我想講下係加拿大生活左兩年幾既實況，其實高稅國家都唔代表佢地規劃好，甚至更差，呢個回覆不是引戰，只係想分享真實情況，香港有佢既問題，但外國都有佢既問題，無一個地方係烏托幫，亦不代表說香港好，只說出我在外地生活既真實感受。
係呢邊稅高，但其實搵既然工如果多過年薪加幣$35000 係無任何福利，基本上交稅就係養難民，懶人，呢個收入真心好難生活，物價同香港睇齊咁貴，租金貴，人工低其實入不敷支，超市電訊商合謀定價，無公平競爭。搵工競爭激烈，憎多粥少，呢道既人做事方法都有問題，好多野都求其了是。
仲要呢道係得公立醫療，可以講話比香港更差，有咩事要排急症就麻煩，排完全幾小時，結論係返屋企無野幫到，因為醫院話佢地無funding 無錢比病人照CT MRI
前排有單新聞，有個40 歲爸爸，佢確診左第四期癌症，佢連醫生都無得見，只係見護士，但護士話因為佢地太窮，無資源安排比佢見醫生，最後果位爸爸得唔到治療死左。
仲有而家當地收左好多難民，印度人，佢地令到呢邊治安好分差，偷車搶劫槍案刀案每日都發生。
失業率持續咁高，全國去到7% 以上，我係不幸運果位，工簽被拖未批，搵唔到工，身邊朋友都持續半年以上搵唔到工，其實都唔好得去邊。
仲有好多生活上既問題都算了，而家好多救生艇苦主，情況都唔係好過。政府政策混亂，不停拖住唔批永居，前路茫茫。
3個讚
3260bb824a4e5f1de216:
。政府政策混亂，不停拖住唔批永居，前路茫茫。
係外國真係要出聲先會有人理你，之前有petition, 只有15000人簽左，之後都快左少少批pr (雖然而家打回原狀），
1個讚
我有簽petition，其實HK Watch 都好努力咁幫HK pathway 既香港人，不過而家個方向係縮減移民，就算肯批永居，個配額都唔夠，講緊有幾萬人申請，但配額今年得 13500，要同世界各地難民平分，明年10000，後年縮到8000，然後再約到6500，都預計到係拖到唔批等啲人自動放棄果種，真係加拿大政府其實都好垃圾，啲政策十分之差
3260bb824a4e5f1de216:
我有簽petition
政府認可嗰個petition好似只有resident (拎student/working visa都冇問題)先簽得。淨係計由hk pathway已入境嘅香港人都唔止15000人啦，所以我先咁失望，當然對加拿大政府更失望
3260bb824a4e5f1de216:
都預計到係拖到唔批等啲人自動放棄果種
其實我自己咁睇，佢俾人申請延長owp,咁如果諗住長期留低，其實影響唔大，因為可以照常做住野等。影響最大可能係本身諗住拎左PR就返香港嗰堆人，如果係咁，不如早啲放棄，因為政策上佢會減移民，拎左PR就走嗰啲，好大機會五年後唔俾續PR
4個讚
hellobaby2020:
佢俾人申請延長owp,咁如果諗住長期留低，
而家批extend work permit都要等好耐，雖然我唔識朋友有呢個經歷， 但新聞見嗰啲係visa過期都未批到work permit (先唔講批唔批到pr) , 呢樣先最煩，冇legal status留加拿大。
1個讚
hellobaby2020:
拎左PR就走嗰啲，好大機會五年後唔俾續PR
睇網上kol講，有人等pr 期間返香港，結果加拿大reject pr, 因為hk pathway under humanitarian & compassionate grounds, 即assume原居地唔適合申請人居住，你走得返原居地即你好安全，唔需要來加拿大。
Owp一樣有，未過期前申請左，係可以maintain status 直到批，所以我覺得可以照常等，但當然緊係PR到手最安心
1個讚
加拿大好多時係運之國，其實又唔可以話政府錯，我地係用人道理由黎，其實你比較返其他國家，我地只要做一年野就拎到PR,比起其他人已經輕鬆好多，只能講，嗰時好多人講到係走難，但最後心態上都仲係移居
hellobaby2020:
，其實又唔可以話政府錯
俗啲講，唔捉你係人情，捉你係道理，等pr期間返唔返香港真係要自己衡量
1個讚
你是安省嗎？我在另一個多華人選擇的城市。
