大鑊，我都對林鄭講嘅嘢好有反應
4個讚
你日日煮足5餐9大鬼餐餐煲唔同湯都冇用架，佢係挑剔你都係會有對白講架
我日日煮，我99咪又係三不五時要拎乜拎物過黎俾佢仔食，但佢d野好唔掂，得黑色同啡色，次次都係嗰幾樣，又要熟到唔知仲有冇營養剩
我奶奶係話我瘦左 我老公肥左
我奶奶份人冇乜嘢，好耐之前佢講過類似說話(嗰時我真係地獄廚神)，講真佢係冇心嘅，佢覺得個仔瘦但唔係怪我唔煮
但我反應好快一句：係呀我阿媽都戥我冇啖好食呀，話我結婚後瘦咗，都有怪你個仔呀奶奶
即刻全場收聲，我奶奶十幾年來冇再講
呢幾年我廚藝好好多，我擺上 fb奶奶勁 like
3個讚
好正
完全落佢面
比我唔敢咁講
我唔會受任何奶奶既氣，佢一老屈我就反駁，佢話佢個仔乜我就話我都一樣喎/我阿媽都係咁講
可能我惡死啩，我唔知做乜要怕奶奶，佢個仔又唔係養我，奶奶佢又唔係養我，我又要返工我老公又要返工，夜晚佢食乜我食乜，咁佢肉赤佢寶貝仔瘦我阿媽都肉赤佢公主瘦，仲要返工仲要捱唔係做少奶奶
我外家都好勁，我啲兄弟姊妹會話我老公，要佢點點點對我
當然平又唔會起晒槓既，我都好客氣好尊重老人家。
但一句氣都咪使旨意我受，如果佢挑剔我(佢冇)，我會話︰好丫咁咪唔好結婚囉永遠由奶奶服侍，唔通當年老爺都係咁﹖
1個讚
你好正呀 
你奶奶都係D麻煩友，你做乜佢都不滿架啦，少見為妙，將來你哋有小朋友，你奶奶應該會煩十倍有多。
結婚後有講過一次個仔要食物食物, 我叫老公搬返去做仔。
之後冇再講過。
2個讚
喺奶奶面前講？
點止，99會咁係好必然，咩都你唔岩架，點做都唔好架，總之而家你有咁好既老公係你執到！撞正同佢夾到暈既心抱，直頭一齊夾擊你，同你老公講：你無呀媽住家飯食係咪好唔慣呀！？心裡面無限粗口，好心啦，我老公日日兩大碗飯帶埋飯呀，點解把口要咁賤呢？希望佢嚟緊做99會大把福享囉！
好彩我未來奶奶同姑仔認為男人係應份煮飯
我未來老公亦好樂意煮，但應該唔好食
可能第時倒轉會係我爸媽嫌我瘦左
睇黎我要感恩同好好珍惜佢地
追晒咁多post覺得做新抱好無奈
我老公好鍾意煮野，我就麻麻地
2個人相處，邊個叻咪做邊樣，成日彈新抱令個仔瘦晒個d 99，你個仔都未出聲怨，佢咁大個人揀得呢個老婆就有佢既理由，d老野係要加把嘴，係到製造紛爭，好鬼煩。
3個讚
係咪99想見你老公所以想你地多d返去食咋?
未必有心嘅可能
我都唔煮飯,鍾意返99度痴餐,佢好開心架
高級玩家
點解你同老公都要番工，飯要你煮？
唔好咁傻自己對號入座，簡單一句：「係呢，你個仔都唔食嘢嘅。」就耍走佢。 
我99都係咁講喎，不過我話『你個仔夠肥，一陣就撐直返啦』
一啲都唔難做，現今男女平等，大部分都係女人有份撐頭家，大家要返工做乜一定係要個女煮？
奶奶又唔係邊個，佢咁肉痛個仔，咪叫個仔返去住囉。我自己阿媽唔肉痛我晚晚煮飯？有邊個做女要入廚房？
我平時煮飯，其他家務乜都唔做，我老公知一定要做，就算成地垃圾我都唔會郁，但廚房係我責任，一定乾淨企理。
我十幾年都未用過洗衣機吸塵機未拖過地，好平等
奶奶講一句，我就一定回敬我阿媽都係咁話喎，真係好work
1個讚