對住小朋友有時真係會谷爆
我小朋友冇書緣、又專注力不足、睇住好好簡單嘅功課都做到一pat屎咁真係好火滾。
好似今日功課填「Do you help at home」、 比埋書佢跟住抄、佢磨左成分鐘先落筆、之後用左三分鐘之抄完、同埋最後抄左「help and kome」
果刻真係好想狠狠扯落去、最後自己入左房深呼吸、再和顏悅色出返嚟。
私補唔係冇揾過、學生揾過、退休老師揾過、到最後都係人地比曬答案佢抄先叫做到、個退休老師仲好客氣咁話、佢成堂不在狀態、佢最後都係比答案佢抄、真係唔好浪費金錢請佢。
1個讚
自己同佢睇多啲繪本 少少字果d先
大d d 先教會好啲
1個讚
佢二年級了、繪本對佢嚟講已經唔啱、如果興趣啱、中文書佢可以睇到齋字冇圖嘅書了。
英文聽同講佢有二年級程度、但佢認字係有障礙、平時學校嘅exercise佢完全唔可以自己完成、我都仲摸索緊點教佢。(我但求佢考試唔係個位分咋)
一年前做過測試、叫做「責界」Sen。
一正有做training
可以做到嘅係、比佢讀一間相對Happy嘅學校、同唔做野自己睇住佢。但學校點happy都有功課、教左嘅知識佢都要掌握、我都仲摸索緊。
亞媽教落唔好做厚多士,人地教仔,夫妻關係,同做媒人。
學校功課嚟、學校已教左了
同埋佢唔係唔識、而係指埋比佢睇、邊個位可以抄、佢都做唔到
明呀,抄都抄錯呀麻
不停地跌筆成日去廁所
我果個細個都係咁架
專注力低 可以做完十五分鐘 休息十五分鐘咁樣會好啲
放心啦
4年級後就會好好多
都唔係冇了期 同埋一定會有一兩科係特別鍾意
承你貴言、我都希望等到佢進步
現在佢注意力都有十分鐘左右、磨到十五分鐘都要抖抖