咁就繼續做好自己角色
唔好一時一樣
一開始樓主加返呢點重要嘅因素，大家comment應該會好唔同
2個讚
我都想講，又唔問人地要唔要，上親黎就拎一袋黎，
黎親又話d玩具係佢既，當人地屋企迷你倉呀？D佢！
我會同奶奶講佢已經有好多玩具，以後唔好再拎返黎。
佢拎上黎既話，佢走果時我會成袋比返佢，話佢有太多玩具同埋屋企無位擺。
佢都忽忽地。
點諗？無家教囉！
佢哋自己攞嚟，如果再塞d 玩具/99 攞番嚟，同個女講，係姐姐擺喺到，唔可以攞人哋嘅嘢出嚟玩。
下次見面原箱俾番佢，如果佢唔攞就同99講你有地方就收埋，無一係捐一係掉咗佢。
1個讚
琴晚太眼訓啦，可能講得唔清楚。
我唔係怕小朋友報串，我只係想講99 一定會知。以我了解我99 份人我知道佢一定會介意，當然你覺得我可以爆埋我99, 點可以咁樣被人蝦、唔保護自己小朋友之類。請見諒我唔想再講呢方面既問題，因為真係好長，我可以講到自己好委屈 (呢個係事實，要同99 同住的確有好多唔鐘意既野). 但同時我99 一樣有好多野compromise 左，佢都有佢既委屈。
我想講可能大家想像呢件事，係有兩母女走上人地屋企，好高姿態咁爭呢樣爭個樣。其實實際係有少少出入。
佢地係正常小朋友玩，玩到有口頭衝突時，姐姐會用「呢件玩具係我架wor」黎嘗試抗辯。嫂嫂都好少會講 (所以我話過左兩年我第一次聽到大人confirm 個logic有d 驚訝)
開post 既內容太少令大家誤會 
(開post 個刻我好嬲)
2個讚
雖然成日爭玩具，但其實我小朋友係超級鐘意呀姐姐、連同伯娘(即係嫂嫂) 。
我睇住姐姐大呢幾年，我一直覺得姐姐有d 心理上安全感既缺失，雖然我唔知道點解，例如每次嫂嫂只係簡單一句讚我小朋友做到某事，姐姐會立刻反駁自己都做到啦之類，非常明顯地感覺姐姐安全感有些問題。所以我對姐姐既包容，因為我知道佢似乎有些位需要reassure 番自己，我仲一路天真咁諗嫂嫂可能都係咁所以包容左佢d 行為。
不過我小朋友一樣有社交既問題，佢會對ownership 非常堅持咁樣令我帶佢出去如遊樂場一些有共用設施時有些頭痛。例如佢有時覺得abcd 都係佢玩緊，但佢根本對手只係攞住ab, 其他小朋友攞走cd 時佢會覺得接受唔到，會搶番轉頭。
基於呢個問題我糾正佢，佢又好似未明白 (因為涉及到其他人觀感/同埋心). 但為左唔影響其他小朋友我都會stop 佢，但整整下佢會覺得我唔公平、幫其他小朋友之類 (我小朋友係非常有主見).
