又唔好講到要咁嘈，大家都係發表吓自己意見。討論區嚟㗎嘛呢到 
我自己都陀緊bb, 自問都算叫冇點戒口，海鮮，牛都有適量食啲，珍珠奶茶都有飲tim,. 不過就1星期飲1次，仲要同老公share. 大肚已經辛苦，適量食啲自己開心嘅嘢係有益無害。
不過刺生，生蠔(所有生嘢)，軟雪糕，煙燻類(即係煙三文魚果啲)，任何沙律，我係完全冇掂過。因為好多研究都證明李斯特菌係嚴重嘅。
我覺得每個媽媽肚入面有小生命果刻就要對佢負責。你完全冇戒口而BB係健康成長嘅當然最好，而yeahyeah只係緊張其他新手媽媽，係冇惡意嘅。
已經列入坐完月嘅必食之一!! 
我阿媽都係，仲有香蕉! 但明明蕉係通便聖物之一，而大肚最易就係便秘。不過我本身唔係好鐘意食蕉，又有其他生果代替。就當"“順吓佢意”"
魚生一定唔食得! 杯裝貴價雪糕後期可以食少少,飲水一定好過飲茶!
唔明大肚點解要咁樣飲食 
孕期飲食要小心係常識，食自己鍾意嘅野係會開心啲嘅但人人體質唔同，你食左冇事又唔代表你叻啲，唔食又唔會少忽肉，反正都係忍10個月，人生慢慢長路。我自問就唔敢搏啦，我冇食雪糕魚生但我都好開心
同意你呀，我睇緊本書叫 ‘Expecting Better’，作者係經濟系教授，佢陀B理念係適可而止，同埋有比較研究報告去支援
如果有求證的精神的話，係可以小心地控制風險同懷孕壓力。
當然都係一句，人人做法唔同，攞多個意見啫
如果真係好想好想食魚生，可以將牛油果加少少豉油嚟食。會有食緊三文魚嘅感覺，當過吓口癮
正呀，又有葉酸，又安基酸
d人話唔可以食soft ice cream, 但可以食經過消毒既hard ice cream
話說我2胎都無plan過就有左，第一胎突然無得食魚生，搞到我恨食恨到有幻覺，我印象中個時好聽話，頂龍食過煙三文魚only
之後一知自己有第2胎，就咩都唔理狂隊好多魚生，個量係足足一年都唔駛再掛住佢，開心暢快
可幸小朋友生出來無事
我識有個朋友
介口介到超級清
BB出世都有濕疹
唔知既人 仲成日話佢更係孕期無介口啦
我朋友日日以淚洗面
壓力大到想跳樓
太極端地清都唔得架,正常就好~
有左初期我都有食過一次少少,因為果時未可以同公司講自己有左,但係食lunch呀姐揀左叫壽司外賣
其實都係均衡飲食，高風險食物盡量少食
就算平時無拕BB時，都唔係咩都無節制咁食嘛～
醫生只係講，食新鮮嘢就ok
為咗肚入面果個戒口算得係咩？
只要佢健康，乜都值得。
大家都講魚生，除咗Listeria外，魚生仲有寄生蟲，所以都係要注意。
另外大家要留意肉類，因為會有弓形蟲風險，尤其牛扒、羊扒，就算口感差，但記得全熟，仲有係風乾火腿，有好多都係生製，所以要避免。
我住意大利、美食國家，但醫生都千叮萬囑，唔好食生肉，而我哋產檢係每1-2 個月就要驗血，睇身體有冇弓形蟲抗體出現。
至於沙律，我係有食，但會買一整棵菜，再用一種食用清潔劑浸完再洗，但一定唔會出街食，包括醫生都話唔好。
其他我自己都好多野會食，雪糕會食包裝雪到硬晒果D… 連我哋最出名嘅gelato 我都避開。
孕期需要保持輕鬆，個B 都靚仔靚女啲
咁只係d 人無知
醫生都講左，濕疹、敏感最重要係遺傳影響
身為孕媽媽有唔少嘢唔食得, 我地之所以咁堅持係因為真係有科學研究證明會有影響.
但D老一輩或者無知GE人, 當大吉利是個B有咩事就一定加把口, 乜都賴個阿媽GE問題但冇諗過遺傳或者其他天生GE原因.
但其實BB有事, 最傷心GE一定係父母. 佢地仲要係人地傷口灑鹽 
係呀! 我打邊爐都一定會烚到D牛好熟, 食扒都會全熟. 口感係差GA, 但牛GE鐵質高嘛, 都係營養o黎. 風乾火腿都真係好耐冇食過… 
只要bb有啲咩都係怪媽媽
啲三姑六婆其實都做人阿媽
點解可以無啲同理心？
其實個b有啲咩事最心痛一定係媽媽囉
女人何苦難為女人. 我真係諗唔明佢地個腦諗緊乜.
好多時佢地一句唔經大腦, 不負責任ge說話, 真係會影響好多嘢.
但呢d人真係好多好多. 唔理男女都有. 不過女人偏多
我之前一胎小產、一胎引產，而說出難聽說話、難為我果個女人，係自己阿媽
所以老一輩嘅人、如果唔開通、唔願意與時並進，的確有好多呢啲事出現。