其實香港女性社會地位高,賺到錢. 好大因素係我地可以請工人.
咁女人出去做野, 老細大致上都平等對待男女員工, 因為唔駛驚女人做做下走去生仔, 辭職.
我對工人係心存感激. 至於我自己個case, 冇工人我就一定要送爸爸入老人院喇. 而家佢已經過左身, 我都一直好慶幸可以陪住佢最後一段路. 我好感謝我個工人架.
至於樓主個case, 唔請工人, 6千請本地鐘點請到幾多個鐘?
4個讚
此風係不可長,但係冇辦法,你睇吓所有回覆都係有加
或者咁講,我雖然冇加,我而家呢個菲姐第3個約,早個月我借咗25k比佢,分別係其他僱主黑黑白白講到明加人工,我就按工人表現再加佢需要而決定比唔比extra
其實我借得比佢都唔預佢還,只係若果佢走佬咪當提早比long term service囉
咪玩啦. 香港最低工資 $37.5, 有幾多人真係逗$37.5?
外傭合約個價錢只係最低工資. 有老細爭就自然要用巿價請.
仲要yeahyeah 係有個十分之四正的工人房. 工作環境吸引.
2020年比較難請工人，我有朋友2020年頭請到依家都未請到海外菲
我工人係自己一間房+廁所，工作量又唔係多，但人工唔夠真係無人肯做
1個讚
最弊爭返黎仲要睇佢面色就唔正常啦,通常overseas請嘅都係按contract,係local完約先會多多要求姐
1個讚
系d姐姐好鈡意借錢。。。
咁而家請唔到就係請唔到架啦. 如果樓主嫌lcoal 完約多多要求咪唔好請工人, 自己做+請鐘點.
一齊都係講bargaining power, supply and demand, 你講contract 有人so 先算啦.
問題就正正係就算份人工幾多,佢哋都會借
我呢個姐姐入職時已同佢講明有困難要同我講,如果比我發現响外面借必炒無疑
佢都算係咁,到第三個約先同我提出
我只係講我個case,咁我工人so我喎
就算之前嘅工人收contract價都起碼做2-3個約
樓主工人提出得,睇黎都走唔甩
你問我？我姐姐好好呀，照顧小朋友好俾心機，但其他方面就普通, 始終佢要一湊二，又要煮飯，我都唔預佢其他要做得好好。
不過咁講，佢完約竟然無要求我加人工我係超surprise, 因為咁岩佢續約前有朋友續左，二個菲都話要加到$6000
哇，好似幾爽喎，下晝可以入房抖吓。 我工人可能有一兩鐘，但係要搞掂兩個小朋友瞓晏覺先有呢個機會，仲要細嗰個隨時醒又要氹，所以都唔可以話完全無顧慮休息。
佢話俾你聽兩個朋友加到$6,000? 係咪唔想直接講所以暗示你聽呀?
我諗住將心比己咋，其實每個僱員（外傭僱主自己都係僱員）性格唔同，我老闆主動加我人工，我會覺得佢欣賞我表現，會覺得開心同埋努力啲唔辜負期望，而唔會覺得公司無咗我唔得。 就算係覺得佢係無咗我唔得，同樣地咁我鍾意份工，我都唔會話為咗多啲錢就去搵其他工。 我希望我工人都係咁諗。
離唒題 — 以前做過啲公司，加幾百蚊好似皇恩浩蕩，面對呢種老闆如果自己提出加薪要好似乞返嚟咁，所以費事直接跳槽。 所以當我係僱主，我唔想自己都係咁，我鍾意呢個員工，想佢做得開心留低。
2個讚
完左一份約？
工作表現如何？
$6000 真係獅子開大口左少少囉！如果一般家庭工作量！
好明顯食住你（依家要請工人太麻煩）
有冇商量下減價？
或者年尾比一個數當bonus?
點知你比完會唔會越嚟越衰架？
比都要保障自己！唔好寫落contract！
1個讚
看到大家的討論, 盡見僱主涼薄呢
自己打工果陣就成日話老闆點點點, 當自己做老闆果陣都係無法將心比己
sosad~
每個人嘅相處方式唔同,如果我真係涼薄嘅話,相信我工人唔會主動同我傾續約
你又知唔知好多僱主每個月比多小小就咩都同工人計住？我工人小到牙膏M 巾都係我包？
2個讚
所以做你工人人工上可能唔係最高，但真係「全包宴」
2個讚
你姐姐可以一湊二其實好勁啦，小朋友細+而家無得返學其實真心辛苦㗎
我d姐姐workload雖然唔係大，但係我要求高，好多嘢要跟我standard去做
其實我自己都每月比$1000 bonus工人。當然有其他有錢人可以比多啲啦，不過無謂比較！
只不過請工人同打工唔同啊，我辭職，老闆都冇蝕！分分鐘一行出門就有新人！
請過個新工人，要比大概一萬agent fee，要等幾個月，依家仲要隔離檢測幾次，又多至少一萬！
工人工作表現好，的確好值得比多！但好多工人都係得過且過，雙職父母又冇其他辦法而勉強接受，咁就真係唔值得比多過合法工資。
唔寫合約係我認為當有一日工人工作表現強差人意既時候，對家庭有個保障姐！
2個讚