我家泊喺路邊嘅舊車剛剛昨日被開車門，不過冇任何損失，只樓下一條紙飲管放喺座椅上，唔知有冇特別意思。之前試過一次租車爆玻璃，雖然有保險，但感覺到幾驚。兩次經驗要學精了。
我在年頭得了一個西醫角度認為的怪病，驗唔出咩事，最後只安排止痛藥，因為個病實在太辛苦，我喺網上尋找資料，結果發現原因，我循自然療法方向進行治療，現在差唔多好返。經歷完一九，新聞唔好盡信，我醫生有提供CT、MRI, 同提供拾幾萬加紙嘅貴藥俾我做治療。
朋友就係入不敷支，佢想轉人工多啲嘅工，原來市面真係好難搵，最後膽粗粗同老闆講要求加人工，結果又真係俾佢爭取到喎。
我一直有跟開呢個post，我只想說，在世界未變好之前，但我地總有方法去應變去走位，唔好俾固有想法框住自己，帶住小朋友同道友一齊坐巴士，其實都冇乜嘢，呢度啲人好友善，也許我同我身邊嘅家人朋友都係比較幸運的一群，嚟咗幾年我真係覺得自己適應得好好，每日都好感恩，既然來到，多發掘佢嘅好，你會生活得開心好多，祝你快啲搵到嘢做，加油！
5個讚
好坦白講，申請工作簽證既人有好多拖左半年以上都未批
事實係加拿大其實唔多工，就算你要轉行，去到要做清潔，都要有人介紹你先做到，要係當地生活先知個情況有幾艱辛，唔係你地想像唔咁好。
我就係你所講經歷緊呢樣野，拎住maintain status 出唔到境
可能我經歷好多不愉快事，包括生活上係呢邊都唔好，所以對呢個國家有點心灰意冷。
我自己試過唔舒服，去見家庭醫生只係被求其耍走就算，我係胃唔舒服到失眠左幾日，最後靠買胃藥舒緩。
都試過咳左一個月氣管有事，又比家庭醫生玩耍走任何藥都無，搭車來回兩小時，真心失望。
我係呢邊無遇到好事，只有唔好事發生。所以令我對呢度討厭。
3260bb824a4e5f1de216:
拎住maintain status 出唔到境
其實香港人唔係話唔肯等PR, 而係需要一個legal status (work visa)比我地慢慢等, 比我地合法去等, 起碼可以搵野做、仔女讀到書先啦, 我唔覺呢個要求好過份 , 網上好多冷嘲熱諷, 上左岸嗰班尤甚
4個讚
而家Stream A B遞左PR申請後唔係可以申請open work permit咩？
加拿大只有人有錢但係冇貴醫生睇，您話有人stage 4 cancer 因為冇錢冇醫生睇，係親身經歷定聽返嚟？話醫療差過香港？小病喺西方國家都係叫你自己買藥，急病或者意外受傷加拿大算冇得彈。有乜嘢急症急到要馬上照CT MRI 而醫院因為冇資源唔幫你照？ 不如分享下。想有私營醫療不如返香港或者美國，大陸都得，發燒會幫你打點滴，唔會要你自己去買藥。
經濟唔好係世界性，有本事嘅去到邊都冇問題。加拿大比香港人個stream AB 慷慨到一個地步，一家幾口細路免費讀中小學，免費醫療，比埋你做嘢，你都識講搵工難仲比你同本地人競爭職位，嫌稅高人工低醫療唔夠好。我同你講錢你知唔知一家3口3份保險一份學費幾錢一年？問下自己交幾多稅，唔夠嘅都係加拿大補貼你。
收難民我好贊成，不過你用人道理由去加拿大跟住原來冇人身安全顧慮點解要比你留低？加拿大人9成友善，真心個隻，每度地方有自己文化同習慣，咁討厭快啲走。
加拿大問題多多，我講兩樣，貪污勁到無倫，特別係工程，官員都唔差，仲要係小小錢，真係唔知邊啲人傳入嚟。大家口中嘅左膠煩到嘔，我唔知比貼士文化算唔算，去food court 買嘢食都expect 你比1x% 貼士再sales tax, 我就唔太接受。
3個讚
3260bb824a4e5f1de216:
我自己試過唔舒服，去見家庭醫生只係被求其耍走就算
我覺得你所講嘅醫療情況係因為你遇到唔好嘅醫生，我嘅親身經驗，黎左幾年登記過兩個家庭醫生都係唔好，唔會同病人跟進，一個退休唔通知病人、一個離職又係無通知病人，然後好難搵到家庭醫生，我有長期病，所以無左家庭醫生我就去屋企附近嘅walk in clinic ，定時去見醫生配藥，佢亦有安排我定期驗血睇住身體入面嘅各樣指數，我試過覺得心悸佢又有寫紙安排我去照心電圖，除左配藥要收費（公司保險有得claim），其他身體檢查都係有醫療咭免費，我覺得算係咁啦，所以你都可以考慮下搵其他醫生唔一定淨係去返家庭醫生度
問題係好多case拖左半年都未批work permit, 更有人被reject,
1個讚
