其實London我都有考慮，但budget約$5M（二人住），target都係zone3、4，不過睇唔啱。
我同老公主要考慮曼城是因為覺得當地工作機會比較多（我老公嗰行），D人比London有活力，當然樓價亦比較低。
唉！另一樣就係諗，到時要唔要賣HK層樓？（而家未有時間表幾時會走）。賣咗，可以喺嗰邊買三個單位收租，起碼有D被動收入，但喺HK就好似連根拔起咁⋯ 其實好灰
我都覺曼城依+好貴, over 4M 投資曼城唔考慮.
個邊經濟環境好差, 兩三個 friend的親戚係個邊都失業. 怕欠租, 所以令願平平地買層可以做council house 的比政府包租. 反正唔貴, 又有政府包底, 租10年8年已回本.
我會親身去睇下先, 搞掂自住個層, 投資個層花長少少時間去揾. Scotland, wales 個d都會睇. 去到睇多幾個地方先.
唔熟個個地方, 唔會考慮樓花. 有friend幾年前係曼城買樓花, 結果爛尾, 都唔知佢拎返錢末. 自己唔想一日未收到樓一日要擔心.
1個讚
我都有諗, 但呢一刻傾向唔賣住, 以租代供。
一來老公覺得有日回頭都仲有個窩, 二來香港仲有親友可以幫手搞租務, 三來又覺得唔好所有雞蛋放埋一齊
我就想賣嘅, 我覺得香港層樓止賺先都好, 又多個錢傍身, 去英國可以半退休生活
1個讚
咁ok 喎。大發展商？
依家英國疫情咁嚴重，會唔會影響交樓？
係，我越去得多展銷會，就越堅決唔會喺HK買樓花。未來係點冇人知，可能會升，可能會跌。就算喺升，但見過實物，問清問楚，心安最實際 （唔熟地頭，我個人比較老土）。
同埋HK展銷會啲全部新樓，$4、5M曼城兩房，仲有會所、泳池、酒店式大堂⋯ 我全部都唔想要，唔想交貴管理費（因為我喺HK個會所十年都唔去一次）。所以以後買樓我都盡量揀冇會所。
可能因為咁，變咗我都係要飛去睇二手樓，HK展銷嗰啲唔啱。同埋每次去，啲經紀都不停大叫「xx單位已賣出、xx單位已賣出」，個氣氛好刺熱咁。然後我同我老公就話，有冇賣得咁快呀
4個讚
我friend 個陣都係係香港買樓花, 佢話有齊兩邊大律師擔保… 所以都唔明點解會爛尾同幾年都拎唔返錢.
new build係靚, 但睇過好多資料之後, 擔心材料唔好. 所以去到都應該會睇返二手樓.
我都嘗試緊唔好用香港思維去外國生活, 什至唔買樓
但未諗到, 如果冇樓, 老左會點.
完全唔熟英國, 如果投資冇諗住要賺錢, 但起碼要保本.
我地都有近似的諗法。不過如果香港嗰層唔喺走之前賣，用嚟收租，租金要交稅俾英國政府，同時亦要交稅俾HK政府（除非租俾自己人，唔打厘印，又唔匯入英國）。咁交交埋埋，唔知有幾多落袋
睇新聞都見到好多話爛尾, 曼城係特別多, 所以見到有D要比30%又唔知咩發展商就好有戒心
我而家雖然買樓花但都搵朋友幫我實地視察左一轉, 見到有D座數已經入左伙, 地盤又有開工, 我買呢個發展商係全英落成量最大嘅發展商, 應該唔會爛尾啩, 同埋我比一成啫, 風險無咁大
1個讚
呢個都預左, 反而有交稅先確保到我女讀大學可以用到LOCAL STUDENT FEE
但變左就唔可以賣囉, 比PROFIT GAIN TAX都好甘,
退休又要轉定比個女, 唔係INHERITANCE TAX仲甘
1個讚
轉俾個囡，好似都要俾tax.
總之，英國咩都係稅
遺產先要. 就咁轉, 好似唔使 ?
咁如果買投資樓唔諗住賣, 寫邊個名好
我個PLAN暫時係咁: 趁我女夠18又未出嚟做嘢我會用佢名買多層比自己養老 (佢英國首置會平稅), 然後再將香港半層轉比佢同老公聯名長命契, 咁佢喺香港亦係首置, 以而家嘅TAX REGIME嚟講係低果隻 SCALE 2 STAMP DUTY (不過到時香港仲當唔當佢永久居民我就唔知啦) , 到死時半層BY WAY OF SURVIVORSHIP 繼承香港同英國都唔駛比稅
2個讚
我一同你嘅plan 相似。
英國樓用仔名(都係首置), 然後如果有資金的話，再買香港樓(都係首置)。
當禮物，如果贈予者於七年之內過身，就要計遺產稅，有£325K萬嘅免稅。
希望我冇理解錯。
投資買樓，要睇埋你有冇其他收入。如果總收入少於£12500免稅。
1個讚
比仔女的話THRESHOLD 好似係500000磅
3個讚
好煩.
冇錢一身鬆
一係好有錢，一係冇咩錢。中間最慘+煩。
1個讚
真係好複雜。
請分享多的
我都唔SURE, 但見網頁寫比樓就500,000磅, 比其他就325,000
比配偶就免稅, 死前7 年嘅餽贈都係免稅, 否則係累退稅
2個讚
我有興趣,留毛學野!不過而家疫情關係,唔想隔山打牛咁買