加油，紅d我都係玩第二個月先叫上手
不過都係會同CB再加半定量一齊用，有個保證～～～
肌醇我都有食呀，不過就買左聖潔莓但唔敢食住
我今個cycle已經係第三個cycle啦～～～
飲滴雞精有幫助受孕？
我都係第三個cycle啦，不過就已經一早打左針
不過就算係咁都係成個人好緊張架
尤其係越試得耐就越緊張
我頭一兩個cycle好輕鬆架····
點解唔敢食聖潔莓嘅？
我係做咗檢查check 咗我係內膜薄，黃體素唔夠所以食返針對呢d嘅supplements
再加早晚中藥調理
因為有爬過文係主要針對多囊症？咁我好好彩無PCOS···
睇到其他人話食左可能會打亂個cycle，所以就買左無食
反而肌醇我有食，因為我見到除左幫助PCOS外，食左孕期都會少d機會有妊娠糖尿病之類
我抽過血驗黃體，我個黃體仲高過應該有嘅range···
雖然醫生話無問題，不過佢都有問我有無食黃體supplement, 好少見咁高咁話
所以佢咁講完我更加唔敢食聖潔莓
不過我都有繼續食維他命E嘅，聽講都對加厚內膜有用～
我睇啲文章話係咋， 係咪廣告我又唔知， 所以先問下大家有冇心得 
BK個邊都見到有好多sis話有用
話飲左之後卵大粒左，所以我都應該會試試
雖然我已經知道會好難飲··
仲有啲人話會飲到爆哂瘡，不過我都想買啲台灣牌子試吓
有d人身體受唔到太燥架聽講
所以都要睇下身體承受程度去adjust
如果承受到就日日飲，承受唔到就一星期1-2次
我都係睇緊台灣個款～～～
聖潔莓唔係會令經期準返？
我黃體低到爆，宜家食緊聖潔莓肌醇維他命B雜，C，E…
每日呑8粒藥丸真係好難受
係呀～不過因為我經期算準，所以就唔食住了
我都同你一樣一日已經食物好多supplement，每日都6-8粒咁，所以已經唔想再加啦
我而家排卵前係：維他命C，D3，E，Primrose Evening Oil，葉酸，肌醇
排卵後：維他命C，D3，E，普通Fish Oil，葉酸
有時後真係覺得，不如直接買助孕supplement算啦，一次過
我今日都睇過下FH Pro…
好辛苦，所以滴雞精我真係唔想試…係宜家已經要隔開鐘數食中藥同supplements
我已經試咗7個cycle ….真係超大壓力
D 人唔知頭唔知路又成日見面問幾時生返個
問多兩問就好sad
1個讚
我完全明白··· 我只係試左3個cycle都已經有窒息嘅感覺
一個cycle比一個cycle大壓力（雖然我自己都好清楚知道壓力對受孕毫無幫助，但就係控制唔到）
但我又同時好唔份氣，明明都已經食咁多supplements，度體溫，玩尿，紅d半定量CB都用齊
都唔中··· 真係令我不停咁搵其他方法··· 
2個讚
有時真係唔明係差d 咩…所以之前特登去做生育test, 一開頭見到黃體咁低真係喊咗出嚟…但冷靜返咁諗起碼知道自已邊part 有問題可以試下去解決
我都唔知做唔做埋check 輸卵管，但真心驚痛…
我唔敢呀，都一樣驚痛···
肯去抽血已經好勁架啦我
我估我每個月有用排卵紙，體溫有升，hormones level正常，我就當我有排卵架啦 :X
我連AMH都唔敢check 
Me too🥲 我本身個人勁驚針同血…
抽血我都驚到手震…仲要塞嘢落下面咁入真係會驚到暈
AMH 等結果個幾日擔心到想喊，好彩都係average 
諗過下如果遲下真係都唔得，要自已打排卵針就唔知點算
坦白講···· 我覺得打排卵針總好過要IVF （touch wood）
加油加油～ 我地要正面ｄ呀～ 盡量放鬆少少啦～
一齊中虎ｂｂ 
希望今個cycle 齊齊中
1個讚
近排諗緊應該轉工先定準備懷孕先
份工都幾大壓力，想轉好耐，但係又驚轉左新工就話有左好似唔係幾好 
我之前有照過輸卵管，唔算痛，起碼知道無事安心啲，同埋有啲人話照完會再通啲，大啲機會通返，唔知關唔關事，我買完兩三個cycle就bingo，bb啱啱一歲啦
你去邊間做生育test 呀？ 我剩係喺家計會做左 好似好頹冇驗啲咩咁