已經分享咗
大家對流年睇法不同
我會將流年同底盤山/向星共參
如果只搞流年，撞落底盤可以出禍，尤其係新樓，如果係6運樓呢類舊樓就可以只做流年
同埋，學術可以同同門師兄姐們討論，網上講，根本大家師承不同，太深入嘅嘢其實無辦法討論到
三元九運，當運與過氣。
你講既我都用緊，玄空只有蔣大鴻章仲山這一脈，所以好好學習的話，唔會有多大分別。
不過你岩既，要仔細講，實在要打太多字。
而且無基礎既人唔會知你講咩。
有一定程度既，又各有己見。
都係慳返啖氣，輕鬆些。
1個讚
回應主題，中國古智慧，五術：山醫命卜相。
命卜相便是命理，批命卜卦人相地相。
我只學了批命，人相及地相(風水)。
程度大概去到能斷出人幾時生細路，但斷唔到生仔定女。
斷到人單親長大，斷到係死別定離異，但斷唔到離異原因。
斷到人配偶早離，但斷唔到死於意外定病。
斷到人何時發富，但斷唔到具體數字。
斷到人。。。
我斷唔到好深入的程度，但有半仙級能做到，例如已故大師林國雄。
不過單靠以上程度，身邊人已極信服。
我自批則不同，可以好深入。
何時置業結婚生仔升降職，都預先知道。
自我實現？ 不是的，交通意外不能自我實現吧，除非去自殺。
本身係運動員，斷到自己幾年後有交通意外，十分害怕。
臨近發生時間，車唔搾，馬路邊唔行，少出門免出門。風水直頭為此暫時搬離避應劫，因單係批屋也顯示男主該年出事。
結果照樣發生交通意外，我的運動員生涯突然完左。
實際發生時間跟我斷的差了半年，唔夠深入係咁上下。
仲有太多預知他人都改唔到避唔到的事例。
得出結論，古人云，君子知命，果然係真既。
意思係預知只為有心理準備，不等於能改變。
所以其實唔去睇命理都完全無所謂，人力能改變既程度實在太低。
只有個別非正常情況好有效，犯陰(見鬼)，不名原因怪病，減輕長期病痛苦等。
話能夠改運甚麼的，一定係呃人，半仙級都唔會做到。
倒是公司則不一樣，風水影響人運極有限。
但對公司的生意，影響力大好多。
睇得明便睇得明，退休後時間多左先會打咁多字。
11個讚
多謝你嘅無私分享！
多謝您分享！
有個小分享，可能只係巧合，我精簡啲講下。
我女病左好幾年（又講
），一直醫唔好，做左幾次手術都翻發，醫生放棄治療+話睇黎佢以後都唔會好。
而我睇既術數師傅就話，放心啦，佢病到202X年就會好㗎啦！
⋯⋯
咁我見咁啱嗰年就係佢大學畢業年，於是我就push佢揀入醫藥有關既科，等佢呢幾年都浸係個「病/藥」入面。
上年大學一收，我女就不藥而癒了
(感謝神
)
一直到以家都冇覆發
究竟係，
我女本身個病已好，呢5年係因為讀醫藥，個盤先會咁顯示？
咁所有讀醫藥既人，係咪個盤都會咁顯示？
定我真係咁好彩用讀書，俾佢應左個病佢呢？
2個讚
首先讀醫同應病劫完全無關。
果位師傅應該係睇到佢行緊好明顯既病符大運，所以斷出轉大運後自然不藥而愈。
而且哩個新大運無病符不單止，仲有幫身的健康運，否則唔會咁鐵口直批。
即係你女兒只需維持平常生活，自然會好返。
不過都明白，知道受苦有期，同唔知仲要受幾耐苦，個心理壓力差好遠。
我以前看似能屈能伸，其實多少因為知道忍耐個十年便可回歸，才能一直保持平常心。
從這方面看，知命有好大作用。
但相反哩，預知苦海無崖又如何。
斷過一個好人無救，我講唔出口。
只能用話術引導將佢由勤勞克苦既性格，接受享受當下，開心時盡量開心咁。
用珍惜親朋，知足常樂的正能量大道理來掩飾我睇到的絕望。
本來斷仲有 3~5年，因為只係初期懷疑有腫瘤。
點知兩年幾便走左。
又斷過一個好友，有才華 eq又好，但一直不遇。
就係信佢 eq好，應佢要求直接講，佢讀書時已是最後的好運。。。 勸佢重視除了仕途以外的事，佢有好的姻緣，而且不用捱苦。
十多年過去了，佢有個好太太，可以負起全家生活，也有小孩，一家幸福。惜仕途終不展，但佢太太就係鍾意佢有才華，都唔算完全浪費，只係佢偶然仍會向我慨嘆。
時也命也，好多時困頓非不努力，騰達也非優越過人。所以唔使自卑羨慕別人或自命不凡。
我都只係斷某些熟悉範圍的事準，有很多事係直接睇唔到。
9個讚
同意，盡力做好自己個劇本就好，自怨自艾無謂，師兄都放寬心啦，感覺你時常都太詩人了
1個讚
我都係成年後自己改左名，冇批過命冇搵師傅
事後先同阿媽講，我有個親戚做師傳，阿媽問左佢話依家個名冇咁好，但都ok
阿媽後來同我去唔記得咩廟(好似係天后)，要同娘娘講改左名，話唔講娘娘唔認得我
佢話我要好小心才得子媳，再睇埋阿仔 話仔初限廿幾歲，係咪即是阿仔易有意外
但仔細細個改名批命又話佢會出人頭地，現在睇完又擔心
唔使多心，佢只係用八字限運批法，初限幾多歲。
同用大運批法，小運幾多歲，入運幾多歲無分別，都係不含內容。
哩個師傅應該年紀唔細，八字有些批法係口耳相傳，比較江湖派，哩種係其中一種。
2個讚
你咁講就放心啲
我最近人在UK但黑仔e.g失業
之後有工返但一個月後比人cut左又失業
咁啱有fd介紹師傅比我佢好好人又比風水tips我
佈左2日希望有改善