會唔會係CGT? CGT 出得嚟，黃藍都嘔血頂唔順
冇人中什麼？
呢頭話睇病又加價, 牛肉乾加價,掉垃圾收錢又話要收離境碎,又話想收資產曾值碎…同時又日夜FUNFUN?? 到底係窮定有錢?
1個讚
無錯！係政府庫房冇錢，唔搞啲嘢出嚟點收錢，「夜粉粉」政府有租收㗎。
2個讚
呢個係變相嘅 VAT, 只要有買嘢，遲早都要俾。
為咗掉少啲垃圾，我會減少買嘢。
資產都跌緊，長揸要俾稅養住佢，不如早啲放，一街都係蟹貨。
牛肉乾加價，我車都賣埋，唔買車，出少啲街。
收離境碎，咁都唔會收得多，但心理上你覺得要買多啲，食多啲，住多幾日酒店先至抵，收粒糖輸間廠。
全部都係殺雞取卵，onL9
20個讚
真… 我而家都覺得第時要買少D野…
有時真係覺得無智慧就係無智慧, 佢應該做既野係諗點樣吸引多D人黎,吸引多D人消費,吸引多D人留係到耐D…
而家D人 少D買野…少D出街…飛出去既時間長D… 經濟點會好呢又?
7個讚
2個讚
咁如果蝕賣呢？
或者平手呢？
仲使唔使交？
不過最近睇到嘅，2018年或之後買入嘅盤，9成9都係蝕讓
有d仲要係三，四年間蝕咗兩成幾
1個讚
係就，
政府親手推淋個樓市，
順便推淋香港經濟。
未來買樓印花稅，必定收少咗。
賣地價錢都係低咗。
『明日大儒』做咗都返唔到成本。可能因此擱置工程。
好明顯這個是（環保人士）提出嘅建議。
2個讚
推緊, 都冧緊… 正苦係呢方面做到嘢呀… 咩政策都係令漁港滅亡…
2個讚
如果係自住物業，呀爺老豆一早供完留俾啲子孫嘅舊樓，呢啲以前個個都話自住樓唔怕跌市，但幾十年前係幾十萬買入，現在市價幾百萬，唔計通脹都算係超高增值。
咁如果呢啲子孫已經準備移民或已移咗只係留返來返香港渡假，或者作被動收入收租。咁政策出嚟前賤價賣樓嘅動力就好大，個個急著折現走人。
樓又唔值錢，現在就算未填海都無水魚買地，地就唔值錢，仲要俾幾萬億填咁多海，哂冷賭幾代人身家但係無回報，我睇過過百個十八廿二嘅年青人八字，基於任何原因要留低讀書和走唔到嘅人，佢哋 30歲左右嘅十年大運相對於學生時期係奇差，赤馬紅羊劫真係唔講得少。
5個讚
即係呢個政策係針對移民但冇賣樓嘅人？
1個讚
咁應該唔駛交"“增值稅”,但可能遲d會出其他買賣稅都唔奇
2個讚
我住緊舊樓升左幾倍,即係無得換新樓啦
睇到好sad….
我睇你個post 講赤馬紅羊劫， 昐望絕境後可以反彈，10 年後會好啲，自己或者下一代可自由地揀喺邊度落腳。
舊大廈收購，賣家唔想付增值稅，可能會加入收購價內，因此 發展商舊區重建 有阻力。
2個讚
你講而家留港18/22果批？咁佢哋幾時會轉運？
