佢地想法係工廠式嘅生產力
唔係。作為一個80後人地上司，我可以話你知準時放工響我眼中係理所當然既事。
冇事冇幹OT把鬼咩，除非果排peak, 或者有特別事情，如果唔係OT即係做唔切嘢。當其他teammate個個準時走，得你OT，呢度有兩個暗示︰OT果個人工作能力低；我工作分配不平均。我唔會覺得佢勤力架 
有時我係條Team第一個人走添，因為我知有d人見上司唔走佢地唔敢走。唔好傻啦，工作搞掂晒，仲要條team準時走人，呢D係美名黎架 
連我老細都讚過我有效率。
我知隔離有個老鬼話我地冇嘢做、唔肯OT、唔明點解可以咁早走。喂，我逗一份糧架啫，唔係賣身，做晒嘢就閃人天公地道，我自問比林奠更對得住份糧囉。
我要補多句，如果我OT超過七點半，出錯率係好高，因為我已經集中唔到精神。我唔OT係為公司為自己好 
4個讚
你咁講真係好好
我老闆 teamhead都係80後
我都好希望佢地明白 其實佢地唔走 其他人唔敢走
亦都想佢地知 早走既同事係因為有效率 而唔係因為無野做
肯OT同要OT係兩回事。有需要就願意OT當然緊要，但唔代表要日日OT先叫好員工。用OT黎擦存在感或代表自己有價值，刻薄D講咁係廢。其實我好想響公司帶起個風氣係大家準時收工，但我都受唔少老鬼壓力(我當然冇理佢地啦，準時返屋企湊女好過)。講真個個有屋企有頭家，放過人放過自己啦 
1個讚
你咁樣既諗法真係好好呀
我都希望自己做呀姐個陣可以帶到呢個風氣
講真，可以準時走，其實同事都唔會想離開公司
老公公司，年尾份bonus同你ot左幾多時間有掛鉤。
搞到d人明明唔係做野都o係度磨爛蓆，有時我未走得老公要等我都唔會去行街等，同d同事一齊o係公司磨爛蓆 
佢公司做歐美生意多，如果日日都遲覆個客就搞到d野delay，所以都明白老細點解會依個計法。
試過有同事問我點解搭正一點就食飯
我答佢因為我準時返工準時食飯準時收工 
不嬲都準時走，做野好快手，屋企緊要。亦都因為準時走，做得幾好都冇得升。
我都係…搭正就閃人…