我媽有信佛，而家老婆有咗3個月到， 媽就叫我地而家諗金剛經， 臨生前100日諗地藏經， 唔知咁有無用？
因為我地過幾年會移民， 希望佢第時可聰明聆利， 為海外港人争光， 為未來光復香港去努力
當然有用，可以播埋佛經佛歌俾bb聽，我有個師兄本身係藏教嘅，佢兩個小朋友出世前已唸經，播佛歌，兩個小朋友出世好好湊好聽話，讀書叻，從不用為佢地學業操心，兩個都氣質出眾得人喜愛，哥哥已大學畢業出來做嘢，妹妹都讀緊大學啦。
想問我有初一，十五食素同我媽有幫我屋企人做牌位，同佢都有諗經迴向比衆生同屋企人 ， 佢未出世個孫會唔會都受益到 ？ 因為而家老婆成日都嘔同唔舒服，所以唔係成日都諗到經
即係可唔寫比自己？我通常只寫比父母
我唔敢講你bb受唔受益到，因為條數唔係咁計，我所認知嘅同大部份人有出入，所以我唔回應啦，唔好意思。
你太太唸唔到經可以播佛經或歌呀。
1個讚
咁其實冤親債主附薦 係咪都應該業障未到之前做左附薦先？
咁除了牌位 仲有冇其他方法做功德喔？
佈施？義工？
有啲人唔想咁長壽，會唔幫自己寫
淨係幫屋企人寫
1個讚
聽啲師兄講，時運高啲冤親債主攪唔到你，到時運低果陣，佢哋就會趁機踩多你幾腳
所以趁而家冇乜事，就做多啲功德迴向比佢哋，等佢哋唔好跟住自己，自己都會行少啲衰運
寫牌位就簡單啲，隨時可以做
布施，做義工都可以
不過最好都係自己修行，多啲念經多啲念佛
1個讚
我想請教一下各位，如果親人有病應該唸邊種經文較好？
我只識唸往生咒
藥師咒 -求醫藥
滅定業真言 -消除業障
上年我爸爸有病，啲師兄教念呢兩個咒語
往生咒迴向比去世嘅人，你可以迴向比親人嘅冤親債主，求佢哋早登極樂
親人少啲冤親債主跟著，病會容易啲醫，會有多啲好因緣
1個讚
謝謝，上YouTube搵下先
係咪唔只長壽 消災保平安都可以架？
當然可以
除咗唸經唸咒，亦可以積功德，例如茹素放生等，多作善行，如果佢未能夠做，你亦可為佢做，但本人做係最好最直接，旁人所做會打折。
1個讚
想學佛但好似冇從入手
上面有提到
學佛入門可以上youtube聽 了一法師主講 地藏菩薩本願經
了一法師講經好淺白好貼地好有趣，亦都會講到好多佛教基本教義
2個讚
我都有睇YouTube,但會嗰會有指定要學左咩經先？ 因為成日都會提及唔同的經文 就會聽唔明
好多人話放生等於殺生，所以都唔知點好
我都有定期去放生，曾經有人教我：我今日放生咗啲魚，就算下一刻佢被人釣起嚟食，我都延長咗佢既壽命，被殺係佢既命運．而且，最重要係我地放生時有唸放生儀軌，佢地今生終了，下一生唔駛輪迴到蓄牲道了． 
咁當然，放生都唔可以亂嚟，例如放淡水魚落海之類 
又真係有好多人亂咁放，難怪招人話抦
1個讚
你講得啱呀，好多人錯誤地放生變殺生反作孽，建議你上網搵下資料。
2個讚