襯而家仲有限聚令快D結，有藉囗搞少D野
3個讚
係度問其實大家的答案都係: 四大長老想點
你會覺得好怪, 點解結婚係要問佢地想點
你可以唔問, 我都唔知點解會係咁, 但唔順佢地意, 你地一世都有排俾佢地"煩" “鵝”,…
1個讚
我十幾年前結婚，你問我，順咗佢哋意係我人生遺憾，因為我好想旅行結婚
但佢哋冇煩我，對我仲幾好(雖然未必關事，可能奶奶份人都OK)我就覺得算
咁多年我話去旅行去邊去邊我老公都順我意，因為佢知道我遺憾。人大咗我又冇咁執著，去旅行我唔鍾意豪洗，我鍾意孭背包體驗，所以我估當初旅行結婚我而家都冇乜興趣回味 
2個讚
我係上年12月中結.
果時6點後冇堂食TIM.
由年頭開始已經坐定粒六乜都冇做.
本身都諗住細搞, 因男方屋企人在外國.
只係3個月前BOOK紅棉度, 買婚紗, 花球, 禮服等等.
(咁應該叫"唔搞" 
)
經歷左一年既洗禮, 情況預計唔倒, 部份新娘改完期又改, 有D訂都撻埋.
比著我一定發癲, 情緒都唔慌好.
我唔想咁樣結囉. 擔心呢樣擔心果樣
仲有一定會搵"男友"發洩 
所以唔搞=唔洗煩
十分慶幸.
宜家靜待時機補返果晚餐飯.
真係純粹食餐好既飯. 其他唔諗啦.
老老實實結左都有3個月, 咪又係咁生活, 唔覺得同大搞定細搞有咩關係.
補充:
果朝有敬茶比我父母,
facetime敬茶其他親戚及男方家人
1個讚
我地當年在教堂行禮
無接新娘, 玩新郎環節 各自出發去教堂就行禮
晚上擺酒 有講個短speech 有早拍晚播 但無兒時短片
姊妹們話係佢地幫過最舒服的婚禮 又entertain做親友 
我係上年疫情下結婚, 所以都自覺搞得算簡單…
但因為有d傳統野都係要做比長老睇, 所以有d儀式都係要有, 不過簡化左…
過大禮 - 有 (其實好簡單, 訂package, 送到樓下, 老公再拎上黎)
出門 - 有 (玩左好簡單遊戲, 都係叫姊妹問d問題e.g 我最鐘意食咩呀, 第一次送禮物係送咩之類斯文遊戲), 讀一讀愛的宣言, 就針茶.
入門 - 有 (入到門就針茶)
之後去註冊處簽紙.
之後我同老公有去註冊處附近影下外影, 全程walking distance, 冇特登去好遠地方影.
夜晚就2家人食餐飯 (book左酒店function room) - 當時要4人一圍.
我老公有搵兄弟幾人, 我自己冇搵朋友做姊妹, 就真係自己呀妹幫手做姊妹就算.
一樣有著褂, 著婚紗, 夜晚食飯著晚裝 (冇換衫, 冇成長片段, 冇講野, 冇蛋糕, 冇march in)
唔想大搞既快啲打鐵趁熱!
雖然要睇下雙方家人係咩人, 但最後都要忠於自己! 如果比人騎劫左個婚禮會好唔開心 (屋企人比錢搞婚禮除外)
我證左婚，而家都拗緊擺酒應該點，但我會堅持唔想再改期了
但有做過大禮、著褂、斟茶、酒店證婚、夜晚中菜廳普通食飯
skip晒咩玩遊戲、上頭、回門、安床呢啲煩野
1個讚
首先要過老人家果關。但依家疫情，簡直係完美藉口唔洗大搞。
我當年係響四季包咗一間房，兩家人（核心成員）食餐飯，當晚有律師在場簽埋紙。成件事三個零鐘搞掂
P.S.為咗貫徹簡約，我冇整成長片段，冇遊戲，冇唱歌，不過因為得核心成員，所以大家都掛住傾計，講吓笑咁，輕鬆愉快（尤其我同老公
）咁渡過一晚。
旅行結婚可唔可以香港簽紙，旅行國家又簽？好似幾浪漫
我都唔知得唔得呀
不如香港簽紙，外國可以淨係行禮，唔註冊
1個讚
聽落都覺得好溫馨!
應該好多新人都想咁 可以同每個人有交流
但係老豆老母覺得一定要大搞
搞到而家俾酒店酒樓食晒啲訂
該主題在最後一個回覆創建後30天后自動關閉。不再允許新的回覆。