嘗試講話唔要，佢哋格硬質過嚟的話，就厲手掉左佢。原因係一見到呢堆嘢就會諗起佢嘅嘴臉，見到都督眼督鼻，負能量既野唔好擺喺屋企。
其次如果係我的話，我都會盡量同佢減少聯絡，尤其小朋友之間一齊玩都盡量減少。老老實實我覺得呢啲冇家教嘢真心係冰山一角，越見得多就越多嘢頂唔緊。
3個讚
好有可能佢放D玩具响奶奶屋企等平時上去時有得玩呢
佢係咁mean你都冇謂當佢正常親戚
咁就唯有將佢D寄存玩具收埋,平時都唔好比自己女玩,佢黎到要玩咪囉出嚟比佢女自己玩囉
起碼可以大聲D教個女嘛
3個讚
送返比佢 話自己個女或仔都玩厭咗
佢唔要你就話捐出去？
然後以後都唔好再收佢d玩具，廢事影響埋你小朋友既價值觀囧 計較到咁…
3個讚
擔心樓主嘅小朋友，明明係自己玩開嘅玩具，無啦啦姐姐話係佢嘅，會唔會令佢無安全感同唔開心
以後唔止玩具，比其他嘢都小心啲，費事十年後仲同你講以前你個小朋友都係用我啲嘢大㗎
3個讚
係咪我小家？睇見就嬲囉
做咩要搞到小朋友唔開心唧？
我會即時糾正囉！
「係呀，呢件玩具’’以前‘’係姐姐架，姐姐唔再玩，所以送左比你呀
，好似你有玩具唔再玩時，我地都一樣會送比其他小朋友咁樣囉
」
加多句，同埋佢阿媽講：
「哎呀，我唔知道原來姐姐仲想要返呢件玩具，你地拎返去啦，唔緊要㗎，妹妹都好多玩具呀
第次記得問左女女先送走佢啲野呀
我地做媽媽，都要尊重返小朋友意願先得㗎，費事佢哋唔開心嘛」
呢個阿媽，直情係自己落自己面
10個讚
我小朋友又係，大概四歲左右，我哋都間中會捐啲玩具落去樓下會所，有張枱俾人自由咁放低任何嘢，同埋可以拎走任何野，我好尊重小朋友意願，會同佢一齊揀啲玩具拎落去（通常都係因為買咗新玩具，就會送啲舊玩具出去）。
有一次我哋放咗玩具之後，過咗一陣間，立即就比其他小朋友睇中左拎住玩，我個女即刻當場大喊，想要返，原來佢個心仲未接受得到。可能佢心目中係捐俾第三世界嘅小朋友，好珍惜咁對佢嘅玩具，而唔係比幾個屁孩拎住喺度呯呯呯！
呢個年紀真係好容易confuse, 咩嘢係自己嘅，咩嘢係人哋嘅，果次我比老公鬧咗好耐，可能我有嘢處理得唔夠謹慎，放低玩具講咗拜拜之後應該立即離開現場
搞到阿女傷心
經一事長一智
所以見到你個女要聽人哋講啲咁嘅說話，秒嬲
4個讚
嘩，又真係無諗過。 
姐姐比較串嘴，可能真係會咁講
我會掉曬佢送嘅玩具
如果下次黎佢問d玩具去咗邊，直接講掉曬，然後加返句：洗唔洗我比返你幾百蚊當係買你d二手玩具？
我係好狠㗎
6個讚
我以前都有擔心，但而家我小朋友都開始大。我諗都可以開始教佢「駁嘴」，或者引導佢思考，到底玩具擁有權誰屬 
不過其實我個個都唔係省油的燈，我仲成日好想佢可以學識妥協多些 (因為佢本身都好惡死)
1個讚
我完全就係咁諗，我開頭真係懷疑自己。係咪自己「小家」 
呢個係其次
如果兩個小朋友都想玩，比較好嘅方法係雙方家長都會出聲話要一齊玩，一係就兩個都唔好玩
作為媽媽，無論玩具係邊個嘅，都要教自己小朋友同其他小朋友分享玩具
or鼓勵佢吔每人玩唔同嘅玩具
呢個係家教，亦係幫助小朋友學習社交嘅方法
分邊個係擁有玩具嗰個先有得玩，根本唔係教緊小朋友，係丟緊自己架 （你個親戚）
3個讚
其實我冷靜落黎回想，我覺得嫂嫂應該唔係想俾面口/講說話。佢可能真心唔覺得logic 有問題，又有少少想維護自己囡囡情緒。
只係佢放縱同助長呢件事，我真係有d 嬲。
我會同c6 傾吓，真心唔想再接到佢地既物資。
1個讚
好多人唔識教仔
其實佢唔識無問題，亦唔關你事
但影響埋你同你小朋友，就係超級麻煩
（日日已經要handle其他問題，呢類不必要問題就儘量避免）
玩唔埋，以後儘量少見面
男人未必明
可能會覺得你無嘢搵嘢黎講
你做好心理準備
1個讚
其實佢地上到黎屋企玩，真係唔會想分邊個邊個既玩具。如果可以共享係最理想，只係如果對方要搬出呢個「原主人」身份，咁我都可能教我小朋友用道理反駁。1. 送左出黎 2. 而家係一齊玩
雖然4 歲黎講，可能有d 困難 
樓主個case，應該係同99住，所以，你走去買個玩具箱，擺係廳又好，放係阻住全屋人嘅地方又好，專放佢「比」過嚟嘅玩具；你要教育小朋友，呢啲玩具係邊個邊個嘅，唔係你架，唔好怕比人玩你小氣，呢個係禮數問題，有人好明顯唔識乜野叫「送嘢」，咁就當佢無送過
你要同你老公講定數，唔想你小朋友好似無禮貌，唔識分享；就直接了當咁當果啲玩具係邊個邊個擺過黎，玩具唔係貴，自己買比自己小朋友，教自己小朋友要禮讓，讓比個大玩仲乖
4個讚
我會直接同堂姐姐講：
你媽咪已經將呢d玩具比咗我地，依家d玩具係for妹妹玩㗎，妹妹肯同你share一齊玩，如果你只想一個人玩，我地依家唔會玩呢個玩具，我會pack好比你拎返屋企自己一個人玩
7歲人仔要明白呢個道理（已經小一啦，幼稚園無教過分享玩具咩
）
4歲未必自己handle到，你唯一係叫你女如果有事就叫你
2個讚
老老實實d玩具最多幾百蚊
為咗少少嘢既要同老公報備，又要攪盡腦汁諗下下次點應對，真係好多餘🥲
掉曬就乾手淨腳
你點知阿奶奶攞返黎嗰時嘅情況係點呢?
始終呢度唔係你主場,冇得say🤷