我都係唔想人家訪所以去左愛協，成功領養到一對貓b（但其實我本身冇諗住一定要貓b），只可以話愛協既貓係真係好好好搶手，睇網頁係唔得，第2日就比人mark左。
我都唔知叫好彩定唔好彩，本身打電話去某地區既愛協冇人聽飛留言（預左），咁留言話邊日想上去睇，去到現場就冇理過我個留言都算，我話電話冇人聽，落分店d貓又比人hold晒睇貓都冇意思，咁究竟點先可以睇到貓（因為我返工時間係同人唔同放左工係睇唔到），佢話有d客真係日日放工去喎，我覺得佢地態度真係有d差囉。
不過應該係分店問題啦，當日嬲嬲地即打去第2間大d既site，又話同一日晏d有貓睇，於是去左睇，呢間d職員係好好多，過程全部都好順利，我只係影左屋企貓網相，地址證明，簽左d野睇左貓貓，雖然係新手，但第2日佢地就打黎話可以領養了，好順利好感恩。
我第一隻貓養到廿歲
可能養開、我比較覺意成貓
貓B太活躍、會周圍跳撞跌晒啲野、又係咁R梳化
返而六七歳之後的成貓都會跳、但已經「斯文」好多、破壞力都少好多
我都明既，家訪的確係煩啲
但站在佢哋嘅立場去睇，佢地真係曾經因為無家訪，出過事，所以先咁緊張
我都養貓好多年，開頭無裝窗網添，點知執左隻貓番黎，佢真係活躍得好厲害，差少少出事
之後我都即刻裝番窗網，所以經過果次，我好明白有啲安全措施真係唔小得
愛協我去過幾個site，啲職員一啲啲，有啲都幾好人，有啲好似做到滑晒瓦咁態度麻麻，無錯呀，去到隻隻貓都已經有人申請咗
可惜我無時間條件養狗，狗比較難搵主人尤其是大狗，去到見到好多狗等屋企最後又唔知等唔等到，真係好難過
你講得好到肉.
我真係聯絡過D 義工…
住村屋, 有晒蚊網都話唔得, 一時又話要DAY TIME 做SITE VISIT, 一時要就佢地時間, 咁你既時間係時間, 我既時間就唔係時間? 仲要一星期一次直至貓咪絕育. 拎貓前又要約時間做左INTERVIEW先, 先可以再有下一個STEP… 慘過搵工… 差D講到要搬要為佢地換樓咁濟.
我本身養開貓, 我真係唔知點解要咁做, (為左唔想D 貓出事都唔係咁樣上晒腦…)
我反問佢地, 幾十隻貓, 比佢地晚晚困響個籠到或一間細屋到, 再等你地D 義工日間返去照顧, 咁樣又係好好既生活嗎?
我都好想D 貓咪有好既生活囉~
anyway, 我所有貓都係執返黎或響愛協領樣, 隻隻開心快樂.
果D 上晒腦既義工, 真係慢慢繼續上腦~ 貓咪得唔到愛心家庭照顧好大程度都係因為你地既處理手法.
(不喜勿插)
我真係日日去愛協搵貓領養架~ HAHAHAHA
有一次試過揸車去晒禁多個CENTRE 為左想帶一隻貓咪返屋企… 
貓貓實在太可愛~
我都 fing 錢㗎，我去阿布泰呀，買 skincare，買環保產品都唔忍手唔睇價錢，平時又飲咖啡 
衫褲鞋襪就冇買了，屋企太多唔需要再買，要減少消費
不過同一件貨買貴咗就會嬲囉，典型師奶心態
講起攞貓，我朋友去過SAA都唔錯，好似唔煩嘅
多多要求嗰啲義工肯定係有病態，自己困住貓幾十隻就得，人哋住村屋裝好窗網就唔得，律己寛對人嚴
所以揾貓之前、可能要留意下個義工係咩人先…？加佢fb留意下佢係咪幾百呎屋養好多貓、會唔會成日出post 挑剔領養者窗網問題。
我自己第一次喺群貓會義工手上領養左兩隻貓、幾年後、喺呢位義工嘅一位朋友（都係義工、但唔確定佢係咪群貓會）fb上見到一隻合眼緣的貓、咁我inbox佢想領養、都好順攤話識嘅唔洗點睇、淨係要求之後比返貓嘅針咭佢睇返打針記錄。
群貓會係咪土瓜灣嗰度？我好多年前捐過物資，好似唔錯
仲有愛貓救世軍都ok
我當時直接上個義工屋企睇貓。
群貓會啲義工好nice
@Chibimaruko 欣賞你選擇領養老貓。
我未做呀，我家主子係老貓，我要等佢走咗我下一round先養老貓，多謝你欣賞我
掉貓狂，好冇陰公 