫唔出口。由見家長到擺酒佢一句説話都冇同過我爸媽講，應該係因為佢睇唔起我屋企。
到依家十幾年過去，中間發生好多好多事，我哋兩家因為佢老母一個人而反哂面，其實我62都唔想搞成咁但大家都冇辦法。直到舊年忍無可忍吵大鑊，問佢老母有咩唔滿意我佢又講唔出，跟住佢就出言侮辱我人格，再鬧埋我爸媽唔知點教女咁冇家教！
總之呢，我就唔會“孝順”佢㗎啦；對住一個當自己係殺父仇人咁樣憎恨，同對人最基本嘅尊重都冇嘅人，仲點樣“孝順”？
5個讚
其實好多夫妻既兩個家族結完婚後基本上就唔再往來，我覺得咁幾好唔駛夾硬勉強大家
4個讚
咁你老公的態度係點？夾係中間定幫邊面？
你老公咪又係覺得外父外母講自己老母壞話唔鐘意!
為左個阿媽委屈個老婆!
至憎人講咩新抱既責任
咁女婿既責任呢?
4個讚
我都因為唔肯順99意，唔擺酒就話我無家教。
呃…佢係咪搞錯左啲咩 佢老母佢本人孝順返 新抱係冇任何責任囉
當然唔係話態度差冇禮貌咁對佢老母 但「責任」係邊呢？佢又講唔講得出究竟有乜Q嘢責任呢
1個讚
下…你都係現場定係背後講?
咪係囉，我冇聽過有女婿會盡咩責任囉
我老公唔使好孝順我媽，但要起碼有對老人家尊重，我媽對佢又好，佢試下無禮我同佢死過
有，我阿媽即時回番句：
係呀，慈母多敗兒。
佢(指我未嫁時)係屋企我冇叫佢做過家務，淨係讀書番工就得啦。
冇辦法啦，哈哈哈哈。(然後轉話題/關心下隊友細個有冇做家務)
99當面話我，真係入肉發火嘅時候，
我都話自己係屋企嘅寶貝，
一如
隊友係金
一樣。
隊友會詐聽唔到，唔知道。
因為我從來對佢點對我屋企人冇要求。
屋企聚餐都好，佢係可以揀唔去，而真係冇壓力。
我對99都係表面打哈哈就算。
啱聽就吹下水，唔啱聽就努力食飯。
我唔係現場架
1個讚
外母通常對女婿都無乜要求啦，只求佢對自己個女好，奶奶就唔一樣…