蟹月 免費塔羅占卜2nd draw隊

興趣嗜好
1

是咁的⋯ 承接哩個po 免費offer塔羅占卜

因為原po d post開始多，我自己又一直分 1st 2nd draw兩條隊，去儘量公平分配抽牌quota。然後宜家d post開始太多既時候，開始好難搵翻大家既2nd question出黎（有d情況可能係，你一開始留言係2條問題，但係其實可能會問唔到，或者已經combine地問左，好多可能性，真係要逐個po睇去define翻有無需要排2nd），同埋亦因為拖太耐，可能個問題對大家黎講已經expire左。

所以想係哩邊開一個po專門擺2nd draw question。如果之前係原po已經幫你抽過牌，而你仲有問題想問，可以係哩邊留言，留住一題先，如果真係尚有3 4 5th題想問，可能以後再開3th draw po啦:joy:不過宜家應該未係時候住，處理曬1st，2nd draw先。

:shaved_ice:係原po講過幫你問2nd draw但係未找數既朋友仔，如果見字，都希望你盡快係哩邊留返言比我，我會儘量係原po清翻曬d 2nd draw，但係真心已經係汪洋大海⋯ 同埋你亦可以趁機重新define update翻你條問題。

:shaved_ice:如果你係新朋友仔，之前未幫你解過牌，可以翻原po留言，原po 1st draw一定優先處理先。

:point_right:曾經抽過既朋友仔，亦希望可以同大家share返個機會，原po 1st draw我每次抽之前，都會先check下你之前有無已經解過牌既⋯如果有解過但係扮1st draw⋯ 直接當無效，希望大家理解:pray:

:dizzy: HOW TO ASK QUESTIONS? :dizzy:

  1. 問同自己有關既野

  2. 問What, Why, How——例如：我點樣可以同另一半關係好d？仔仔點樣睇我哩個阿媽啊？咩原因令我升唔到職？

＊＊＊唔好問"我應唔應該甘做"“我幾時發達”“哩件事會唔會發生？”——哩d去算命啦。

  1. 格式
    稱呼：
    大概情況：
    想問咩：

頭盔：非精密科學，僅供娛樂參考。自己命運自己把握，聼完結果要自己深思熟慮先行動，本人不爲閣下任何事情及後果負責任。

:love_letter: 最後一提，我自己有IG同youtube channel出下d大眾占卜片，如果有興趣，或者好心急問，都可以去免費睇下玩下參考下。不過始終係大眾占卜，一定會比1對1抽無咁specific，不過叫聊勝於無啦:joy:

唔知BD俾唔俾直接po link，過幾日本po無被ban，就直接po link方便大家直接跳，否則大家直接用 蟹月塔羅 Icon係紫色底金色蟹 應該都會search到我既。

同埋，免費塔羅續章——免費西洋占星出生盤解讀 都會繼續清既，亦⋯多謝大家耐心等待:see_no_evil:

再次多謝大家哩段時間來既大力支持。好開心自己學既野可以幫到人，同埋大家既支持，令我係哩度搵到一份歸屬感:heart:

3個讚