嘩天生的lucid dreamer
如果你肯拍戲/整動畫，分鐘勁過inception 呢～
好多年前有個夢好正
係一座半荒廢工廈玩dead or alive game（真死$
我代表「人類」team
其他team 係vampire、疆屍、鬼
而佢地唔係人扮架，鬼係真係鬼
每team有5個到
其他靈界野都有自己既trick
eg 鬼可以invisible、穿牆
Vampire識飛
成個夢真係由頭玩到落尾
鬥智鬥力 我當然係贏左架啦
點解人類冇大技出咁蝕底都贏到
秘訣係我係lucid dreamer人
我既trick係可以潛意識控制個夢環境設定
人為令佢地唔小心自相殘殺
Lucid dream當我黎講唔係好野黎
因為個腦完全冇turn off過
訓左等如冇訓
上網聽過教人train自己發lucid dream
其中一個係講要睇下d 路牌呀、報紙
同埋摸下d野
夢入面個腦process唔到
所以d字會係唔make sense, aka gibberish
但我入我既lucid dream verify過
我既case 唔岩用
因為我坐底睇成份news都唔係gibberish
而且摸唔同既野都feel到岩既texture feeling
所以我有懷疑過我夢入面係咪第二個空間黎
姐係好似inception/matrix咁講
夢先係reality 
2個讚
我就係咁樣，總係覺得好似冇休息過，不過我好多時都係夢到唔開心/驚慌，例如望到一個個親人/朋友畀人殺死、畀人追殺自己不斷去避去匿埋都畀人發現。聽落覺得我好大壓力咁，但我又唔係咁大壓力（因為我知我大壓力會亢奮訓唔到根本唔會有夢），已經持續左超過 5 年，今晚唔知又見到咩。
夢境好真實，真實到可以嚇醒自己。啲字唔會 gibberish，觸感同現實一樣，流血係感覺到嗰種冰涼，食野會感覺到個味道。
1個讚
原來你同我一樣d字唔會gibberish
第一次遇到人同我一樣
以前都係睇外國you tuber講我先知有個term
由細到大提起都比人話我講大話/吹大左
咁你們點分現實定發夢?
我因為是後天train, 所以唔係次次lucid.
Lucid dream 個陣可以一諗就變野出來，咁就知囉
Same…諗完有改變就知
但都有30%既夢係non lucid
1個讚
關於夢.我自十幾年前同前男友分手後.(我係被分手同不愉快下分手, 但我係被欺凌既一方…)
我到而家結左婚都係會成日夢到佢迫我同佢復合.夢裡面我好驚成日都想走. 我好想同佢講我地已經完左我已經結左婚但次次都唔做唔到…
我好想知點樣可以結束呢個困擾我十幾年既惡夢. 
我隔唔中都會發夢甩牙…好得人驚 
前排仲發夢同老公生左個仔(想懷孕但都開始, 我覺得似係日有所思 )
呢個夢，是為你好的。
目的是等你回到過去，幫助年輕、無助的自己，去成長，去獨立，去企硬保護自己，去拒絕任何人對你的欺淩行為。
因為只有你夠強大，其他人先唔夠膽再蝦你。
你唔再需要因為要討好人，或者恐懼如果唔聽話人地會唔愛你;因為你知道，你好愛好愛自己，所以你懂得尊重自己的界限，也能容許其他人有自由的空間。
我相信今天的你一定已經比當年成熟、獨立; 如果比你回到過去，你會用咩方式去好好地結束呢段關係?
因為心理學來講，如果你不斷重覆用同一種方法去應對同一個問題，但解決得唔好;個問題會繼續用唔同方式出現在你的人生，直至你考試合格為止
個夢不斷浮上來，就好似提醒你，“喂，有個發左毛的玩具喺你床下底呀，你快D處理佢啦～“
可以先清醒時靜靜地諗下，寫下日記， 等你READY好下次入夢時提自己要好自豪咁對佢講，我move on 左啦，你都move on 啦. 或者駡爆佢囉，發夢之嘛~
總之唔使再驚佢，你係人佢咪又係人一個~
希望幫到你
唔好介意我有d雞湯
1個讚
甩牙夢好common, 係對自己健康有擔心啫，又唔一定身體有咩事嘅。疫情個個都有d驚ga la
啱ga啦, 醞釀下做媽媽的心理質素，好快就會有
其實我一直唔知點解會重覆又重覆比佢迫我.
一直都好困擾好煩. 每次醒左我就會好唔開心同我老公講我又夢到佢迫我.
不過睇完NANA講, 我好認同你講既說話
“解決得唔好;個問題會繼續用唔同方式出現在你的人生，直至你考試合格為止”
我人生的確有好多野現實中都會犯錯, 逃避左之後但問題一直存在.
好多謝你呢番說話. 的確以往既好多問題都困擾我好多年.
而我而家處事就係唔再回應任何野.唔想嘈.其實我都唔知算唔算係成熟左?! (定都係逃避?)
一D都唔煩. 真心好感激你就真呀. 
我會好好認真. 努力去面對同反思自己.
1個讚
在另一個thread 都推薦左呢本書，我覺得都會好幫到你:
書中有埋練習，無得用“唔知點做“做逃避藉口:
1個讚
上次分享左呢個方法，唔知有無人試過呢？
今日分享下點樣cancel惡夢~
我個mexican老師話，早上起床後刷牙時，想想昨晚的6-8個夢中有邊個要cancel(即令你好唔舒服個D),
然後將個夢帶去額頭中心(3rd eye), 想像一把火燒哂佢，跟著將d能量send 去右腳，大大力踏腳，將夢的能量send番比大地之母去回收
可以重覆多幾次直到你覺得惡夢能量清乾淨為止。
呢個方法，最起碼個心安樂D
你們可以試試~
5個讚
雖然大家喺whatsapp傾返計
但都係一次起，兩次止
但尋晚發夢要去課室上堂
我想坐嘅位比人揀晒
於是呢個朋友同另一個同學講
佢想同我一齊坐
叫佢讓個位出嚟
之後我哋就一齊坐上堂
好似都傾得幾開心
1個讚