冇錯。
我就話係呀，我唔識，送埋個仔畀你。
對某d人係唔可以客氣。
完全無需要理其他人講乜
望住你哋一個二個冇小朋友嘅就羨慕你哋咁自由囉～話時話，你哋係咪會幫手湊先？
1個讚
Wa, 點生雙胞胎，講到咁易，佢比錢啊
兩個方案：
-
串佢「係咪你幫我湊先？你幫我 24 小時餵夜奶、換尿片，讀幼稚園嗰陣教埋佢普通話同英文朗誦，小學嗰陣幫我同佢溫書。」
-
醫生話「醫生話我要等多幾年生先好，否則咁快陀第二胎會體虛，阿 B 出世會身體唔好成日病。」《有咁麻煩作得咁麻煩，老人家學識應該冇咁高，一聽係醫生話唔得，就好少會繼續堅持。
雙胞胎話生就生到咩！真係傻傻地。
好好休養調理身體，唔洗理佢哋
各人不同，我順產完3個月已好想生多一個，好可惜三年後今日都未有，而世界已改變
生仔無咩陰影，湊仔好有陰影，尤其疫情下。
上面有人話，叫佢地幫手湊。但要小心，有D長輩真係話幫手，但生左後剩係一年幫一次手架。所以實際D，叫佢地俾現金你啦。
2個讚
呢個真係講得好
啲人成日得把口講，眠乾睡濕夜晚冇教訓既又唔係佢地，痛到嗌生嗌死嘅又唔係佢地
簡單一句，關佢哋鬼事
我覺得有時講一兩句都還好，係咁講又好認真講果啲真係好煩
2個讚
同啲老野講多兩句又會俾人話後生仔唔捱得呀
點解要捱? 你地以前捱完就要人地一齊捱?
我唔生仔唔會影響人架 關佢地鬼事
1個讚
話睇下你有無禁好命天再送兩個仔比你。
痴痴地，佢想生自己生不過已經更年期佢。 
萬試萬靈，我都係咁樣同D三姑六婆講。我老公直頭咁樣同99講 
『關你蛋治』
話說我嫂生左個仔，話唔會再生。我媽係咁叫佢兩公婆生多個湊個好字，讀初中之後就過美國跟姑姐(即係我)。然後我就同佢講栽培兩個姪仔/姪女既計劃同銀碼，初時佢話阿哥自己俾，我話佢地俾唔起就自然會問你借，反正都係不如一開始講定個價你心入面有個底。
自始，人地提起佢得一粒孫/問佢做乜唔叫新抱生多個時，阿媽會好乖咁講『等d後生決定，又唔係我養』
無野親過錢 
仲會幫你答埋『見到bb對住你笑就咩都唔記得啦』
5個讚
冇野搵水吹, D同事都會講"快D生第二個啦"
有次我拎左個兜出嚟話"咁就要睇下善長人翁啦。定我攪眾籌?"
跟住就再冇講過了
2個讚
生養都好大責任, 除非自己鍾意又READY, 否則唔好聽任何人(包括老公)說服你生
1個讚
你講得好啱呀
想生真係女人自己想生，單親都搞得掂先好生
啲男人未生仔都唔露出真面目，有啲衰到懷孕嗰陣叫雞，估佢唔到
而且唔好諗住生仔綁住老公，其實係綁住自己
正！笑左
我記得我老公好型咁話 要生嘅話梗係想自己湊返 要由細到大培養正確價值觀 小朋友要成為一個是非黑白分明 有良心嘅人 
藍C老爺奶奶應該明佢講咩 從此收咗聲
5個讚
我99係我女3個星期大已叫我快啲生返個仔。我答佢：我冇咁多錢幫佢還債，專心教好個女仲好。（老公細佬賭到借晒所有親戚，要我老公還，而我當然受影響。最頂癮係99以為我唔知）。佢即收聲，到依家都冇再講過。我女依家15歲。
我99，真係好掂。開個四大長老之匪而所思佢應該佔好多個post
1個讚
好正
我都係女
我成日都話生女好
想追仔都唔會敢叫我 我會話要生自己生