通常唔會因為單一事件想離婚，佢平時對你都唔好？
好多男人都粗心大意，所以無叫老婆起身食藥好平常。當然有d男人好細心會記得提，但就算我覺得我老公好好，如果我要佢幫我做任何野我都一定要迫佢set 個鬧鐘佢先記得。
你起身佢打緊機亦好正常。假設佢係想留喺屋企陪你，你瞓左佢無野做打下機都可以理解，起馬佢唔係你病左都出左去玩。
不過，成件事佢做得最差既係你病到五顏綠色嘔完都要你自己清理。一pad 嘔野喺地下好難話睇唔到唔知道所以無幫你。
你話係因為一齊耐所以結婚，但你一開始點解揀同依個人一齊，而且仲可以一齊咁耐？其實你最清楚佢係咩人同點對你。
病既時候好影響情緒，影響判斷力。不如你好好休息下，病好左再好好諗清楚。唔好因為一時意氣斷送婚姻。如果最後都係覺得依個男人唔值得，咁就唔好委屈自己。
加油！