如通過就在四月一日後就要比？還是再有實行日期？
stamp duty holiday 又完啦，又有此新税，真是唔知買唔買好！？！
Parliament debated an extension to the stamp duty after a petition calling for an additional six-month extension gained over 140,000 signatures.
1個讚
英國政府因疫情關係，蘊釀緊加稅。詳細情況可能於財政預算案時提出。可以留意下。
至於Non resident buyer stamp duty, 如買樓前一年住滿183天，不用付；付後(成交)一年內住滿183天也可申請退回。
1個讚
財政預算案是幾時發怖？是一發怖即實行？
應該每年3月中。
預算案要等國會通過先開始實行。
即係香港嘅財政預算案都要等立法會通過咁。
我上年年尾成交咗層英國樓，希望黎緊一切順利。
有消息知道stamp duty holiday 延長三個月。但surcharge 2% for non uk resident 繼續四月一日開始要比！
在英國的朋友，如有其他消息請通知！
我應該趕唔切，什麼都要比
1個讚
恭喜! 咁而家入伙未?你買HOUSE定APARTMENT呀?
我買freehold house, 依家開始裝修緊
1個讚
可以講下裝修咩價錢嗎？ 師傅係介紹定自己揾？
我簡單裝修咋，未整完唔知好唔好
預算£10k, 油油，換boiler, 換carpet 地板咁咋
香港人多數鍾意地板多啲 
你裝修好後可以同我哋分享返你嘅經驗 
師傅係當地人？
求指教:
睇左間細apartment, 接受左offer.
律師安排左但未開始做野(預左英國人做野慢)，但賣方的estate agent 追我取文件，包括passport, address proof, 仲要我香港律師公證。我問過要一千港元做一張公證！！！
有冇JM 都遇過此難題？真係agent 要文件做公證？咁貴？
1個讚
就算口頭議好價，賣家的確可以要求先核實買家身份及財務證明，至肯簽memorandum of sale，因為你知道英國買樓，即使佢簽咗memorandum of sale都好，唔到最後一刻都可以有變數。賣家擔心你身份，仲有驚你最後話唔夠錢而gazump，佢連律師費及時間都蝕埋！
我估你講話律師公證應該係做certify true copy，上面再加多句話確認你同passport 相片係同一人之類句子。
你英國律師應該都會要求你搵律師做certify true copy，有D都會要求加埋核核身份！我建議你首先問英國律師要唔要做，要做的話有乜要求？另外叫agent問問賣家，email一份copy俾佢得唔得？唔洗唔寄一份正本俾佢？我估佢多數肯，因為速遞俾佢都要時間，佢都想快D搞掂！如果賣家話睇email都得，你只需要做一份，但記得要加埋核實身份嗰句。做完拎份文件返屋企，再彩色scan一份留底，之後你可以email俾賣家，正本寄俾英國律師。
但如果賣家話要收正本，咁你唯有做一份俾佢。
對啊，的確要找律師做 certification㗎。
到你成交畀錢時，就算唔需要做
按揭全現金，都要你提交待錢銀來源、銀行記錄、入息證明之類，以妨止你洗黑錢。
謝謝你詳細的回應。
現在雖然巳安排了律師，但成個星期冇聲氣，但個estate agent 反而追文件。
順便問下找香港律師certify true copy, 要幾銀才算合理？
你要問清楚對方要求公証(notarized) 還是certified true
如果certified true 就一般律師可以做, 公証就要有關資格的律師才可以做
certified true 一般律師只收幾百
問多句，certify true 是幾百一頁嗎？那notarized 就好貴嗎？
唔係計頁數，通常係一份計。如果你係俾一個party，應該係要做係passport及住址證明，例如水電煤單、銀行單。
一般Passport 只會影封面及有相嗰頁，但住址證明就要睇你拎D乜，不都唔會好多頁。但無論嗰份住址證明有幾多頁，例如你拎今個月銀行月結單去，上面印住有五頁，你都要五頁都拎哂上去俾律師，律師都當係一份計。
其實你就咁打去問律師收費，佢報哩D價真係好正常。你可以問多幾間比較吓，不過最好問吓有冇親戚朋友介紹啦，識人真係可以平好多。係呀，佢其實只係幫你影印幾張紙、望吓你個樣、再逐頁印幾隻字及簽名㗎咋，哩D你同我都識做，但律師可以收你一千！不過咁又點？咩叫專業人士啫？
但你一定、一定、一定要問清楚要求你提供身分證明嘅人有咩特別要求，然後問香港律師可唔可以（肯唔肯）做！
安排咗律師，但成個禮拜冇聲氣？你位英國律師響邊度搵？同埋…你其實有冇聯絡過律師？通常英國律師會先俾表格你填，然後要求你俾住幾百鎊先會開始做嘢，我擔心你中間有嘢誤會咗！其實你哋買賣雙方係咪用同一個律師？