有次校外活動完結冇校巴坐，唔在場嘅一位家長要求老師離開活動場地送佢小朋友上的士，但老師都要睇住其他學生，行唔開
我都費事同你嘈,呢D野好簡單姐,睇下你嗰間咩學校啦,事實我真係見過!
學校咁做仲增加學生歸屬感同團隊精神
每晚收到老師update每日行程同相添
好似你緊張D喎~
1個讚
唔使嘈，傾下啫，笑返 
多多包涵
1個讚
小朋友幾兄妹讀寫障礙、學習障礙、小一老師建議做評估、家長拒絕、原因係唔想小朋友有特別記錄、結果小朋友得唔到資源協助、小一至六測考默書得個位分數。
做功課、家長比晒答案比小朋炒。
默書、默之前一日炒默書範圍一次叫做温咗
日日投訴小朋友懶同唔聽自己講
三餐叫外賣、因為小朋友唔食自己煮嘅飯
1個讚
接上面食煙Nancy朋友嘅對話：
之後佢又講，佢個仔啲同學仔都係住埋同一條邨，所以好多同學嘅家長都互相認識
佢就同其中一個同學仔嘅家長特別friend，Nancy仔會成日去人哋屋企玩
有一次去完人哋屋企玩，同學仔個家長就同Nancy 講，話Nancy仔打佢個仔，叫Nancy仔道歉又唔肯，於是就同Nancy投訴
點知Nancy答果個家長：「細路仔玩下之嘛，有咩問題姐，佢打你個仔咪叫你個仔打返佢囉」
個家長好嬲於是就同Nancy絕交，仲同其他家長周圍唱Nancy唔識教仔
Nancy講番出嚟比我哋班朋友聽，仲不停講：「話我唔識教仔喎」好似想我哋認同佢咁，但係果刻我哋係再次dead air
第二日，我哋開左個新group係冇呢條Nancy嘅，真心覺得呢啲人，應該從我生命中消失
10個讚
我老爺以前日日check住個孫嘅小學網站，睇吓有咩通告（後來通告變咗手機app發放佢就無辦法睇），仲有日日堅持車我哋返學放學，同去任何比賽、面試，仲有日日睇住座樓的cctv，睇住我哋出入（住同一座），仲有明明個孫話要去補習社、就夾硬話個孫唔想去，話不如去佢度等佢兩老教（七十歲）。仲有舊年有封路，警方發訊息俾全港人叫人留意，佢就打電話嚟催我哋快嘅返，我唔聽電話，隔日就鬧到個孫扒喺度，結果要我老公去鬧返去太控制狂。
我覺得佢對我哋成家人十分怪獸
得一粒孫？
好得人驚、比我一定諗辦法搬走
大家黎得BD唔好起曬槓,互相分享姐
1個讚
有位媽媽，個小朋友得歲零，星期一至日嘅時間表已經排到滿晒。Eng playgroup, 普通話 playgroup, swimming class, Baby gym, etc.
另，學校生日會，媽媽平時唔比小朋友食糖，生日嘅小朋友派咗糖比同學仔，家長打電話去同老師投訴，話以後都唔可以比同學派糖。
2個讚
當然當然，可以唔同意，但絕不攻擊 (除非Nancy)
1個讚
媽媽屈蛇囉
又唔洗矯枉過正既，有時啲觀點爭拗起上黎梗會語氣重左，冇人身攻擊就OK啦，黃大哂咩
2個讚
我係容易拗就激動嘅人，不過我問心唔係有心攻擊，所以一冷靜落嚟就會反思
係而家先得，廿幾歲唔得，好似真人火水爐咁 
2個讚
好痴線，咁驚人地教壞小朋友，homeschool 丫笨
生得佢出黎呢個世界就要面對各種誘惑/挑戰，咩都投訴一餐太可怕
呢個唔知算唔算怪獸
識人、唔比小朋友去公園玩、話污糟。
試過成班一齊去日本book民宿、住咗兩日、同行另一家庭有小朋友有幾聲咳、、咁就自己一家另外book酒店、唔同我地住…
年頭疫症開始爆發、k3小朋友除左睇醫生完全冇出街、七月學都冇返。
到九月尾喺小一開學、都係返學先出街、唔會見朋友。
佢小朋友k2時、學校老師同佢講過、小朋友唔係好同人交流、提佢留意下…到現在一年級班主任、又同佢講話個小朋友好似社交有啲問題、好靜好定、冇乜同同學交流、佢同個老師講、係自己叫個仔唔好同人傾計同接觸、驚傳染…
1個讚
呢啲阿媽擺明靠害，人長大咗，識人好過識字，唔識交際死硬。
識人都係唔俾小朋友食糖, 佢話因為小朋友係adhd, 食左會好hyper, 不過為免解釋太多, 通常都會照樣接受糖但會收埋唔俾小朋友食
咁嘅做法先係正常，因為一般會教小朋友，其他人送食物比佢時，要攞比父母睇，父母睇過ok 先可以食。
3個讚
我識嗰位超級怪獸同你朋友差唔多，我覺得佢行徑仲誇張，睇番佢小朋友同實際小朋友應該要做到嘅嘢完全做唔到，2歲幾連行都未行得穩，害死佢。