唔鍾意嗰個人,你咪唔好見佢囉,如果你要孝順父親,請你放下仇恨真心孝順。
完全唔認為有血緣關係就要維繫呢段感情,正如樓上都有講你都咁大個人啦,做啲令自己舒服同開心嘅事OK?
唔鍾意嗰個人,你咪唔好見佢囉,如果你要孝順父親,請你放下仇恨真心孝順。
完全唔認為有血緣關係就要維繫呢段感情,正如樓上都有講你都咁大個人啦,做啲令自己舒服同開心嘅事OK?
朋友父母係佢十多歲離婚
應該係話
佢母同佢一聲都不出
一夜間搬走
得番佢阿爸自己一個
再搞離婚
佢老母有抑鬱的( 你可以話有病大晒)
朋友中七要考A level 都死要搬屋
好啦
咁朋友而家大咗
睇野多咗角度
覺得兩個人感情無話絕對對與錯
佢老母以前好唔鐘意佢找佢老豆
咁佢咁多年只找過一兩次
依家佢連佢媽都少找
生疏就生疏 ga la
正如朋友話
你係獨立個體
你只需為你人生負責
你唔 like 你父母
你未唔好自尋煩惱
除非你係為咗分家產 (haha)
撐樓主
唔係所有人家庭都幸福,分享完先知有無同路人一齊明白果種感受
樓主,唔開心就上黎呻下啦,好明白有時都係想講出黎抒發下,不過真係唔想見個呀爸,就唔好應約喇,自己開心緊要啲
既然你見到老豆會唔開心的,咁就減少見佢囉
佢缺席左你的成長過程,你都唔需要應酬佢的年老過程
我家兩老都在我中學時離婚,我都學識左兩夫妻要同步成長先可以長相廝守
明白,原生家庭係有一定嘅影響,但有一半亦可靠後天努力。
說易行難,我自己都努力中,摸索打造自己理想嘅家庭模式。係比健全家庭難d,但回望父母亦知有咩可以借鑒。
共勉之。
P.S. 見完唔開心睇下可否少d見。都大左,當係普通親戚就算。無謂勾起太多不愉快回憶。
撐你呀樓主,喺到呻完全無問題,你又無影響人,都唔算放負
我明白點解你對老豆有咁嘅反應,我阿媽細個掛住打麻雀,我病到死都打完先帶我睇醫生,依家佢年紀大講到出聲叫我同佢睇醫生,我細個嘅回憶都即刻返番出嚟。
好彩你父母離婚無影響到你對男人嘅信任。
早早離好過日嘈夜嘈
我有個 fd 忍左成個童年,10幾歲時索性開口叫佢地離叫佢老母吾好再用仔女做藉口
比佢老母摑(佢阿媽疴吾出都賴為仔女)
不過佢同我話講完個心舒服哂
結果離左
終於可以安静地生活
岩啊樓主!不過你至少明白左樣野, 就係男人可以好仆街!
絕大部份女人有家庭後, 真係會付出所有, 而男人真係唔敢講。
我由細到大, 我媽成日灌輸:
“做女人,千其唔好靠男人!”;
“你老公幾好,幾恩愛都要留返私已錢傍身!你唔會知男人幾時變臉!”;
“唔岩咪離婚囉!明知佢係賤係衰既做乜要繼續!洗乜靠佢!d男人就係食住你,知你離婚就一無所有先咁串!咪辛苦d打幾份工靠自己囉!”
“千其唔好比男人睇死!”
我其實又幾認同
所以換轉我係樓主呢, 我就未必會見老豆,
就算見, 而聽到佢講咩老婆仔女第一依d說話, 我會開聲串佢, 你當初咁仆街, 我而家話返你又有咩問題
樓主加油啊~
我都輕輕分享下我嘅經歷希望可以鼓勵下你
首先我睇到你個post我以為自己開post
我爸爸媽媽都係我幾歲就成日嘈交,直到我今年廿中都仲好記得佢地嘈過咩
去到好似中學,我爸爸終於走左
(佢地無簽紙所以唔需要離婚)
佢走個日我係咁喊,佢都只係電話sd左個sms叫我努力讀書開開心心長大咁樣
我個段時間好唔開心,但個陣仲細唔知自己其實有情緒病
之後幾年望落都好正常,爸爸一開始都會成日搵我食飯,但慢慢佢就可能半個月一次,一個月一次,甚至會係佢食完就話趕住走叫我自己慢慢食
好多次我自己坐喺餐廳喊/一路行返屋企一路喊
會開始諗其實係咪自己出世令到爸爸要走?
係咪屋企多左我所以佢地先會搞成咁?
到我中六準備考dse 嘅時候,我無意中搵到爸爸嘅fb,發現佢icon係佢同一個女人一個小朋友嘅合照,我個刻好似個天跌左落嚟咁,反應唔到
又開始諗原來佢唔搵我話唔得閒原來係陪佢嘅屋企人,會懷疑自己係佢心目中嘅地位,加上考試嘅壓力我最後揀左自殘食安眠藥最後入左醫院
(之後中間好似唔係好重要都係用左一年時間睇心理醫生精神科醫生加上身邊人鼓勵最後行返出嚟)
我而家已經無再同爸爸聯絡,但其實我內心仲係有條刺係到,只係選擇逃避佢/收埋佢/唔理佢
而我都已經結左婚同有一個小朋友
我覺得屋企人離婚係有影響,但我相信樓主你都可以搵到一個真正錫你嘅人,幸幸福福咁過日子
所以你要加油,我相信你可以架!
利申:好似講左好多廢話但我都想試下用我嘅經歷去鼓勵你
睇到呢度真係嬲左, 如果你一D都感受唔到佢放你係第一位的話, 呢D係廢話。可以同佢講家庭最尾一位係老豆
不過睇到呢句都好興幸你有咁的遭遇都仲會選手成家立室。我婆婆同外公的婚姻都係好差的, 又係阿婆粒聲唔出, 帶哂D細路走左去。
我阿媽的性格都被佢地影響左好多, 好彩阿媽份人好正面, 正能量。讀書時知道原生家庭對佢影響幾大, 佢先意識到自己唔可以好似自己父母咁, 唔想將呢個影響帶落我地呢一代。
我老豆份人好樂觀, 肯同佢一齊去面對同修補公公的關係。公公都知自己以前有D位好衰, 都對仔女內疚。 雖然到阿公走之前雖然都冇見過阿婆(其實佢地唔太愛對方, 都唔係咁需要見), 起碼有得同我地呢D孫仔食下飯。
有時聽得多其他人的故事, 都發現唔少中國男人唔係好識/ 唔敢做爸爸。最經典係唔敢抱自己BB。大左就唔識同小朋友玩, 或者係唔知點溝通, 索性走左去, 淨係負責揾錢。人大左諗返自已出世果陣, 其實父母都係30歲左右, 可以有幾成熟丫…好多野可能都係第一次面對都唔定。不過到左4,50歲都仲唔反省ge, 就真係無謂花咁多時間係佢度啦。
sorry,講得好亂…呢D係我諗到ge野。樓主你將件事講出來係好架!俾機會大家交流下嘛
其實你阿媽好辛苦湊大你兩個, 阿媽會毫無私心可以將佢嘅下生比你哋,男人就唔會咁偉大