廣華真天然分娩 基本上對無痛分娩好手緊
威爾斯好好喎，你邊度聽呀，我老婆2月先生完
我生b時，好似話無痛只限office hour先會有機會安排到，但一日24個鐘，邊有咁易朝9晚5之內生得出？！
你真係一心要無痛，有d錢唔慳得
PWH 地獄醫院? 我唔覺…
我2個細路都係響果到出世… 當年仲要有雙非…
PWH係連埋醫院學校, 會有HOUSEMAN 跟住D 教授學野, 有時病人要做白老鼠比D HOUSEMAN 睇症, 但都有教授FOLLOW 返…
生緊果時, 有HOUSEMAN會學野, 但可以SAY NO. (我當時有接受, 我覺得無問題)
當年好多雙非, 但D NURSE 同嬸嬸其實對香港媽媽好好. 唔係話佢地對國內人唔好, 只係國內人D 行為舉止都幾R頭, NURSE 同嬸嬸對佢地有時都會唔耐煩.
無痛要睇天時地理人和, 間間公立都係得幾個QUOTA…
仲要睇你子宮開到幾多, 仲要夾唔夾到OFFICE HOUR, 仲要睇下有無麻醉師得閒…你去到瑪麗都一樣.
我認識既瑪麗, 好既有口碑既, 係佢私家自費果一PART. 我朋友係響瑪麗私家自費比錢生, 同私家收費一樣.
怕痛… 只有私家… 呢D錢, 係無得慳.
同埋, 你順產, 可能你第1胎啦, 但即使係第1胎, 你無經驗, 你由大圍去到瑪麗…中途大痛, 穿水, 見紅, 你肯定你自己夠冷靜去處理嗎? 如果禁好彩, 你B 好鍚你, 一痛就出黎, 車程禁長咁點算?
我係你就唔會咁樣博…因為公立基本上間間都差唔多.
重點, 去到要生BB 果一下, EVEN係痛10幾20個鐘… 其實你已經唔顧到身邊禁多野, 人和事你都唔會有時間理…, 到要生時…10級痛, 痾幾下就見到呀B, 跟住已經所有痛都忘記了.
2個讚
我個人經驗係，威院真係好地獄。
我就係QM順產，住附近，又知QM setting好，所以冇諗私家生。
當日都係苦苦哀求佢打無痛，但最後連剪都唔剪下就咁生抅抅爆到下面嚴重撕裂。
最唔甘心係生完啦，最痛都痛完啦，都係要比人打一針半身麻醉去手術室縫傷口⋯⋯
不過QM環境幾好，護士都好專業，產房啲人都好nice生嗰陣會比到精神support同安全感你，同埋人唔多。
我個人覺得睇彩數，但如果你次次產檢都跨區咪好辛苦？
1個讚
完全同意，我會諗安全多過服務&環境等等～
香港嘅公立醫院其實唔差，所有setting都齊standard，反而私院未必間間有NICU，你有咩事要緊急輸血，公院配血都易啲快啲，我寧願自己辛苦啲係公立冇咁好服務，都希望Bb安全。
同埋產後嘅覆診都好足
1個讚
因為瑪麗產科自己有獨立的麻醉師
所以比較易安排
其他醫院係全間醫院share麻醉師, 要好好運先安排到
公立醫院每間個policy都會有分別
好似廣華咁, 盡量唔會用止痛藥物, 所以去得要預左捱痛
同埋唔到最後一步, 都唔會開刀
我識有媽媽係因為咁, 個B腦缺氧, 有永久腦損
我個時住荃灣去瑪麗生,穿水搭的士都係半個鐘左右
個時摧生, 12 HOUR唔成功就直接推去開刀~ 我估去廣華可能仲要等
不過無論去邊間醫院, 最好就去聽哂佢D產前講座, 了解佢地接生流程同policy
瑪麗就有不同的止痛方法選擇, 同埋係唔會主動剪會陰既 (自然爆係好過剪既, 因為一剪就會傷到深層肌肉組織)
邊間剪邊間唔剪, 要自己去了解
2個讚
QM個policy係唔會剪ga, 會由佢自然撕裂
除非真係出唔到先會剪
其他歐美醫院已經唔剪好耐了, 有無數咁多research証明剪左的婦女, 日後有失禁比率係高好多
1個讚
我冇係QM staff過，但都feel到係policy問題。
醫生都好仔細咁幫我收拾殘局，之後嘅覆診都做得好足好仔細，Bb都過左半歲，仲係專科覆緊診
唔係呀，QMH 都會剪的，睇情況。
政府產檢時，會比張form 產婦填，問生產時如有需要剪，你同唔同意。
情況緊急當然會剪
但一般主張唔剪, 佢講座有講的