2個讚
小朋友會咁講唔出奇. 正確嘅家長教導係喺呢啲時候教佢大方同其他人分享. 呢個唔應該, 亦唔需要你黎做
呢度無一個人在場, 都係憑你轉述知道件事. 另外感覺嘅野亦都無人代表到你. 但有一樣野係真嘅就係, 你嗰一下覺得係過火左 — 我地人嘅直覺其實有時都幾準架
至於點處理, 係咪真係做, 你自己先最清楚, 因為你之後仲要面對佢地, 我地唔使. 部分轉變係會令人唔舒服, 呢個係定律. 但如果唔做一啲轉變, 但希望事情發展得唔一樣就無可能. 你唔出聲 / 做啲野, 對方可能根本意識唔到佢令你唔舒服, 咁佢就會繼續 (無論個人本身係唔係mean, 無咩關係)
2個讚
將佢拎嚟嘅玩具捐晒比慈善機構，影相存檔。比一次捐一次。自己買過新玩具比阿女。呢位親戚下次上嚟要玩 就攞阿女啲玩具出嚟一齊玩，如果唔識趣問佢自己嘅玩具，直接比存檔相片佢睇已經捐晒比慈善機構。
2個讚
我都會咁做,堂姐上黎既時候就只係玩呢箱,收埋自己果D
1個讚
我有朋友專教佢個女"爭取",係連佢呀媽都會出聲叫大家"讓"佢個女,攪到而家無人想同佢個女玩
7歲女已有自己諗法，知乜嘢係送，佢阿媽咁講嘢真係會扭曲個女價值觀。送咗等於冇嘢擁有權，點可以仲話係自己。
你個女聽埋聽埋仲會受影響添。
長遠當然係唔再要佢d玩具，佢咁講得出口話係自己，睇怕都係有施恩心態。我試過送玩具比朋友，同阿女上到去佢認得自己啲玩具，我果下都怕會尷尬，所以我都要再提醒返係佢唔再玩，答應會送比另一個想玩同會珍惜佢嘅小朋友。件玩具有新家，唔再屬於佢，如果想一齊玩就問下個朋友仔先。因為咁，我覺得如果有心送出去，真係唔會講返果d係自己嘅嘢咁嘅說話。
如果下次佢再咁講，笑住問下個女仔：你媽咪送比你嘅嘢係咪仲係你媽咪架？係咪可以隨時收返？
如果佢仲堅持要玩返自己d玩具，仲要響你個女面前展示擁有權，你由得佢一個人玩，你準備定一個超有趣嘅玩具你自己同個女玩，玩到吸引7歲女想過嚟，到佢要求一齊玩時就叫佢問你個女，你個女答應先比佢加入。咁做係要令佢兩母女知莊閒，幫你個女攞返主導權。
3個讚
我同意。我覺得都係時候要改變下，下次我會出聲指正姐姐咁講係於理不合。無理由要繼續啞忍唔正確既事。同埋真係唔再收玩具。
真心我唔覺得件事嚴重到要攪到親戚無得做，所以我會小心處理，忠於自己，如果佢覺得唔ok 都無計。
1個讚
要掉玩具有好多藉口既
疫情關係某啲玩具玩耐左/難清潔咪掉囉
介意奶奶知既 就連同一啲你地買但玩舊左既玩具一齊掉
家長短視無知，搞到個小朋友自己受返
個家長好鬼煩,去餐廳食咩,D位係點坐都要就曬佢既湊女方式 
可能佢女同返同學仔玩會好D,返學大家都係跟學校果套,朋友間就唔係咁岩玩啦~
有時候論命黎講，小朋友父母宮差都幾慘
影響甚遠
我又忍唔住大迷信mode
依家諗返轉頭，如果d師傅批人年輕時條命差，其實變相係指父母差，屋企比唔到家教、關懷、經濟支持，所以要成功好難，因為下下要到自己出身先可以離開原生家庭
師傅無得直接點講父母壞話（幫小朋友算命嗰個），只有講後生時麻麻，先苦後甜，真係生意難做呀
1個讚
有時小朋友真係反映左父母部份真面目
朋友個成日話個女脾氣臭、公主病、未夠兩歳就已經係咁、冇得教。我同佢講咪似你囉、次次同你成家去旅行總有一日黑面嘅…
俾我會全部掉哂佢
佢呀媽錫佢既,用錯方法囉
個父母在場就一定睇得出點教,有一半家長正常,都會勸下小朋友和平相處~唔平常果一半人就精彩囉
差，唔代表係虐待
個亞媽咁，點會識教女
之前師傅話小朋友1X歲前d運係跟亞媽，當時我第一次聽有d咁嘅講法，依家越諗越係
1個讚