我明、香港見慣人山人海、試過旅行租間民宿、環境係靚、但無咩人仲驚
你度有保安嗎？
當休息下啦、唔知係咪我問題、我覺得身邊好多人都頹左
都唔係嘅，有啲有四五層，或者更高。
無呀，就算成棟大廈果種，都未必有保安架
我都睇過人講apartment 都冇咩保安管理、但一樣要管理費、加上業權有年限所以住house 抵d
咁又唔係嘅，我無座頭看更，但有保安部（管理幾座block)，可以代收包裹，𨋢呀樓梯呀 呢啲公共地方有人清潔管理嘅，同埋掉垃圾會方便啲，統一收集。
如果自己係有心思打理house嘅，都有另一番風味嘅，我有時都會幻想下住house嘅感覺架
其實住house有backyard, 我諗唔到有乜用途
小朋友大晒都唔會出去玩
可以放啲檯椅曬下太陽
種下花花草草，放個shed塞雜物
見人話入伙要送d禮物仔比鄰居打聲招呼，你有冇咁做？香港人真係唔慣做呢啲
我無呀，住flat應該唔興掛…
不過平時出入就一定見人就打招呼，互相禮讓嘅
如果有機會住house, 我諗鄰里關係更加重要，再考慮
頭先諗起飛黎嘅航班上面，百感交集，有一位空姐係香港人，全程好照顧我地一家，見到我瞓唔著，又同我傾偈，又講左少少英國生活比我聽，等我定啲，香港人幫香港人
落機前仲提定我地添衣，好感動
我坐維珍，唔知大家會揀咩航空呢
9個讚
我都睇到眼濕濕，香港人就算去到其他地方都要互相扶持
我哋睇左BA, 見好多人都揀BA, 我都望下維珍先
咁大家係真係Hello定都會傾下偈，講下天氣咁？
Say hi, thank you(通常互相幫忙開門/拉住度門）
好少傾計呀，都最好保持有2M啦，好難傾到計。
同超市啲收銀傾得多啲
而家好少航空公司可以揀，又唔知幾時先可以比英國飛機到香港
其實同收銀通常傾乜？傾幾句咋嘛
寒暄幾句架咋，通常都係會講下啲貨品嘅野，都唔會話傾啲個人嘢嘅。
有啲人可能本身識得，或者傾得多幾次熟左，我見個收銀員真係拎住人地啲change唔放
一路係咁傾
趕時間嘅話記住去self check out
2個讚
你覺得適應左當地生活未？鍾唔鍾意？
身為擁有一個香港心嘅香港人，其實都唔會開心得去邊架喇，有時狀態好啲，就追多啲香港新聞，狀態唔好嘅時候，就會連續幾日都冇心力去睇
生活方面，比起數月前適應左唔少，至少行超市知道咩嘢放喺邊個位咁，我唔係住鄉下地方，同香港都唔會話好大分別
我成日都同老公講，我哋大人開唔開心唔緊要，至少小朋友喺度返學開心，可以享受自由嘅空氣同教育，呢樣係我最安慰嘅
5個讚
其實睇香港d新聞只會嬲同傷心
有時真係唔可以追咁多，都會令到自己好唔開心，又好無力。
其實走都係為小朋友，佢哋適應到同開心就巳經好好
4個讚