我奶奶話下面要用加左滴露既水洗…
1個讚
去藥房買生理鹽水沖就可以，妹妹有天然抵抗能力，只係怕會陰傷口感染。
唔好呀 會傷左下面既生態環境架
1個讚
喺屋企附近啫，無聽佢講痛呀，可能洗頭緊要啲。佢係每日都要洗頭嗰啲人嚟。
1個讚
古時得凍水，易病。
但而家乜heat 都有，時代唔同。
2個讚
薑水就得
我阿媽好守舊都話唔可以唔沖 
1個讚
我夏天坐月，日日都沖涼同洗頭，之後吹頭。
唔係成身汗又臭都唔知點抱bb。
1個讚
我當時冬天都日日沖，不過用薑水沖。其實我覺得用薑水沖涼應該好重要，我以前成日手凍腳凍，但生完後基本上出去搭車去商場等好少需要帶外套。
1個讚
我聽到好驚，生理鹽水應該會好d
1個讚
入左廁所點沖佢都唔知啦
我呀媽反而話點會唔沖涼
1個讚
係啊，我同事生完咁沖之後冬天對手暖過佢老公，完全唔怕凍
我係陪月顧問，我可以話俾你聽係一定要洗頭沖涼，如果媽咪污糟唔注意衛生係有機會令BB受到感染，尤其呢個疫情期間更加要注重身體嘅清潔，去完健康院或者醫院返屋企一定要洗頭沖涼。洗完馬上用風筒吹乾頭髮，注意保暖。
點解婆婆年代話坐月唔可以洗頭沖涼？因為當時嘅衛生設施冇而家做得咁好，如果農村嘅可能用緊井水係會有好多細菌嘅，洗頭沖涼液會容易冷親…
但係而家一開熱水即刻有，好多家庭都有浴室寶，冬天沖涼唔怕會冷親，唔沖涼洗頭對產婦同BB係百害而無一利。
利申：我嘅雇主多數係醫生家庭，本人亦修讀咗中醫食療學文憑課程
10個讚
我有沖涼洗頭，用薑皮水
我果時只係用，煲過嘅水入護康瓶沖會陰傷口。從來冇發炎、甚至肉牙問題。
無特別原因，妹妹唔可以用太多化學消毒劑清潔…
不過算，老一輩係咁，除非有讀過、否則佢哋都係佢地阿媽/ 奶奶教落
兩胎都有沖
如果你本身對薑過感咁係要搵其他野代替
1個讚
我開刀，住院時落得床就沖下半身，回家就除咗傷口全部沖
我當年喺醫院一落到床就去洗頭沖涼，因為好多人黎探，唔想咁樣衰，之後都keep住日日洗頭沖涼，而家有m痛，m痛時會由腰到肚到大脾咁痛，m後會頭痛，我唔知關唔關事，但俾我黎多次，我都會沖
我岩岩生完冇耐～～～
我頭一星期就隔日沖涼…沖完用薑水淋身，第二星期開始日日沖涼…都係再用薑水淋身，我發覺沖完涼個傷口都冇咁唔舒服！媽媽舒服真係好重要！
而家冬天個頭唔洗都唔太大問題我都忍唔到但阿媽唔俾我日日洗頭
隔日都唔得，我只可以一星期洗一次
其實我都唔明點解我會吹乾抹乾都唔俾日日沖涼洗頭！
勁唔舒服，我每次沖完涼洗完頭心情都好愉快