呢間直頭貴
我有1000 點解唔買C人樓
我係住居屋人，可以解答下
居屋都有分質素，富強苑事實上係好住，地理位置同環景都係。
樓上話聽講有好多雀屎，據我所知唔係。話租三房$19500- 有留意嘅就知幾乎冇盤源。
另外每月支出皮費比私樓平，either差餉同管理費都係。
缺點係冇會所，但呢邊好多公園，甚至有山丘草皮。
至於報道呢個盤，一千萬係補咗地價，即係市場價，萬五蚊市區樓，真心唔貴（當然我都唔贊同呢個時勢入市）
不過呢個盤真心值，高層，唔知係咪望浸會大學、九龍塘境，嗰邊係一覽無違嘅永久境，地勢高，幽靜但周圍好方便。
我知係因為我睇過嗰邊，鐘意，但冇呢隻三房盤。
2個讚
一千萬夠買啟德新樓啦 周邊社區好過樂富唔知幾倍
啟德仲要係34校網 名校仲多過7-11
成千萬梗係買私樓 揀得三房都應該有小朋友 屋苑會所同近學校比較緊要
啟德兩房都買唔到喎
地點的確不錯，三房都實用，只係實在太貴了
1個讚
聽你咁講真係好好住~但1千萬買26年頭齡2手居屋真係好貴…除非本身已經有綠表,唔駛補地價就買~
一千萬買舊居屋我想像唔到…我睇緊間全新英國3層獨立屋喺BARNET名校區都係9百幾
1個讚
三房應該家庭客、咁比我鍾意樂富多d, 交通方便係好住架、居屋實用管理費低、啟德另一個層次啦
1個讚
係呀！我都覺補地價要成千萬真係好誇 
其實隔離另一個屋苑德強苑係再優質d, 樓齡新d, 喺正房署上蓋，目測所有單位都係開揚境，高d望遠d咁解。但未補地價都貴過富強苑，所以唔太見有補地價盤，否則更顛價 
講起想像唔到，我呢期睇廣播道d盤，係回落d, 但幾十年樓齡內籠嘅間隔採光同窗（即係一d翻新唔到、變唔到嘅嘢）都好唔似豪宅，咁樣千幾兩千萬，我好懷疑點放得出…
只可以講，香港嘅樓貴到錢好似唔係錢咁
1個讚
廣播道邊算豪宅吖、香港地而家千幾萬唔係錢咁、二千萬以上係咪好大？連車位？
廣播道都算傳統豪宅區呱，話晒九龍塘
我睇美聯d阿姐agent拍vlog， 唔記得幾尺，但係三房，應該連車位。但內籠感覺舊到不得了，窗又細又唔入光。
舊樓應該好實用架、新有幢森美住既咪靚囉、有同事住、果陣佢同我講個價仲平過馬鞍山、話係九龍塘校網最平
係呀係呀，我又係想講森美嗰間！佢裝修得好好。呢類唐樓我覺得最正係個大露台 
歌和老街嗰邊嘅唐樓又係好正
森美果幢算新樓黎架啦 
心頭好
學到嘢
解釋詳盡！
我最難忘係以前有個同事住鰂魚涌啲舊樓三百呎，成日笑人住公屋係幾代貧窮。到人哋買居屋就話窮人至買居屋，就算貴過佢間舊樓都係私樓矜貴啲。佢話睇死居屋唔會貴。希望佢睇到呢個新聞，收下個口。
1個讚
同埋仲會唔會升值呀?