我都係，所以有時去另一個家人屋企
佢有工人嘛我屋企只係間中攪
1個讚
有朋友錫住我，買晒膠餐具同紙杯碟上我屋企，我唔用。
話我姿整 
我都好想有洗碗機！！
但廚房冇位裝
已經有部洗衣機 好大個焗爐
廚房要幾大先可以裝埋咁大部洗碗機
細部嗰啲又冇用
你就好啦 
有裝修師傅建議將部洗衣機, 放係廁所。
咁廚房就有位擺洗碗機。
咁好唔環保，好彩你唔用
1個讚
我老公都係咁，不過屋企人佢唔介意，朋友話嚟，佢就依依哦哦。
一來我貓主子會驚生保人，所以我避免請人上嚟
二來我嫌煩 
1個讚
早幾日去個獨居sis屋企聚餐
其實都係叫外賣
因為sis唔識煮飯
佢向屋企摷晒啲外賣餐具出嚟用
我都忍唔住問，你唔煮飯係咪連普通嘅餐具都冇
佢話有，只係唔想洗嘢
連一隻义一隻匙羹都唔想洗
佢寧願冇碟用攞啲盒蓋黎墊住食
我心諗：有冇咁唔想洗碗呀
1個讚
懶人係咁， 我都係
1個讚
我有朋友都係咁，屋企得水煲一個，連公仔麵都唔煮，寧願食杯麵
匙具我洗係ok
但d煲同pan 堅唔想洗
尤其d痴咗煲既
見到想掉咗佢
做女完全唔使做家務，結婚後都好懶，頭幾年去奶奶度食飯唔使煮洗
後來搬遠咗，老公工作又忙，我就唔使OT，我開始煮&洗，而家習慣晒，都唔覺得辛苦，仲幾開心。兩個人碗碟有限又真嘅
不過我唔鍾意人上我度唔係因為我唔想洗碗碟，係我唔嘈得，我好怕應酬人，人哋上我屋企又問呢樣又問嗰樣，我好快會頭痛
細路就絕對免問，搞亂檔
2個讚
雖然可以諒解
不過… 有客人黎，咁樣真係會比人係背後講
所以我請得客人黎，樣樣都會做足，因為人地口講無所謂，心入面未必係咁諗
1個讚
連煮食呢樣高難度嘅嘢都解決咗
無理由配d即棄餐具
用即棄餐具我寧願叫外賣算
1個讚
我好Buy “相配得宜”呢個概念。
靚靚餐具兼table setting會增添食慾。
2個讚
洗碗機 放係 洗衣機上面，d爐放旁邊 向上發展，雪櫃放外面
Wow, 好犀利!
咁高，會唔會好難擺D碗碟入去洗碗機？
生活情趣黎
2個讚
我諗我仲命苦，我啲哥哥家姐結晒婚，得返我同老爸同住嗰陣，過節我就好頭痛，我哥會買嘢返嚟煮，我爸會斬雞、煲湯等等，十二人食完飯，所有嘢得我一個洗碗。仲要拖地。不過呢啲情懷以後都唔會再有，因為我結埋婚後，無人想喺自己屋企搞。
到我喺婆家嘅生活，我未生都仲同老爺奶奶食酒店自助餐，到有孫出世就話唔好出去食，第一年我奶奶煮完飯餸，叫老爺送上嚟，可能我又掛住照顧小朋友無打招呼之類，俾老爺向我奶奶投訴話我無禮貌！（我心諗，我都好忙，唔需要你哋送聖誕餐，你哋送飯餸上嚟仲要我打招呼？仲要話我無禮貌），小朋友幾歲大，老爺奶奶等等十幾人上嚟開聖誕餐，要我哋每個大人一人負責一樣食物，我啲意粉唔好食，我奶奶一條都無食到。啲人走晒又留低所有餐具我洗，我老公又只顧喺房睇手機，啲兩三歲嘅小朋友喺廳無人理，小朋友曳我就發火大鬧！
早幾年啲人可能見我啲食物唔好食，所以就去咗姑仔屋企食，係呀佢好豪，又牛扒又鵝肝，七八十蚊件餅、馬卡龍。但幾年都限住12月25日要上姑仔家，啲嘢又太豪唔啱食，小朋友鍾意食雞翼腸仔都無。我都覺得好厭，最後因為姑仔要生bb，結果聖誕餐嘅傳統就無晒！可喜可賀！