嗰邊水鞋用唔用得著？
如果用唔著就唔帶了…
教會都係online咋，我小朋友初小，學校唔難搵，係lockdown council好慢，前前後後搞左個幾月先有學返，我地揀返同宗教既學校，唔係好近不過行得到
你小朋友中學，唔易放棄香港啲野同朋友，佢地對於移民點睇？
我就未著過，水鞋行得耐唔舒服，呢度落雨通常唔大，又唔多水氹，如果著防水跣水嘅輕便鞋會方便啲。
不過水鞋呢邊都好平嘅
大果個都ok, 因為佢明香港發生乜嘢事，佢學校都有人走
細既小五，一個去要 yr 7, 佢係唔想過，因為佢英文好差
你之前有冇去過英國？覺得易唔易適應？
你好呀，小朋友搵到學校未呀？
1個讚
可以自己整皮，買麵粉就得，平好多。
1個讚
我小朋友year4, 返左學一個月左右，英文進步唔係好明顯，但係自信心真係明顯增加左，外國人同佢講嘢叫做肯答。
我英文都好屎，好羨慕小朋友敢講
同埋基本上無乜功課，亦無課本，每個小朋友都好鍾意返學，每日午餐都有甜品，可以講下啲開心野吸引下小朋友，等佢無咁驚
1個讚
你好呀！
最後都搵到呀，唔係第一志願，但都唔差呀，小朋友返學日日都好開心
見到佢地輕鬆同開心，親子時間亦大增（返黎唔使做功課，可以每晚一齊睇下動畫/電影，有時一齊整下野食）
變左我哋大人既不安感都可以減低啲，都會安慰自己，以前喺香港日夜搏殺，無非都係想儲多個錢過咁樣既生活姐
3個讚
水餃
皮我都有自製呀，雲吞皮我就搞唔掂呀
1個讚
恭喜晒，我最擔心都係搵唔到好學校比小朋友，因為小朋友响香港讀緊band1 學校，若果過到去讀左間好差學校，會影響到小朋友將來，所以好頭痛呀
我都係，大女讀緊band 1學校，佢讀得唔錯，好驚入左間校風差，會影響到佢
其實去第二個地方嘅決定真係唔易，不過你小朋友咁細個一定好快適應。
你哋有冇揾到工？有工番個人又會定好多。但諗起自己d英文聽講都咁差，都有擔心有工返又唔知會點
1個讚
咁呢邊簡單啲，中學都係睇catchment, 盡量買/租近心儀學校
我仲有個未到學齡，自己湊，所以只有老公一個人返工，錢就唔鬆動架喇，但係而家都唔會出街食飯，lockdown到到都唔開，平時都係去吓公園玩，冇咩消費，係有時電器壞咗要換下咁，生活過得去
講開呢樣，以前喺香港我係購物狂，成日online shopping, 呢度都盛行，但係我覺得自己冇咗個鋪癮，可能生活簡單左，唔使靠購物當興趣減壓…掛
4個讚
我都好差，以前請工人，我啲英文仲差過佢。
不過又咁睇，呢邊好多歐洲人英文都唔好，一樣有工做，同埋，我相信如果有工返嘅話，英文一定進步得超級快
而家我又冇乜朋友，又少出街，英文嘅進步可以話係零，人哋打電話嚟我都唔係好夠膽聽（listening 特別差）依家盡量抽時間每日聽吓英語教學嘅podcast，雖然都係想過鴨背，呢頭聽完轉頭唔記得，不過總好過零丫
我都恨自己語言天份點解咁低，好快要小朋友教返我轉頭
4個讚
係英國d人樸素咁多，都無乜需要扮到咁靚。不過我平日都係t shirt牛仔褲，係香港都好耐冇shopping, 過到去應該都冇乜野
你老公幾耐到揾到工？我諗住都係揾下d part time. 主力做家庭主婦，做家務煮飯，雖然我本身唔係好鍾意
2個讚
我係想d女快d pick up d英文，我將來可以靠佢地
其實樸素嘅生活真係幾好，特別係呢邊多元化，你鍾意點樣打扮都得，好包容，唔會話著得老土啲又驚俾人笑…
我老公暫時做緊香港嘅老本行，wfh, 收入少左但算暫時撐得到，無乜積蓄，而家想搵多份送下外賣，都唔易，要等消息，人哋話要等一兩個月左右，希望可以多少少額外收入啦
冇工人姐姐我都要重新適應，家務做多做少都冇乜所謂，問題係煮飯，我本身唔係好鍾意煮嘢食，而家早午晚三餐都要煮
有時懶都會買啲ready food 叮下焗下，不過小朋友就好開心囉，以前喺香港，佢哋成日都想我間中煮飯比佢哋食（好味過工人姐姐煮）但係我只可以永遠都話：下個禮拜先，下個禮拜先…
而家一次過還返晒
4個讚
應該會快過大人你地計劃讀完呢年過黎？