講到一半不停鬧我，
又話我失禮佢，
又話我唔尊重佢家人。
我話叫佢出去我冷靜下。
佢就發脾氣，嚇親bb係咁喊。 
雖然你老公咁講唔啱，但係自己做好先要求人哋做都好正常
要睇ＢＢ性格，我小朋友都係差不多呢個月數返，不過性格係on居居唔跟人做。
其他小朋友有啲係坐唔定周圍走失晒控，有啲好叻識跟住做跟住郁。
佢話我裝過飯比佢家人，
事實上我有，每一次奶奶番黎我都第一時間幫佢裝咗飯先。
每日佢收工番黎都會叫佢。
又話我細佬係大學生，
佢都唔敢識小小扮代表。
係網上睇左啲資料以為自己好叻。
係大陸早就比人殺左唔知咩事。
為你和老公關係好，為小朋友好，你既情況就快d送佢去playgroup。如果扭計就更加要送去playground 訓練下。
如果你在屋企有好既訓練俾小朋友就話，但如果你和老公咁既情況，就唔會有架啦。經濟許可既話，就儘量俾外人湊啦。
明白啦，佢係自卑型大男人，咁真係唔可以旨意佢。儘量將小朋友遠離屋企，費時俾佢阻礙
謝謝你明白我，
我實在太懶。
我細佬既意思係，
叫我比啲心機去湊bb,
唔好成日玩手機唔睇個仔，
老公誤會左以為要個仔學多啲英文。
將來左好既學校。
聽左一個網友講覺得好有道理。
想改變自己。
父母關係都好重要，關係變差係幾時開始？生左BB之後？
呢幾個月感覺得到對我態度差左。
岩岩生完對我好好，
好好幫我坐月。
照顧bb.
家務唔洗我做。
我仔3歲我都未試過比2個鐘youtube佢睇⋯⋯
咁記唔記得因咩事幾事開始變左？
二公婆有咩直接講，唔好單打，男人聽唔明，你自己又谷氣。
其實我都係手機上癮嘅人，初頭湊小朋友好唔慣，我細妹都有話過我成日用電話，唔理小朋友，我自己都無為意，尤其細啲嘅小朋友，好需要大人俾反應，確實係好困身，但細時幫佢地培養好睇書，玩玩具習慣，慢慢會輕鬆啲。
我都係掛著玩電話既懶媽，又係為youtube和老公嘈。
我諗我係全谷俾最多youtube小朋友睇既人，有排係做完功課後任睇，睇到佢地變左英文母語中文退步曬
。
不過懶如我都係3歲先俾小朋友睇youtube，而家都改左規矩做6點後無得睇。所以唔好睇得多過我小朋友呀。
首要處理您嘅夫妻關係多過育兒方法…坦白講，齋睇您文字嘅表達，完全係一舊舊，要估先明，唔知您同老公溝通係咪咁…如果係，好易有誤會
1個讚
6:00 起身
YouTube
11:00訓教(2小時）
13:00起身
YouTube
16:00訓教（2小時）
18:00起身
晚上無開
時間耐左就覺得多。
呢個係你bb的時間表?
Sorry真係有啲誇張
佢咁細真係唔應該睇咁耐YouTube
其實你好多嘢可以同佢一齊做，伴讀，玩玩具
與其埋怨老公態度唔好，不如認真諗吓點改善湊bb的方法，再去修補同另一半關係
有咁多家務要做？
我好懶做家務，真係最多洗下衫就算。
其他都家務留係老公返黎先做。
而且做家務個時我係邊做邊陪小朋友。
每人既時間表做乜都唔同，我個時個時間表
一朝早出街食早餐，公園/商場
12-1300瞓
3點起身，4-5點公園玩
雖然疫情真係無以前咁多小朋友出街，但有啲時間4、5點我見好多小朋友係公園玩。（尤其星期六日啲阿爸阿媽同小朋友照係封左遊樂場玩
我係寧願出街都唔留係屋企既人因為覺得時間過得快，除左打風落雨先唔出街。
呢度嘅sis太客氣，為咗你bb我直接啲講
你講咁耐淨係埋怨老公，細佬同姑仔同你講咗你個問題話你玩太多手機又唔聽，bb仔睇咁多YouTube，你有無花過時間陪bb，佢有無得到佢應有嘅輔導去發展？你同你老公關係唔好，原因都可能喺呢度，因為你話生完之後開頭佢好幫手
比多少少資料你，bb呢個階段嘅發展除咗行同發聲，仲要練習使用手指，家長陪佢玩玩具同伴讀好重要。唔好以為佢哋唔識，我bb10個月識行之後，11個月可以聽指令幫我丟垃圾同攞嘢，如果你有花時間教，好多嘢佢哋係識㗎
如果有冒犯唔好意思，希望你可以湊好bb先，與其埋怨身邊嘅人，不如做好應做嘅事，喺bb訓覺嘅時候可以做家務，做唔晒就簡化或者比老公做啦
(你bb日頭訓4個鐘，係唔係夠做家務呢)
如果教bb同湊bb有咩唔開心/唔明，上嚟會有好多人幫到你，唔好玩手機，陪多啲bb啦
4個讚
睇到個時間表真係O咀
，咁想有私人時間當初點解要生？
唔好話11月bb 要發展，大d 嘅小朋友都唔應該睇咁多啦，咁長時間坐喺到唔活動，對Bb 極度唔好。
想問下，佢睇YouTube 時你做咩？