咁你地大家都覺得冇問題？
講過好多次，個答案話改善，但都係冇sex，我都知有d野冇得迫
可以轉左基，搞男人
1個讚
又真係無，可能我地d需要唔大
各自過著diy生活
2個讚
我自己冇結婚, 我覺得如果冇小朋友, 係可以為左自己的任何原因而離婚.
既然樓主都試過咁多方法. 睇黎都係死局.
樓主係覺得同親朋好友交代麻煩, 定係驚搵唔到另一個. 定係其實個老公有其他優點, 可以蓋過呢個缺點?
在諗清楚之前, 唔好生仔. (當然冇性都生唔到) 唔生仔, 仲有得揀離婚. 生左就多好多顧慮.
但係如果真係離婚, 就夾好啲原因, 唔好對外提起性生活, 因為男人會好冇面. 咁你老公如果唔係對你唔住, 就唔好令佢難堪.
5個讚
咁講啦
無曬激情嘅愛情就係咁（你地已經10幾年）
無事就可以繼續
BUT是但一方遇到激情就… 你明啦
雖然我係女人，但我都要承認激情可以沖昏頭腦，出唔出軌絕對唔關對方有幾愛你事，而係本身個人嘅定力同道德觀（自己條底線）
愛你但道德觀弱可以出軌
唔愛你但道德觀強唔會出軌
（當然呢個位係後話）
8個讚
其實咁樣好有問題
十幾年感情，真係唔捨得，但平時成日諗又唔開心
有可能架,真係有男人係咁
但我覺得對方唔覺得有問題，我同佢講講攬攬錫錫都冇，佢答我咁結咗婚係咁㗎啦
其實離不開兩個解決方法︰
-
攤出嚟講︰你結婚唔期望係咁，你仲後生。佢唔改善就離婚
-
你唔捨得感情但佢又唔改，你唯有忍。結局通常係兩者是但喺出面有激情，到時就會離婚
絕對唔係咒樓主你
我識一對夫婦，婚前已經五年冇搞，個女明顯知道有問題都係要結，婚後都冇搞，幾年後生個小朋友 (即係證明個男冇身體問題)，然後都係冇搞
佢哋唔會離，男既又唔肯改善
我哋估佢偷偷地出面食囉
1個讚
各有各食
我覺得又唔好定型男人一定好中意上床。的確普遍係咁，但唔係每一個
我覺得冇出軌證據都先相信係真係性慾低
當然，問題仍然存在，親密行為好重要，但係如果樓主唔捨得十幾年感情，我都唔知take咩action好，攤牌如果炒大鑊，可能真係離婚
唔知樓主同老公平時傾偈係咪可以攤出黎講，如果離婚可唔可以繼續做朋友，定係會反哂面
性生活之外，其他相處開唔開心？如果單身係咪做返女，會有阿媽錫？
有好多考慮因素
但係一段關係變雞肋，真係可以拖好耐，結果最後唔work out.
雞肋關係又好難一刀切決定離婚定繼續，我覺得是但一個決定都好困難
會唔會去試下婚姻輔導？
我果個無DIY，不過就話工作壓力大無心情，佢係日日都OT到10點幾先買飯返黎食。
相信佢無轉基，無出軌，我又樂得清靜由得佢
所以要視乎樓主幾在乎性，尤其是佢仲後生
咁唔關性慾低事啦，原諒我坦白啲講，佢都唔愛你。
作為男人咁講，撇開顯而易見有可能的外在因素，都可以有其他原因的，比如工作忙、身體早衰、刺激減低之類。尤其如果係身體問題，男人好難開口，推說有 DIY 易好多。
有啲唔知係咪屎橋，比如︰
- 佢睇開乜嘢 AV？可以試下一齊睇，或者有無啲性幻想可以一齊培養下。
- 搵啲以前無做過的「情趣活動」一齊做，新鮮感有時會帶來新刺激，但留意佢本人對乜嘢有性趣，玩乜因人而異。
- 留意下佢身體反應係咪正常，但留意唔好逼太緊，有時壓力都會影響性趣表現。
老實，唔係百分百肯定，但如果唔係現在決定放手，一個方向係諗下有乜可以做。
希望妳婚姻逆流而上，更進一步。
但係如果個男人真係有身體問題, 個老婆咁主動求愛會唔會覺得好chur 好大壓力, 有反效果?
唔係想質疑你的提議, 只係驚會唔會做成更大的爭執而已. 大家討論下咁做係咪好方法.